赋声掠影的个人资料

球员闹加薪，唔答应就要求转会，通常处理方法系讲紧fm2017啫 1.拒绝回应，嚟个方法最唔好，会影响球员比赛情绪同训练情绪； 2.搵队长同佢斟下，睇下可唔可以由队长搞掂，通常队长同球员都系一个鼻孔出气，搞唔掂； 3.叫球员炒左佢经纪人，话条友搞搞震，严重影响到球员足球事业发展，如果系球员冇乜野野心同冇甘贪钱，一般都肯听话听教，更换经纪人； 4.如果系球员自己要加薪而唔系听经济佬撩佢嘅，甘就话俾佢知合同到期仲有好长时间，叫佢专心踢波唔好搞搞震； 5.如果球员话佢贡献同收入不成比例，必须要加薪，甘就要么就范，同佢倾续约兼加薪，通常除左大幅涨薪外，仲要比高额签字费（忠诚金），同高额经纪人佣金；唔加薪嘅话，就小心佢合同日期，如果剩抵一年，就即刻挂牌出售，佢个心已经唔系度，唔会再同你倾续约嘅，除非你支队系唔到一年内大发神威，接二连三攞到冠军成绩单返嚟，甘佢可能会改变初衷肯同你续约，否则佢就会等住合同到期自由身，然后攞一笔高额签字费走人。

希望出年管理层会认真研究联赛赛程编排，俾球队目标准确定位机会从来只眷恋有准备嘅人，依家返转头睇返，今年中超联赛赛程编排，对我咸其实系非常之有利，就好似度身定制甘，联赛开局一度积16分，爬升到排名第一，为完成保级首要任务打好晒底分，然后，越秀山主场返修完工，首战对上保级球队升班马贵州主场输波，打完贵州后面接连对阵中超前6实力强队，冇一胜绩，除左输鲁能3分一滴都唔冤枉外，其余比赛可以赢嘅冇赢到，唔输得嘅就输晒，其中转折点系主场打上港，造成冇谓关键时刻折损2员大将，造成后面几场比赛缺兵少将，一胜难求，积分唔见上涨，最低跌到第8位，可以讲主场输贵州扼杀左球队良好嘅上升势头同比赛心态，而到关键比赛场次轻敌同冇煞气，系输波主要原因，球队从上到下都冇认识到同贵州嚟场比赛对球队今年成绩走势嘅重要性同意义，谂深一层，可以话当时球队胸冇大志、安于现状，对自身实力认识不足，一时轻敌一时畏敌，比赛注意力唔集中，球队打艰难赛程各方面准备不足，导致失分严重，咸迷一片叹气声。简单讲，今年富力球队打联赛，系开局同收尾都打得非常好，嚟个系球队真正实力嘅表现，中段成绩唔好，集中反应出自身短板，出年应该系针对今年联赛中断嘅表现嚟提升球队管理水平同补强球队短板位置实力，包括为联赛艰苦赛程准备嘅板凳深度。 2017年中超联赛落幕，本人深爱嘅广州富力足球队，系嚟一年交出左一份令我满意嘅成绩单，当然都有遗憾，就系错失左好有机会攞中超联赛前4名嘅机会，冇乜野问题，今年就当球会同球队为实现目标蓝图磨枪嘅一年，嚟一年嘅比赛增强左球员自信心、对球队打法改造又获得一致认可，系走係正确嘅路上，然后出年好好准备，落足心机同脚力，争取真正实现“咸菜煮出烧鹅味”梦想------“适度投入，合理运营，梯队建设完善，阵容丰厚，提升球队实力和成绩同时又能做到财务收支平衡“。当然作为球迷，最紧要系睇到踢出漂亮足球同时又可以赢波啦，甘就最开心！

赞成买史蒂夫过嚟理由：出年打比再入恒大3球

依家我咸要做第一件事系必须马上同史杜坐落嚟、关埋门认真倾下，真诚换留

我咸2017赛季3连胜完美收工最终排名中超第5名，比旧年前进一名，可喜可贺！嚟个结果，相信大部份富力球迷係赛季初噶时候都会谂唔到，出年加强后防，再嚟冲击中超前4！

中超亚冠名额之争，到依家打左半场，一切按照剧本嚟演 1.隔离队输权健； 2.我咸赢住波，沙虾入1粒，估计会陆续有嚟； 3.鲁能力拼华夏赢住波，搏命有滴迟，可惜左滴； 4.剩抵一个悬念就系申花足协杯夺冠。

2018赛季收尾会唔会上演狗血剧情？ 1.恒大主场打出高比分，最后时刻7冠王俾人绝杀，两连败收尾。 2.富力客场都打出高比分，沙虾戴帽兼破中超射手入球记录，但最后时刻被重庆小摩托绝杀输波。 3.足协杯决赛，上港客场赢申花但返到主场输俾申花，最后申花获得足协杯冠军，上海两队出年打亚冠，权健因为同上港毛巾之争结怨先喜后悲痛失出年亚冠资格

打到依家，忽然非常渴望我咸出年可以打亚冠无他，要证明一样野，就系：系中超大环境下，理性投入、致力球队同球员技战术水平提高，潜心球队一线队同梯队建设噶中小球会，一样可以有出彩噶一日；俾真心睇波懂波噶球迷们一个希望：只要有恒心，铁柱磨成金。用一句我咸金句讲，就系：咸菜都可以煮出烧鹅味。

卖鬼卖马都唔好卖基亚路佢能力比最好噶国产前锋差唔到几多，会费同人工又冇好滴噶国产前锋甘离谱，可以讲性价比非常好，係中超现有外援政策下，又甘心做第4外援长期坐板凳，水平仲冇下降太多添；另外，基亚路同我咸有缘份，可以讲系我咸福将！条友每次系球队考虑紧仲要唔要佢时候，必有入波，而且系几重要个挺；旧年引进沙虾前，需要清洗主力阵容外援，一个佢一个布连奴都是但捡一件，佢就系客战绿城入波，而且仲要系全场唯一一个入波，之前我咸开局接连输波係降级区，全靠佢嚟粒入波帮助球队攞到3分，脱离困境，然后沙虾到位，开启我咸攻击线火力全开模式，一直持续到依家。今赛季，条友冷板凳坐穿甘际，关键时候连入2波保球今季最后一个主场赢波，仲保留亚冠希望，可以讲值返晒今年俾佢滴人工，何况佢人工唔高，又钟意我咸，一直留队保持状态等机会发围。今日嚟场2个个人入波，一个接左翼生姜传中头锤攻入网，一个前场快速反击人球分过对方后卫单刀入波，作为前锋噶完美表现，出年值得留抵。

当亚冠烧鹅梦离我咸甘近噶时候，先至发觉上半程应该早滴漆黄金主场啦！就差主场一场胜利，就唔使滴隔离烧鸡队面色直接打亚冠，上半程主场对阵贵州、华夏、申花、上港、力帆时候，是但赢到一场，依家都系度庆祝达成力叔烧鹅梦想啦。

如果后面2场比赛俾人一个唔觉意捧左上去亚冠位，点算？ 1.冇追加投入，如果就系斋打附加赛，好似今年申花甘一轮游噶话，一滴意义都冇，仲不如唔去； 2.以目前球队人脚实力、主力同替补差距、球员年龄结构，在冇大面积引入强援加强阵容厚度情况下，根本冇能力应付双线作战体能消耗，结果可以预见，联赛保级，亚冠俾人地大炒收场，就好似15年甘； 3.人地打亚冠就话系为国争光啫，我咸滴企业文化冇甘高大上，甘打亚冠系为乜？揾高手过招证实我自己有几多斤两？锻炼新人？吸粉？博领导开心？变相企业营销？。。。或者真系一圆力叔咸菜煮出烧鹅味梦想？ 4.万一中超兄弟俾面我咸，捧我咸上位，真系可以去打亚冠，甘从投资人到球会到球员做好心理准备未？有完整规划同预案未？冇噶话，到时仓促上阵，就一定会餐具收场。

就冇人吹下JJ红吗？希望出年嚟个球员可以留抵，虽然人地嗰名起得唔多讨好，谐音降级红我咸球风偏软，佢踢法够硬朗，有身高有头球仲偶尔带入波属性，其实我睇左琴晚场波后，忽然觉得可以发掘佢做肖智接班人，缺点系球商差滴，有时会显得鲁莽，但总比等向柏旭成长起嚟黎得快吧。

今年我咸对阵中超第一、第二，一场都冇输过，厉害啦啩？有句老话叫：赢左冠军同亚军，胜似第一

睇今晚上港队波表现，足协杯冇话申花冇机会上港队波，心智唔成熟，逆境就泄气，冇冠军相

有一种爱，叫喜出望外！我咸好嘢，下场主场打亿利，铁定上山撑你，风雨无阻！客场赢上港，报左今年主场俾屈之仇，睚眦必报，有血性，我钟意！

上港班**粉，嚟次冇嘢讲啦，主场俾我咸攻到嗨甘仲话全中超攻击力第一

今晚嚟场波后，上港会唔会挖史杜团队过去？

富力队波身价几钱？上港队波身价几钱？今晚我咸冇论输赢，都已经赢左心气，上港队波真系好唔掂，浪费钱。对攻对攻再对攻，我咸威武

沙虾太老鸡，又射失必入波黑仔

JJ红，嚟场打上港，变身全能前锋？一个头锤入波，一个禁区右角过顶传中俾沙虾，完全就系全能前锋角色。

沙虾开斋！2：0 掂！

癫佬入波越位，程月磊扑点。。。蛋定蛋定。。。

88，博阿斯打完嚟场，就准备出年被炒吧，出年上港继续挖主教练返嚟，继续去买大牌，继续抢毛巾。。。继续一冠都冇

冇咯，上港嚟匀亚冠梦睇白会梦碎 4个人足球不敌日本仔11个人足球。

出年打亚冠中超球队唔使估估下，系嚟四队恒大，上港，华夏，申花恒大系中超标杆，加埋自身实力，足协保硬，其余3队都系国企球队，今年投入甘多国资，攞唔到亚冠资格为国争光，领导面上冇光，讲唔过去，所以，都会报送3队国企队打出年去打亚冠，还下佢地心愿。

既然要卖生姜，甘出年我咸其他位置随便撸都冇意见，但系必须加强后防线人脚实力，睇返今年我咸滴比赛，有前冇后踢攻势足球噶代价就系后防线前沧百孔，不堪一击，所有中超球队都可以系我咸条后防线度搞搞震，最耻辱噶标志就系俾莫雷诺1过4入球，搞到史杜同班教练组冇晒面。所以，既然生姜要走，欢送，谂返之前佢又米系中甲级别噶球员，系我咸俾左个平台佢发展先至有今时今日甘噶成就，依家球队体系初见成效，只要我咸坚持踢攻势足球传控打法，继续由史杜高域做主教练，一样可以发掘到第二个姜志鹏出黎，接落嚟要想提升球队实力同竞争力，就要补强短板后防线，加强防守能力，解决一直嚟困扰球队噶老问题，先至实际，否则，要靠前锋入多几球先至唔输波噶比赛，难怪人地沙虾成日要求加薪，换第二个射手嚟都一样会系甘，一样时不时同管理层扭下计，前面噶球员依家噶沙虾有版睇啦，成日系甘，挑战球会管理层滴耐心同底线，都唔系长久之计。

感觉我咸队波发展到左瓶颈，出年点办？继续保级、争前8目标？今年比旧年进步系体系建成、打法成型，生姜、三水两翼齐飞上上落落，肖智中路策应，沙虾射门，癫佬前场穿插游击，乌亚索、钊仔调度组织同协助防守，卢琳劳模万金油，只要嚟滴球员状态好或者人脚齐全上场比赛，以我咸连续几年噶低投入卖人保财政平衡政策，中超各路土豪都唔敢睇低我咸几分，唔上唔落企定中超6-8名唔成问题。个人觉得今年球队最大问题有几个： 1.球队核心沙虾经常闹加薪且开始影响到队内心态平衡，或者觉得我咸座庙太小容不下佢嚟个大神；比如同癫佬争罚点球同任意球，到联赛尾段为刷射手榜数据表现太独，而一旦佢状态唔好又直接影响到球队胜率； 2.核心球员年纪老化或者心态唔定，肖智（33）、卢琳（33）、钊仔（30啦）出年又老一岁，沙虾同生姜总有转会传闻，而后生球员依家冇一个表现出嚟系可以接佢地班，同样，构成球队打法正常运转噶几个核心球员都冇合格替补，一旦人脚唔齐，马上影响到球队实力同比赛发挥，连带表现系临尾香同连续不胜； 3.后防线协防水平太低、个人能力太差，严重制约球队成绩，阻碍球队进步。讲经验旧年噶大坤、贤秀、于洋算唔差吧？一样后场不设防表现；而今年噶JJ红、弋腾、蒸鱼后生吧？却输经验同衰速度慢，后防差嚟个球队几年嚟都存在噶问题，一直搵唔到合适解决办法，系教练组问题定系管理层太孤寒唔舍得落本引进好滴噶球员？该失的球必失、不该失的球又失，嚟个顽疾存在，影响到球员比赛心态同自信，限制了球队进步。 4.买卖球员、低入高抛做黑店，都系一条生存之道，冇乜野唔好或者好，前提系可以保障球队实力唔会下降，同时又有自己青训球员踢出嚟顶替走左滴球员位置，保持球员忠诚度同就业心态，先至唔会影响到球队凝聚力同斗心，否则东家唔打打西家噶打工过客心态，对球队成长一滴帮助都冇。个人非常之期望富力球队能够一年上一个台阶噶进步，而不愿意睇到球队毫无进取心噶表现；睇竞技体育，冠军只得一个，两队比赛结果无非系三个，个人你比较睇重系睇到球员系球场上展示自己噶技术、智慧同体育精神，甘样噶比赛先至值得留系记忆里面，而输赢、冠军都系浮云。

关于今晚场波，我有滴野要讲嚟几轮比赛，我咸班球员状态都有问题，主要系沙虾射波不在状态，癫佬上次差滴要入厂大修后可能有滴锡身，冇晒以前滴游击活力，两条边其实表现算几好，差在中间接应走位唔够生，当然后防线一如既往甘豆腐。问题1：入球太过依赖沙虾，肖智嗰点利用唔够，得策应配角功能，冇列比甘放手俾肖智搏，鸡鸭佬上阵都系得个陪衬，完全同班队友唔夹，发挥唔到高点作用；问题2：前场中路配合太过依赖沙虾同癫佬，乌亚索同番禺钊冇得踢，替代球员未够称，所以俾人盯死沙虾同癫佬两点就冇晒威胁，好容易防；问题3：中场拦截少左乌亚索都系唔掂，李提香同张功都系体系球员，冇乌亚索噶个人能力强，3个中坚，一如既往甘符碌，睇唔出踢左20几场后有乜野进步，上限封顶，水平就系甘；问题4：对客场哨、偏哨冇合理可行应对办法（嚟个要同隔离班友学下野，比如郑智，既然点踢都俾你吹，就一于宁愿赛后被罚都当众搞大件事指住裁判嚟叼，大不了写报告时候拖埋你落水，搞多几次，滴裁判见到佢都心惊惊），因为对方主场哨偏哨，加埋后防班友又唔争气，所以史杜高域係失第3波后即刻拂袖而去。

史杜破釜沉舟，祭出3前锋搏命打，搏命攻斗铲，斗撞

三水一停一扣，肖智头锤配合靓到嗨甘，好耶

睇左下后面赛程，我咸其实仲有机会入中超前4 同旧年情况一样，依家剩抵硬仗就系作客上海滩嘅两场比赛，申花对今年联赛应该系冇欲冇求但求快滴打完好炒主教练，所以下周客战申花可能系我咸改写多年嚟作客上海滩输球记录时机，今年我咸已经改写左几个常年作客不胜同输球记录：航体、工体，接落嚟应该到虹口。 10月21日战上港，18日佢地去客场打浦和啱啱返嚟3日就要打我咸，无论打浦和胜败出线与否，3日后就要对战以逸待劳噶我咸，只要到时我咸人脚齐整，全身而退唔会好难；客场打完申花同上港，其余主场打建业同亿利有心取胜噶话，全取6分都系唔难，甘样基本就可以确定我咸今年中超排名格局，到最后客战力帆，如果形势好噶话，只要唔输波就可能攞到亚冠资格。而华夏、权健、鲁能嚟3队，相互之间剩抵各有2场6分上落争排位硬仗，华夏同权健仲要对战苏宁、恒大，一个唔觉意就会俾我咸有机可承超车。纵观今年我咸中超赛程偏排，其实对我咸甘样实力噶球队系非常之有利，可惜球会可能攞到赛程表噶时候都冇意识到今年系入前4绝好机会，心态仲系有滴过于低调同保守，然而，无论如何，都要我咸自己争气，系剩抵噶后面2个主场3个客场里面至少攞到8分以上先至有机。

今晚乌亚索、生姜缺阵，我咸胸多桔少同华夏关系唔错啊，关键时候唔左住人发达，等鲁能、华夏、权健都有机会争亚冠资格争到头崩额裂，又唔得罪人你华夏如果主场都赢唔到缺少两大主力嘅咸菜同烧鹅混合队，甘就唔怪得人啦。乌亚索缺阵，上奥迪臣定系基亚路呢？

问下，宁安依家係边庶？做咸趸唔系好耐，最近玩fm2017先至知道我咸原来有个95出世嘅后腰宁安

滴完国足嚟界世界杯12强赛，我觉得系亚洲范围内国足真正实力可以排前6水平，有个好教练带队，比如列比或者我咸史杜有望冲击前4，国足有自己特点同优势，当然实力比日韩澳差滴，但系同乌沙阿对比，只要教练掂档，有得争下不过出亚洲，就会变鱼腩，球员技术太糙，战术素养太低，整体运转唔掂。

丢，早滴请列比就出线啦高洪波丢分太多，带同样一班人，后半段攞到10分，高洪波攞2分早滴换列比，依家就可能可以打附加赛或者直接出现啦

肖智同郜林，系米有滴位置重叠啊？两个技术特点差唔多，连跑位都经常撞埋一齐，冇呼应，到底系肖智做策应定系郜林做策应？

郜林嚟球，换沙虾就有啦冒牌始终都系冒牌于汉超45度弧线传中，落点靓到嗨甘，就系冒牌枪王唔掂

国足逃过被绝杀，运都赢埋嚟次睇白都唔会临尾香吧？

肖智上场，冇生姜喂饼，掂唔掂啊？我睇冇生姜系庶，其他队友唔会喂饼俾肖智。

睇惯我咸滴推进，睇返国足国足从后场推进到中前场方法唔多，冇乜野纹路，仲不如我咸踢得流畅。

冇我咸赛事嘅日子，闲来无事去下载了FM2017玩下，打发时间，搞左几日，发觉得一个叫乜野低碳黄金版嘅汉化比较完整，而且2017中超赛季规则都系同步足协新政策，我咸球员头像头齐整，美中不足系汪嵩冇转去苏宁；一开始就提示乌亚索同张贤秀对球队后防板凳深度不足有意见，睇黎都几有意思

仲唔换卢琳上去？都应该系时候啦啩？

沙虾同癫佬讲紧数睇下边个射任意球

今晚我咸最强阵容迎战鲁能只要班球员尽晒力，输赢都冇所谓，从出场人脚，可以睇出，史杜已经将压箱底滴料都攞晒出嚟，我个人冇晒意见，睇过程吧，乜野结果都可以接受。

富力滴后卫要好好学下人地恒大两个边后卫点样破黑又硬攻门郜林中场被抢截失球申花16号右边卫带球突破恒大中场防守直接面对拖后中卫冯6分波俾右边马丁斯（富力最怕）直塞球破掉拖后冯6拦截，马丁斯同时内切攻门，同时恒大左右两个边后卫回追封堵冯6眼神防守，目送身后两个边后卫兄弟同佢补镬，而李35、王12成功封堵申花黑又硬马丁斯攻门解围出底线

富力打唔到硬仗，周日必输鲁能依家4-6名同积36分，第3名鲁能少赛一场38分，周日主场打鲁能赢波哥话本嚟应该系赶超绝好时机，但系我咸已经保级成功，冇欲冇求球队，唔会阻住人地发达，唯一有动力踢波得沙虾一个，想继续中超射手王优势，冇耐独木难支，球会同队友都冇进取心反观鲁能，打**制富力，又有亚冠动力，加埋场外乌亚索合同条款因素，讲乜野都食住你富力咸菜队，嚟云越秀山主场风水神话，遇到漫不经心又不思进取主队，神话必被破。

一周三赛，生姜停牌，又少打件，嚟场客战贵州，攻冇力守唔住，唔输3粒算好彩，出年亚冠就免了。两翼熄火，沙虾都冇甘生猛，一场冇三水客场输恒大，嚟场冇生姜都会输贵州。

依家先上番禺钊，迟唔迟滴啊？下半场就应该上佢换肖智落嚟，打沙虾单箭头

听日客战贵州，冰盾继续首发，史杜係今日发布会上讲左啦。史杜都系有哩个习惯，上一场如果表现好嘅球员，就会俾佢下一场继续踢首发正选。

大家有冇留意到只要我咸周日係越秀山击败辽宁甘就积33分，可以讲，完成左今季保级目标，大败后需要一场大胜嚟洗去晦气，更加需要球迷多多支持，助球队力取3分提前上岸，所以，决定周日继续上山撑富力，撑沙虾循例讲句：富力必胜！

黄政宇近几场球真系好唔掂虽然我坚定支持本土化，但佢自从俾力帆小摩托连爆几次失波后，好似有滴怀疑人生甘迷失左，俾人好唔放心嘅感觉。年轻球员俾佢地足够嘅上场比赛时间好重要，但当佢连场出现重大失误成为球队最致命薄弱环节时候，系唔系都要俾佢坐下板凳反省反省或者休息下重新充电？后防3个中坚，弋腾、JJ红出场时间都唔够佢多，有冇问过佢系米压力过大或者需要透下？年轻球员处于成长期，既要放胆使用又要适当保护，希望佢唔系真系到左能力极限，可以早日突破自己瓶颈有所提高。

今晚天河输7球，讲技不如人我唔信甘前面4：2痛快淋漓击败恒大，都差唔多系同一班人，唔通隔左几日就技术退步晒？ 5球差距，唔系技术上差距，个人认为今季连场临尾香都唔系技术上差距，因为仲对富力球队有真爱，所以，好希望球会能够痛定思痛，好好做下总结，然后俾仲爱紧嚟支标榜“南派传承”球队噶球迷一个交待，等我地仲有继续爱落去嘅理由

一场惨败，暴露富力球队最深层次嘅问题富力队波冇魂！今晚係天河迷失左，一队失魂球队，技术再好都冇鸠用。前几场客场输俾权健，我就建议球队要整风，无奈最近几场俾滴所谓风水灿到唔记得左球队最缺滴乜野。出年俾沙虾做队长吧，然后上场比赛球员唔好净系睇佢技术有几掂，仲要滴佢精神方面嘅属性系点；卢琳出年又老多一岁，踢波够搏噶闵俊麟必须要嗌返黎，唔系噶话，国内球员成班契弟冇几个有荣誉感同赢球斗心嘅人，就系识得睇住份粮嚟踢波，输赢冇所谓。

沙虾开启入球模式了场戏仲未收场，唔好甘快转台

黄政宇嚟场波，短板暴露无遗佢真系唔适合踢拖后中坚，继续踢哩个位置嘅话，球队俾人大炒机会仲会继续嚟。

机会仲有，只要入多粒又唔好俾人入多粒，不过以富力精神属性，基本系冇可能，最后可能会系2：5输波

癫佬搏点！刘健终于赖耶

鲁能反超上港，入球都系国内球员，2：1反超上港，嚟次真服鲁能

史杜发话，希望出年闵俊麟返黎能够帮助球队赛后回答记者问题时提到：记者：富力今年非常喜欢使用年轻球员，明年会将租借在外的闵俊麟收回来么？史杜：我是一名非常喜欢用年轻球员的教练，我会继续这样做，不仅仅为了富力，也是为了中国足球的未来。我希望年轻球员可以更多感受职业足球的氛围，吸取一些经验，未来成长为一名好的球员。我也希望闵俊麟明年可以回来，帮助到球队。

啱啱返到屋企，越秀山好耶土豪金好耶，我咸主场3连胜，足协杯中超联赛双杀4：2恒大。不过天时真系好热，现场嗌到声沙，加埋成身大汗，依家仲出紧汗，唔敢即刻凉空调；我坐位置左右到前边都系恒大球迷，好彩后边有2个靓仔系富力球迷，入波就一起嗌，一起庆祝！