赋声掠影的个人资料

展望2019赛季，忧心忡忡~~~ 1.球队得分神器沙希域去留存疑； 2.肖智是否继续适合踢史杜战术体系下高中锋角色？ 3.雷鸟水平下跌太快，突破能力减弱并拖慢球队进攻速率，是否适合踢出场3外援之一？ 4.乌索曾经横传帝、飞机王、万金油、有前冇后型防守后腰，剩抵一年合同是否要换？ 5.2017年赛季开始打造嘅中超失球数3连亚防线，出年是否需要围绕杜锡重新整合？ 6.叶楚贵外放练级一年成功晋级，能否回归？回归后如何定位？ 7.卢琳、陈志钊广州孖宝又大一岁，后继有人吗？ 8.传闻中嘅国家集训队要抽调各中超队精英U24、U25踢中超后，对本来阵容厚度就不足嘅富力影响严重，那么准备好应对之法了吗？ 9.出年仲会唔会响人员紧缺情况下，例牌卖出一个主力球员？ 10.出年球队定位系乜嘢？保级还是前8？还是继续做“吃饭瞓觉打恒大”式嘅豪门杀手？（为左水华哥口中嘅8万员工着想，定位打亚冠连想都唔敢想）。。。。。。

大连保级成功，小心三水被挖走如果要留人地就早滴做嘢，不然，尽早搵定替代人选吧！王老板放话，要求购所有响中糙踢球嘅大连籍球员，打造中糙豪门所以，新赛季，最担心第一个走人嘅系三水同学而且，沙虾要卖好价钱冇人问津、肖智大国脚年纪太大卖唔出好价钱，出年班友仔全年工资睇白都只能着落响三水身上了

伊哈洛、谭龙、梁学铭是但嚟一个出年打恒大都有滴揸拿，肖智已经老啦首选伊哈洛，今季中糙射手榜第二位，如果沙虾走人，佢完全可以取代沙虾，如果沙虾留抵，加埋伊哈洛，可以组合成中糙入球率最高锋线；次选谭龙，打恒大、上港嚟个球员都有入球，富力要叫板前4球队，成为豪门杀手，嚟个本土前锋系首选；最后，伊哈洛或者谭龙都唔得手，可以考虑梁学铭，嚟个球员打恒大会出力打又系本土派，啱晒富力要求。

今嗰赛季，我只记得富力踢嘅2场球第1场客战恒大，送恒大赛季主场开门首败，间接助攻上港终结恒大8连冠美梦。倒数第3场客战贵州恒丰，自救，将对手打落中甲同时让自己处于保级有利位置。

丢，俾你地班友仔讲到冇晒瘾甘容易就入波，仲要系乌龙嗰挺

旗帜鲜明地支持今晚恒大赢上港支持恒大赢上港，唔代表认同恒大球队同部分恒大球迷做法

睇完富力VS恒丰嚟场波，百感交集 1.冇可替代人选下，揸波王依然系富力不可或缺头牌得分手兼助攻王； 2.卢琳本土球员第一人地位仲冇人可以取代； 3.“美丽足球”靓系够靓，但对依家富力球队班底嚟讲就系毒药； 4.史杜高域会打防反，只不过大部分时候都不屑于打防反； 5.富力原来可以拒绝临尾香； 6.丁海峰摆正位置后未至于甘垃圾； 7.李提香原来可以唔犯规搏点； 8.冇左乜嘢腾乜嘢宏领衔场均失2球起步嘅后防线，可以零封对手，甘罪魁祸首呼之欲出； 9.乜嘢智唔要得啦，尽快稳替代人选。

天道酬勤，卢琳再下一城广州仔响贵州恒丰门前踢出一记高难度弧线球射门得分

閪荣终于做一回队长了意义不言自明

依家唯一可以救富力保级就系市政府奖励中超球队保级嘅2000万奖金，指望客战贵州同主场战华夏人地是但一个手下留情，都不如力叔大笔一挥：保级成功嘅话，2000万奖金大家就攞去分左佢。。。换主教练、求人地放你一马，都不如奖励金钱嚟得实际最怕就系力叔唔想玩中糙，转玩港超，唔在乎用市府滴保级奖金嚟填中糙个坑，要止损离场。

看球费电，再见富力，出年中甲见富力滴波仲洗乜睇？醒来又系一场惨败等到有赢波嗰日，再叫醒我嚟睇班球员大佬啊，嚟场波系保级6分战啊，踢成甘嘅鸠样，对得住辛辛苦苦卖楼赚钱返嚟养你地嘅8万员工吗？我都话，今季球队表现怪怪地，核心队员、老队员轮流响关键比赛出现关键失误，葬送球队好局，换成我都心淡，仲踢嗨乜，落中甲慢慢玩吧。

比赛70分钟后进入富力垃圾时间 70分钟前再冇入波，比赛基本就系甘啦，再冇改变赛果能力，成队波体能唔掂，俾人打一脚龙门，后防个个都呆若木鸡，而自己嚟边，再冇能力攻入人地禁区

哎，关键时刻仲系靠25仔得分唔怪得俾人揸住歌春袋，半年嗌一次加薪啦。

从第22轮开始，只要赢一场球就可以上岸了，然而你咸到第26轮比赛仲系一胜难求，5场比赛只得一分，系所有中超球队里最近5场比赛中得分垫底球队之一，另外一队就系今晚保级对手权健，其他球队，从保级队到争冠队，得分都比今晚嚟两队多，如果，今晚权健全取3分，甘富力最终降价嘅话都唔冤，希望下半场场上11嗰嗨佬知耻而后勇，反败为胜吧。

历史上，富力试过落后2球扳平再反超吗？印象中，好似未试过，所以，今场早早***2球，就系冻过水揸波王空门不入，雷鸟打边网，连运都冇埋

请问声：富力依家凭乜嘢赢波？凭乜嘢甘淡定以为保硬级？权健刚刚换帅，换帅如换刀，话唔埋就响你主场赢你祭旗；贵州仲保留一丝保级希望，主场烂地打你娇贵富咸全取3分志在必得；华夏幸福凭什么要放过你，送分护你保级？将希望寄托响别人身上而唔系靠自己搏到，系极不靠谱嘅假象；人和会好似你以为无欲无求乜？你姑队队都系咸菜甘愿平庸啊？

今晚程月磊两次出击失误导致2个失球关机唔睇啦，今季富力好多输球都系甘，自己失误，无谓红牌、送点，轮住嚟，如无意外，接落嚟富力应该跌落保级区了，精气神冇晒，技术优势冇晒，等最后一轮打华夏保级生死战，再叫醒我吧

依家你咸遇上后排球队，未必打得过人地以你咸近排甘嘅精神状态，打贵州、建业、重庆敢讲必赢吗？

一早就话富力系靠2个人扛着係中糙混日子嘅球队一个系史杜高域，一个系沙希域，其他都系2打6角色，不能独当一面，球队响赛季吃粥吃饭，就睇嚟两个“域”嘅发挥，依家史杜高域变“屎到鸠域”，沙希域变“晒閪荣”，咸菜队原形毕露，2018赛季要评中糙最快退步奖，富力一定入围前2名（另外一队就系天津权健）。除左走左个姜至鹏之外，人脚仲系旧年嗰滴人脚，夏窗仲多左个世界杯中卫加入添，失望，非常失望，我今晚睇到肖智红牌被罚下就关左电视机唔睇啦，以咸菜队嘅精神面貌同过往历史，以少打多，实力仲俾对手差滴，基本就系无希望赢波嘅比赛。

出年中糙嘅游戏规则必改，球会依家应早做打算明年赛季，作为大国家队集训营对联赛嘅政策补偿，中超中甲将会放宽外援政策、取消转会调节费嚟维持职业联赛观赏性同商业价值，由于U23、U24、U25嚟部分精英球员上调集训营，内援转会方面，中生代实力球员被抽走，稍有实力嘅中超内援引进基本冇可能，，各队都要留住老队员，所以，内援方面只能往降级队和中甲队挖人。另一方面就系外援引进，放宽名额后，中超球队起码要做5外援嘅预算，如果打少一个外援，希望之星球员和实力替补球员又被抽走，甘嚟队波命运就系整个赛季挣扎于保级线。隔离已经启动保连奴买断条款，已经释放出出年可能取消调节费嘅信号。联赛出场比赛外援数增加，对比赛观赏性同商业价值不减反增，嚟方面嚟讲，首先联赛赞助金主唔会反对相反仲会喜闻乐见，其次，组队打中超或中甲嘅国家B队、C队，最有可能被4个外援甚至5个外援嘅各中超中甲球队围殴狂扁，甘列比同希丁克见到会好高兴，只有频繁打高水平嘅对抗赛事，国家队集训营先至积累到实战经验获得提高。所以，依家富力引援重点应该着眼于出年引进性价比优质嘅外援，早做准备同预案，个人倾向于沙虾加薪问题倾得掂就留抵但要有底线，倾唔掂就送佢走人，然后，依家4个外援，杜锡新签郁唔到，雷鸟签左长约只能暂时留抵但要改条款，乌亚索送走，然后开始物色中前场外援人选，主要系前锋、左路一条龙球员、后腰。

扎波王扭计，富力何去何从？屋漏兼逢连夜雨，球队面临跌落保级区之际，队中头号射手兼绝对核心再次为加薪问题扭计，处理唔好，嚟个定时炸弹随时会爆炸，严重削弱球队后面比赛嘅战斗力。从近两场扎波王冇出场嘅比赛可以睇出，球队攻击力被严重削弱，得分能力沦为降级队水平，可以讲，富力场上冇雷鸟或乌亚索或杜锡，对球队表现影响唔算太明显，只要有波王係庶，对中超任何一支球队黎讲都系一个威胁，对手都需要派专人盯防，从而俾到其他前场球员机会入摄射门甚至得分，主场打重庆，全场大部分时间表现差强人意嘅肖智抓住一次传中成功机会扳平比分，就系明显例子。今季比赛，富力球员整体表现疲软，而扎波王始终系富力队内表现同状态最好嗰个，嚟点从数据上可以反应出嚟：入球数字、助攻次数，扎波王都系队内第一，而关键入球为球队带来积分嘅比赛系5场（雷鸟6场），24轮比赛过后，富力得分场次系13场（含胜场同和局），波王依然系嗰个扎波王，屎嘅系班队友：雷鸟伤停不断直接影响比赛状态，乌亚索一如既往有前后冇打飞机，杜锡领衔猪队友嘅后防独木难支，唐淼10次传中到点得1、2个，肖智沦为场上打酱油角色，左路球员表现差强人意只好用老琳嚟补镬，李提香鲁莽犯规造点不断、弋腾每场比赛自带1、2次低级失误，黄政宇成长遭遇新秀墙，替补同轮换球员起唔到战术作用。。。唔好怪责波王扭计，人地嘅人生目标就系金钱回报最大化，除非你有波王备胎可以随时取代佢，否则，佢始终系富力球队入面唯一可以影响比赛结果值得信赖嘅球星（没有之二），所以，季初的加薪续约已经俾人睇晒你底牌，今季无论富力球队成绩好坏，只要唔会降级而波王又能维持队内头号射手地位，佢都会再次嗌加薪。一言蔽之，依家富力队内唯一大腿就系扎波王，如果出年冇引进外援计划又要留在中超继续陪玩，甘肯定会再次就范加薪俾波王，如果嚟次拒绝加薪俾波王，冬窗转会期又冇强力外援引进，而中糙联赛无论保级好争冠好打酱油好，都要睇外援表现同能力嚟决定一支球队命运，甘即系绿毛兄话斋：准备缩沙节奏。。。

嚟场如果我见甘环境必定会推乌亚索上去踢前腰，杜锡踢防守后腰做阻截，李提香替拖后组织，中间2个中坚弋腾同蒸鱼，2个边后卫丁丁同三水，左边锋卢琳，前腰乌亚索，中锋肖智，右边锋陈志钊。甘中前场有2个外援可以俾到对面压力，依家前面全华班，基本系连起脚射门机会都冇。

联赛剩抵7轮比赛，估下你咸最后会攞到几分？够胆攞分场次有： 9月30日客场打申花（0，1），★10月7日主场打国安（0，1，3），★10月27日主场打权健（3，1），★11月7日主场打华夏（0，1，3）打上面4队波，3≤攞分≤8 其他3场客场打建业，贵州，人和，加起嚟攞到3分都算执到，个人预测唔会超过1分换言之，你咸最后积分为33分～38分之间

纸糊防线，对手得分如探囊取物仲要系全主力防线

弋腾解围神助攻破自家龙门

三水今季传中球质量差左好多传10个，到位得1、2个 .

关于弋腾，有睇野不吐不快如果富力将佢作为球队主力中卫兼未来领袖嚟培养，甘眼光真系独到嚟个人，踢中卫晒左，踢防守后腰好滴

2级国猪沦落到以大打小都输球，讲明一个问题不到一个月，2级国家队都输掉对阵平均年龄比自己小嘅亚洲强队比赛，讲明一个问题：金钱同强制性行政管理带来问题远比技术方面带来问题复杂，更难以解决。技术落后可以通过苦练、外教引进、选拔等等技术手段提升，而强制性行政管理手段如果系以短期政绩为目的，而冇长远嘅科学规划、系统配套、层层落实，注定係足球领域系失败手段，钱唔系万能，但冇钱又万万不能，关键系睇用嘅人点用（嚟方面要赞下我咸）国足2场以大打小比赛输球，讲明80亿中超係技术层面同精神层面都冇提升到佢应有嘅水平，可见管理者同参与者水平之差。

一个胜场3分之差，形势就天差地别打泰达之前你咸是中超12名，离保级区已经很近了，打完泰达后，你咸就升到上半区，重回第6名，可见今年6-13名球队实力都差唔多，竞争呈胶着状态，稍有不慎输一场就会跌落保级区，上半程，我咸作客天津，近几年首败泰达，开启这个赛季跌宕起伏的比赛状态，下半程，泰达作客越秀山，继续扮演我咸福星的角色，可以讲，因为泰达这3分，让史杜高域暂时保住帅位，令贴吧教练组抢班夺权的野心暂时偃旗息鼓，但一日未入亚冠区，贴吧教练组取史杜而代之之心一日不死希望系后面比赛唔系踢出什么“美丽足球”，而系踢出实用足球：和一场赢一场，取得保级安全分数早早带领球队上岸。然后，继续玩试阵同轮换球员，为来年赛季提前做好准备。

无惊无险，3分落袋零封泰达。

30几岁人，居然仲生虾甘跳，太灵活啦人地落铲，居然可以连消带打甘一跳，避开铲截仲过埋人添

李提香过顶长传助攻沙虾凌空抽射破门！配合靓到high甘！

世界级&世界杯中卫吐槽中超国产后卫太屎 @托西奇丰特吐槽中超：防守难度比英超大很难得队友帮助言下之意系佢一个世界级后卫对抗对面3个世界级攻击外援系唔掂嘅。中超首秀，由佢领衔嘅大连一方后防线就被人多次打穿，收获8个失球，佢应该会对中超刻骨铭心丰特还认为，中超的防守难度并不低，想扮演好一名中后卫，难度很大。“与很多人想象的正好相反，中超在对抗方面的强度并不低。几乎所有中超球队都有三名非常优秀的攻击型外援，其中一些还参加了世界杯。对一名后卫来说，去英超踢球，你能得到后防线上水准出众的队友们的援助；但在中超，作为后卫，面临的难度很可能比在英超更大。” 国产后卫系屎，嚟个冇问题，问题系每周同世界级外援对抗，点解唔会越变越强？国足好耐都冇出过亚洲级嘅前锋同攻击中场了，进攻唔掂，佢甘话法即系防守都唔掂啦，怪唔得知许皮带提都唔再提全华班啦

换位同轮换换得好叫慧眼识人，换唔好叫乱嚟李提香观察左佢甘多场比赛，此人最佳位置系拖后组织核心，打左中卫系偶然一两场有上佳表现，不过要睇对阵系乜野对手，而唔系见一两场踢得好就换佢去左中卫位置，佢踢左中卫重大失误多过建树，主场打建业，客战打苏宁，都系因为佢防守动作过大导致球队失分，第一次跌落河度溺水叫唔小心，第二次跌落同一条河再次溺水，就叫愚蠢！常飞亚上一场打国安虽然球队惨案，但此人系前场3人组入边表现最好一个，人地踢左内锋踢得甘有感觉，下一场米继续俾佢high咯，点解又摆翻佢去右边锋？人地本嚟就一根筋，好唔容易有次灵光一闪机会，米继续俾佢闪落去咯，睇下佢有冇闪多几次可能性啊！卢琳万金油都唔系乱甘搽啊，乱甘搽好容易搽错位置，搞翻自己；连续一周双赛甚至3赛，成34岁人，摆落左翼卫上上落落，又要进攻又要兼顾防守，铁人乜？陈伟铭嚟场似乎揾到踢左边卫感觉，防守准确到位，基本防住对面9号发挥，系前插助攻差滴，既然摆4后卫，系甘咖勒，上半场冇失球，已经交到功课，点解唔比多20分钟人地表现啫？如果迟20分钟先换佢，仲系4后卫，JJh压力冇甘大，就可能唔会伤退，或者即使伤退，陈伟铭係场上又可以即时改踢中卫。上半场，摆3个防守型后腰係中场，摆明打防反，既然牺牲控球同进攻为代价守得几好，甘即系你赛前目的达到咯，点解中场休息又忽然心雄打翻搏杀343呢？结果，JJh被特西拉轮番冲击不堪重负导致负伤退离场，成为比赛转折点。。。

今季已冇奢望，寄望后备球员练级之余仲升到级吧张神龙、陈伟铭、马俊亮，常飞亚，嚟4个人既然已经俾左机会希望接落嚟嘅比赛，可以坚持用佢地，唔好向贴吧教练组嗌出嘅主教练下课口号低头，甘就服你

冷静&理智谂下，富力就系中超中游球队除左客场输俾权健同大连一方，系输俾排名比自己低球队，其他场次都系输晒俾排名高于自己球队，中赢过排名依家比自己高嘅申花同人和添，正常实力体现！当主教练失去带队激情时候，嚟个排名就系正常实力表现，当核心射手沙閪荣，核心球员癫佬、乌亚索，变平庸同内援冇乜野区别时候，嚟个排名就系正常实力表现。一早就讲过好多次，富力前2年有比较好嘅第6、第5名成绩，成绩入面，沙希域同史杜高域个人发挥占左好大比重，当嚟两个人变成沙閪荣同屎到鸠甘，富力就系名副其实嘅富咸。换主教练嚟带，换水平如巅峰状态沙希域嘅核心射手（唔好谂歪左，当年会费同工资已经买唔翻同水平外援返黎），系预算不变冇大手笔投入情况下，最多都系维持中游水平，甚至不如。史杜高域近2场状态奇差，连带沙希域、连拿甸奴都系，@西甲几度秋凉，系唔系约下佢地饮杯茶吃个包，系轻松环境下，大家沟通下，正确认识球队定位同为未来比赛取得共识，嚟一起减压呢？

上半场踢得好地地，点解要为换人而换人呢？陈伟铭防对面9号，分寸掌握得几好啊，仲解围一个威胁球添，换卢琳上去踢左翼卫，又打翻343，本嚟踢左甘多场，体能就不足，改打343，米即系跑死中间4条友仔，饿死前面3条友仔冇波踢，前面3条友得常飞亚识得翻中后场抢波，甘就诊中苏宁下怀，米即时提速，打散你中前场连接咯。

67，又打翻343 中场2个，一个抢截型后腰，一个横传帝后腰，冇直接空档分边输送前面沙閪荣，癫佬又冇状态，常飞亚替补球员输硬咯

客场打自己积分前面球队，我唔反对踢得难睇最紧要系唔输球，做好轮换，兼夹试阵好似陈伟铭，张功，嚟滴，可以俾多时间人地踢下甘先至要用人地时，用得上啊

听讲国足史上最强U23上半场就输沙特U21四球每逢大赛晋级生死战，我地各年龄段国足表现都唔会令球迷意外哈梗系例牌喷主教练，话教练布置战术错误然后喷球员，打得嘅冇上，上场嘅又唔打得最后，循例话中国足球冇希望。

讲多冇谓，吃多湿滞你咸今季剩抵目标应该系确保越秀山赢波，留住剩抵嗰8000员工球迷所以，接落嚟足协杯主场打国安，联赛主场打泰达打重庆，必须要赢球，足协杯主场打国安必须全力争胜，而唔系全力进攻，然后于高潮中死去，嚟个关乎球队尊严，同埋给予球迷继续支持你嘅希望！另外依家球队中超积分系25分，如果剩抵2个对泰达同重庆嘅主场全胜，则可以早早脱离降级区，那么，剩抵联赛赛事就可以为来年做好练兵同试阵，边滴位置薄弱需要补强，边滴人要淘汰留抵都系浪费米饭，都可以有一个清晰认知，然后为来年赛事做好准备，至于担心什么足协新政，佢地本嚟就系五时花六时变，做过公务员华哥仔应该好清楚嚟套野，又再等新政出台不过系不作为理由罢了，球队存在滴乜野问题必须迟早要解决嘅，佢比我地球迷都要清楚，问题唔会因有足协新政就存在或者冇足协新政就唔存在。

1：5惨案，非实力差距甘明显，第一责任人系主教练琴晚，国安用2招就搞掂你咸，比埃拉任意球，巴坎布反越位前插，任意球嗰招，打上港时候已经用过，琴晚同佢入上港嗰球一模一样，就系故意在你禁区左端输盘带，搏你忍唔住大动作逼抢，然后搏裁判主场哨毫不犹豫判直接任意球，而主裁判马宁都好配合，嚟个人冇乜野要闹，毫无争议的京哨标志性人物，专职安排俾国安主场哨；巴坎布擅长游走于你后防线之间，然后接后面直塞突然起动反越位前插形成但都，嚟个都唔系乜野秘密武器，富力上次去工体打客场已经领教过，然而都系防唔住佢。面对对手没有什么秘密嘅招数，你咸本来防守就差，失1、2球属于正常，然而加埋反应迟钝久疏战阵嘅替补门将，嚟个失球数就被叠加了。综上所述，赛前如何布置有针对性防守，同充分考虑客场作战在对手有京哨相助情况下，如何避免尽量少犯错，如何有针对性用人，嚟滴都系主教练责任，然而你咸两个外援被对方防范都一栋都冇，而你咸则对对手外援擅长杀招束手无策，所以，史杜高域乃惨案第一责任人。

不知不觉中，今季你咸已经实现多人轮换尝试多种阵型除左沙閪荣、唐淼冇轮换过之外，其余位置人选，都实现了轮换！

实事求是，飞亚达今晚场波表现唔错作为外援同门将主导嘅嚟场比赛，佢表现其实可圈可点开始识得用脑踢球，会内切会变向，仲乜野时候该射门乜野时候该传中把握得几好，又积极参与防守，助攻1球=射高小小1球，传1脚威胁球俾癫佬射失。如果唔系球队大比数输球掩盖左佢表现，就应该大赞一下

4231拉边先至系现时最适合富力人脚实力阵容富力储备左甘多后腰同边锋，当343全力搏杀阵型俾人睇穿晒后，改打4231拉边阵型，既可以做到攻守平衡，又保持球队充分利用场地宽度、整体传控特点，先至系现时最合适同最佳选择。打强队或者主控球时，中场2个踢双后腰加强后防线保护，打弱队或者需要抢分时候，中场2个变组织双核，左右边锋又可以令边路攻击更加压上，而唔需要太顾忌身后空档，当边锋俾人盯死，就到边后卫表现大胆后插上落底传中原有熟练套路，而身后又有边锋补位。。。关键系换成4231后，原有人脚可以保持不变，只系改变下企位就得，而且队内班U23可以对位换人，踢返自己熟悉位置，顺带连U23係垃圾时间出场问题都解决埋，真正锻炼到新人，就好似琴晚陈伟铭甘，被换落之前佢表现其实唔差，睇佢都觉得意犹未尽仲想踢，可能系史杜见球队暂时落后就尽快换丁丁上去。史杜嘅343双后腰拉边打法，对2个后腰同2个翼卫要求非常高，都系需要体能充沛攻防俱佳高质素球员，如果现有人脚达唔到打法要求又冇补强可能性，适时变阵系唯一最高效选择。睇赛后专访，好怀疑嚟次变阵系史杜高域迫于内外压力而被迫作出嘅改变，而采访球员时候，球员都表达出好乐意接受嚟种改变嘅愿望，如果后面比赛又打返343，甘就真系67咯，好唔容易凝聚返嘅士气同团队配合精神将会又被打落。

请问亚运足球赛，各国是否都系最强U23出战？我知道中国国足肯定系，对其他队冇研究，所以问下

2年前曾经讲过富力有3支旗当时汪嵩仲系球队队长内援标杆：姜至鹏，技术加勤力，成为内援典范外援标杆：沙希域，高效加敬业精神，成为引援标杆外教标杆：史杜高域，才华横溢而有雄心，成为唔靠大牌球员就能切实提升球队实力外教模范 2年后姜至鹏为亚冠理想同工资现实远走北方，剩抵两个最近俾人闹到狗甘系米要用脑思考下，点解？

失去左整体配合嘅富力，重回保级队旧路形势开始有滴似15年上半年甘，一盘散沙，各有各打算输球唔可怕，可怕嘅系当后防线球员失球当吃生菜，无动于衷，而中前场进攻被断，失球权后冇就地反抢，而系成碌木甘企係树睇后防天团表演出羞。落重本买杜锡返黎目的系乜野？如果佢定位系轮换球员，何必落甘重本？如果定位系核心球员，点解上场次数甘少？买人返黎之前有冇同主教练沟通过打算点样用人，有冇取得共识？既然想加强后防线防守能力，点解佢比赛次数甘少？唔好再讲乜野买进攻球员嚟滴野啦，蝉联2年全中超失球数亚军，今年睇白又会3连亚了，每年例牌比降级2支球队其中1支失球数少滴，仲唔系防线问题人脚问题？后场例牌倒米，你买C罗梅C返黎都冇用。

既然肯加薪俾沙虾同癫佬续约，点解唔肯加薪留生姜？对球队里面踢得好又有实力嘅国内球员，公平吗？

我咸滴比赛仲洗睇乜？有后防天团坐镇醒来又系一场大比数失球关机吃饭。

一周三赛，点解赢面唔大客场要出晒底牌？田忌赛马，中国式智慧识唔识得用啊？就冇人提醒佢一下？哎，甘用兵，可能三场都会输！