赋声掠影的个人资料

墨西哥对瑞典一战，证明防守企位重要性前嗰排，大家都盛赞墨西哥队波打得好，踢得又快又好睇点知遇到踢团队整体足球嘅瑞典，即时变老鼠拉龟无从入手，被瑞典打反击入3球，仲被人0封史云逊，我咸前外援后腰，当时大家都讲佢转身回追速度慢，係嚟场波，人地企住个位，移动都唔算好激烈，就系不停甘左右前后移动补位，瑞典成队波前中后场都参与防守，企住各自位置，你墨西哥靠个人能力嚟强突强过，都打唔破瑞典条防线，冇晒符。

昨晚阿根廷嗰个禁区手球，放中超绝对系点球尼日利亚伊加洛要求睇VAR（应该系打我咸嗰场学精左），直播马上给出VAR裁判组里面屏幕镜头，十几台机十几个角度，7-8人睇机，后面仲有一个当值VAR主裁监控，直播画面不停回放，然后主裁果断判手球不成立。哩滴野就系应该去考察重点，学下人地国际大赛上FIFA的高水平裁判点运用规则嚟判罚，点根据VAR裁判提供实况嚟落最终判决，而唔系讲乜野维护裁判权威，如果你裁判水平低下判罚漏洞百出，点有权威？冇权威又何必维护？

被关小黑屋一天。。。只是发了2篇赞克罗地亚的帖子，就被关小黑屋，开始是永封，申诉后变封禁7天，再申诉就解禁了。看来摆渡可能是阿根廷和美斯粉还好，终于申诉成功

阿克大战，证明3中卫唔掂克罗地亚的4后卫4231拉边阵型，完胜阿根廷3中卫的343阵型，我咸都系打返4后卫吧

克罗地亚有啦，1：0！克罗地亚，绝对系本届世界杯最大黑马，攻守平衡，有身体有技术有战术上半场2个右路传中球靓到嗨甘，已经接近入波，下半场卒之执鸡入波，终于有回报。

估下杜锡嚟我咸会着几号球衣？我估系3号，同佢係国家队号码一样

云信准备上场啦世界杯后腰，前富咸球员

俄罗斯碾压沙特有感足球除左天份好重要外，身体都好重要。嚟场波，望落个球场，俄罗斯滴球员睇落好似碌碌大杉甘塞满半个场，而反观沙特班球员就好似牙签甘，点同人地打啊。俄罗斯班球员除左身体强壮外，速度仲好快，只系打得粗旷滴，同前苏联队冇乜野分别，一脉相承。可能真系人种问题，亚洲球队好难同欧洲球队对抗。

连续两年中超第11轮主场比赛都出现红牌，系偶然吗？ @西甲几度秋凉

富力球门后机位给出真相，视频裁判要你托7咩？返屋企凑仔啦

吊7你，视频裁判，明显系主动把脸凑上去的所以，机器系死嘅，人系活的人嘅水平有限或者带有主观色彩操作，机器都会成摆设什么叫逐帧回放？所谓视频裁判有冇圈出嚟判罚依据？

弋腾差滴助攻对面越滴越唔顺眼

沙虾系米要去三元宫拜下呢？ 2个主场2个十二码都射失，真系黑仔。

旧年史杜拼住临尾香都要落啊香，今年佢拼住失球都要落丁丁然而，啊香今年换左嗰发型后，好似换左嗰人甘，係左中卫位置上一场比一场踢得好，完全凭表现占据主力中坚位置，我咸又得一员后防大将，只是希望出年球会唔好又见钱眼开，有人买就卖左佢；同理，丁丁嚟富力后，有佢出场比赛（除左主场打一方），保底失1球起步，昨晚客战国安，史杜係领先一球情况下，又大胆起用丁丁换落表现同状态极好卢琳，拼住失一球风险都要俾丁丁机会。丁丁系今年冬窗，球会唯一重点引援，可能系个人适应力不是太好，一直融入唔到球队攻防体系，表现差强人意，有滴似旧年啊香状况，不过踢左90几场中超比赛球员，能力差极有限，遇到富力主教练敢大胆用人，希望佢接落嚟可以生生性性尽快适应广州生活同融入球队，为我咸未来几年再添一员大将。

国安U23比富力U23出彩，富力全靠老将国安2个助攻，都出自U23；富力2个助攻，都出自33岁卢琳；随着黎家军一个一个离去，富力未来几年，再唔落本买希望之星，甘就前途堪忧。

嚟场波，两个教练换人都莫名其妙国安换下巴顿，莫名其妙富力丁海峰换下卢琳，都系莫名其妙

唔明施密特点解要换巴顿从富力球迷角度嚟睇，佢上半场对我地后防威胁最大。

我一直都话，飞亚达唔会系废柴拉边后内切入禁区大门，以后佢就系甘踢，利用自己速度同带波优势，一系拉边后直冲落底线然后传中，一系带波直杀入小禁区打门，唔需要甘多谂法，简单直接，充分发挥佢速度优势

嚟个时候系米落蒸鱼上去打拦截后腰呢？蒸鱼换马仔，防线前面道屏障

嚟次首胜申花应该冇走鸡勒啩？主场，打多一个，领先2球如果甘都走鸡。。。

明晚打申花，希望唔好再摆蒸鱼踢中坚首发否则，以佢甘嘅速度同身高，反应又迟钝，条防线绝对再次俾人羞辱多1次。

番禺钊到底发生乜野事，点解状态下滑得甘厉害？之前打恒大同一方两场波，佢状态都几fit下，打一方仲入左个世界杯远射添，但系打完上港嗰场后就好似变左个人甘，变成番薯钊，反应迟钝、传球唔到位、带波经常被断，，，从主力状态一下跌到替补水平踢重庆同沈阳两场波，替补出场仲挂住个好似胸牌嘅野係身，好似唔记得除甘，到底发生乜野事？

9号乜谁？射门脚法甘差，直头系浪射浪费一个必入球，唔系就1：3领先，冇走鸡啦

弋腾打拖后中坚，真系唔掂重庆放左甘多高波，只顶出一个解围人地係禁区内起甘多脚，唔见到佢封堵解围

华哥仔，今晚再输重庆就直落保级区咯喂基本唔睇好今晚富力会赢波，取1分都难，原因系你条防线太渣，前面入波都冇用，佢地喇喇临连失几粒俾你叹下，冇咯，班友仔依家系冇晒自信，觉得点踢都俾人入波，只恨每场比赛快滴完场，然后返去冲凉瞓觉。

富力防守问题系系统性问题，要拯救唯一出路系买人否则，2019中甲见！2020中乙见！纵观史杜高域执教富力2年半，佢全力进攻嘅美丽足球打法确实让富力系中超球队里面独树一帜吸粉唔少，但失球数也同样独树一帜，总排名应该可以名列中超球队前2行列（3年统计落嚟除左已经降级球队，富力防守系最差嘅，具体数据可以查实下）因为富力组队以来历史原因，经历几任主教练，条后防线从来都没有被好好打造过，可以用一句话形容：七拼八凑，一年同一年唔同样，对后防线人脚投入同打造时间欠账、过份依赖外援进攻能力问题，终于系失去左翼卫姜至鹏嘅今年，全部问题集中爆发晒出嚟。大坝将崩，再拆东墙补西墙徒费时间同精力，唯一出路系重建大坝，重建大坝就从建中流砥柱开始------加入后防实力中坚式领军人物，内援冇可能，唯一可行就系揾外援。大坝中坚建好，就可以砌墙建立大坝，然后先至系建辅助性设施嘅第二道防线------中场拦截型后腰。趁住洪水仲未杀到，唔抓紧时间重建大坝后果好严重，一旦洪水杀到崩堤造成洪灾，前面嘅投入就付诸东流，以富力一线队板凳球员实力同第二梯队现时人才储备，基本冇可能几年内重返中超，跌落中甲后，依家嚟班主力球员外省青训出黎居多，基本冇可能留住同你打中甲，靠外省籍板凳球员同广东籍本土球员打中甲，就系直落中乙结果。

飞亚达应该往边路快马方向发展唔需要乜野技术意识，到依家年纪，再讲哩滴已经太迟头脑简单嘅人，你同佢讲太多太复杂佢唔会明，简单滴就系捉住2点： 1.拉边 2.靠速度趟球过人然后或者落底传中，或者内切直杀入对方禁区模板就系80年代国足快马李华军，佢一样系有速度技术简单又冇脑之人。

同阿积士青训合作成点？好似冇乜下文啵签约仪式搞到甘隆重，依家都差唔多半年，冇见到有乜野公开跟进报道喔 @西甲几度秋凉虽然依家时代乜野都要讲钱，但系耐唔耐揾人报道下吹下水，起码都可以吸引有意踢职业波滴靓仔同家长关注下啊，米当变相招生广告咯

开局唔错，番禺钊起奇兵效果不过，唔好再好似前面几场甘，前面入几多后面就失多，嚟场系客场，唔需要踢美丽足球嚟取悦现场观众

发布会上史杜话肖智冇去天津客战泰达，两个字“输硬”，三个字“等运到”。唔通摆沙虾单箭头？冇可能啩？富力三板斧，依家系3缺2，问你点赢波？唯一一个当打攻击系球员番禺钊嚟场仲出唔出？放走基亚路、卖左向柏旭、出租阿贵、麦嘉登伤停，剩抵卢琳同飞亚达，老嘅老嫩嘅嫩；癫佬、沙虾肯定俾人重点盯防，而指意乌亚索根本唔靠谱，问你史杜仲可以点搞作？

周六打泰达，富力&史杜又迎来每年比赛嘅关键节点富力、泰达，两队波表面貌似冇乜野恩仇，但泰达嚟队波可以讲系史杜福星（冇意睇小泰达，但历史总是惊人巧合地走到同一个拐角）： 16赛季，史杜正式执教富力第一个完整赛季，开局不顺，连输几场后只得1分，客战泰达凭借汪嵩一脚惊天远射世界杯终于取得赛季第一个3分，而史杜也洗去霉运，之后迎来越秀山枪王沙虾，开启一波5连胜，让美丽足球嘅神话初次绽放越秀山。 17赛季，史杜执教富力第二个完整赛季，开局顺利迎来一波5胜1平领跑中超积分榜奇迹，美丽足球倍受吹捧，之后折戟越秀山翻新后首场比赛，从此开启5连平&临尾香模式，史杜嘅美丽足球首次遭到质疑，球队士气也一落千丈，在关键时候，又系客战泰达，终于打连场破临尾香宿命，球队在关键节点迎来首胜可以缓一口气，然后力叔开始係越秀山做野，后面土豪金主场嘅故事大家都熟悉就唔多讲，土豪金主场不败已经成浮云。画面终于转到依家嘅2018赛季，美丽足球再遇困境，质疑同困难再次摆在史杜面前，然而嚟次客战泰达又会唔会甘好彩呢？总系话：历史唔会跌落同一条河两次，而同样场景已经发生过两次，又会唔会发生第三次呢？所以，周六客战泰达，将会系史杜同富力球队本赛季一场重中之重嘅关键比赛，但愿继续好运。

生姜走左，以后吃粥吃饭就睇三水发挥当然，沙虾一如既往系富力得分手，但系，如果沙虾被盯死或者状态唔好，甘就要睇三水右路助攻掂唔掂，佢掂即系肖智掂，肖智掂即系前场多一个得分点，三水唔掂影响右路攻防质量，甘比赛就好难踢。第一场打恒大，三水发挥出色送出绝杀助攻，掩盖富力后防差隐患；第二场打一方，三水表现平庸，要靠番禺钊同沙虾世界波勉强赢落比赛，第三场打上港，三水发挥大起大落，上半场助攻肖智，下半场失去斗志攻守都唔掂，第三场打亚泰，肖智上半场冇上，三水表现平平，防守多过进攻，下半场肖智上场后又变活跃，最后时刻仲送出传中球俾沙虾同癫佬相继攻门搏到个十二码。

你老味，场波冇乜野亮点，裁判成亮点，抢戏中国裁判水平真系水皮，同国足水平一鸠样

乜野环境？亚泰都拾到啦，点解仲要围嗰傻嗨裁判？

乜野环境？最后1秒峰回路转？又要睇沙虾

飞亚达嘅速度真系冇系浪得虚名打快速反击，如果佢把握机会能力好滴，真系又几有威胁

飞亚达。。。起脚前跑位都几靓，可惜射得太随便，必入球射失，可能后面都唔会有几多嚟种机会勒

场地太差，又遇上偏哨，一滴都唔睇好对手打法粗犷，场地不平整。裁判偏主场哨， 3个条件都系我咸输波必备条件嚟场波一滴都唔乐观

后防老问题，领先唔会踢俾人反攻追返粒后唔识互相提醒集中注意力，导致再俾人快速追平俾追平后又心慌慌唔敢做动作，搞到防守队形散晒，再失多粒添俾人逆转。。。一句讲晒，后防冇一个领军人物镇守

新赛季客场主场赢波，睇出一样野比旧年进步本嚟打左好多字，最终觉得冇必要甘多废话。。。史杜今个赛季，係比赛战术准备上面落左好多功夫，而且临场应对同调度又立竿见影，卓有成效！证明史杜已经对自己球员非常了解，对球队掌控更加得心应手，系好事！输开有条路，然而，赢开都有条路！唔声唔声，富力球队今个赛季其实比上个赛季有好多改变，我就唔多讲，大家有仔细睇波或者未来多滴仔细睇波就了解。嘻嘻！其实个人几仲意富力嚟种唔声唔声吓你一惊风格，甘睇波先至够刺激够睇头待嘛

新赛季越秀山首个主场赢波，好事恭喜富力第一个主场开门红赢波，最重要系3分到手，仲冇失波，延续土豪金主场不败纪录！下个主场打上港就可以全冇压力，尽情对攻，两个字：砌佢！

赢唔到4球，都系唔放心富力后防线，嚟场其实做得唔算太好，对面已经有3个必入机会错过

沙虾世界波！越秀山枪王本色，

番禺钊！！！入波实事求是，嚟球要先赞下丁丁然后赞肖智

忽然觉得周六场波同旧年越秀山首场中超比赛有滴相似除左球场变土豪金唔同左，谂落真系好多相似，但愿唔好真系应验左“锄强扶弱”同”送保级队温暖“滴陋习。裁判、门楣都唔好同嗰场一鸠样。。。

就冇人吹下肖智嚟粒头锤入波？教科书般边中结合弧线球传中，最后由中锋压过中后卫攻门入波战例

啱啱落楼买包烟，比分变成5：4 之前系3：3 还好，我咸暂时领先1球差1个就可以一场比赛入10球，上双

国足右路攻击搭档呼之欲出大肖智搭唐三水

枪王戴帽，嚟次加人工，冇人再话唔值啦呱？孤寒老细肯俾佢甘高人工，系有道理嘅

三水嚟个低平球传中，肖智漏俾沙虾似乎好滴嗬肖智抢低点头锤攻门有滴勉强

第2弹勒喂！沙虾，9分钟内连入2球，富力滴配合同反击靓到嗨甘漏电座。。。

李提香换左发型，有点睇唔惯仲系觉得旧年个发型顺眼滴。

开场1分05秒，沙虾打入2018中超赛季第一球好嘢！

曾超离队，，，曾超，广东梅州人，1993年1月23日出生，身高170cm，体重65kg，司职前卫。 2005年，走上足球之路，前往鲁能足校，成为梅州新生代的足球追梦人； 2014年，转会至广州富力足球俱乐部，同年租借至广东日之泉足球俱乐部； 2016年4月23日，广州富力主场迎战中超豪门苏宁，第79分钟替补上场，23岁的梅州仔曾超迎来了15分钟的中超首秀并收获了个人的"处子进球"。 2017年，随广州富力继续征战中超联赛； 2018年1月，曾超正式转会至梅县铁汉足球俱乐部，在外征战多年，重回家乡效力，此次超人归来，必定助力梅县铁汉在新赛季取得好成绩！

忽然有滴心疼史杜，手下球员都攞奖啦，佢就。。。蒸鱼：最佳U23，最佳阵容沙虾：最佳射手，最佳球员而带出嚟两个最佳球员嘅主教练，就乜野都冇

最后一个悬念：2017中超最佳主教练希望我咸今晚係嚟个权威评选里面，可以嚟次大四喜：最佳射手，最佳U23，最感动球迷，最佳主教练。

最感动球迷，居然系。。。咸迷，，，