https://tieba.baidu.com/f?kz=516479217

冬在尾 2008-12-19 梁小丹 　　每年嘅冬至,我哋屋企都会聚餐,食嫲嫲亲手整嘅汤圆,汤圆用糯米粉搓,细细粒冇函嘅,不过汤料就好充足,有鸡肉、萝卜、冬菇、虾米等等。喺冻冰冰嘅时候食一碗热辣辣嘅汤圆……真系谂起都流口水啊! 　　嫲嫲话,今年会好冻!因为冬在尾。我唔明,跟住嫲嫲就一轮嘴噉讲咗以下呢段生活经喇:冬在头,卖咗棉胎去买牛；冬在中,十个牛栏九个空；冬在尾,肥牛谂计抢棉被。 　　呢段满载乡土风味嘅歌谣,由嫲嫲嘅嫲嫲嗰一代就开始流行嘞,意思好简单。冬在头、在中、在尾,分别代表冬至所在嘅旧历月份,即上旬、中旬同下旬。“冬在头,卖咗棉胎去买牛”,即系如果冬至系喺旧历月份嘅上旬嘅话,天气就会好好,好暖,好宜人,基本上系唔使冚棉胎口架,重可以悭啲钱嚟买多几只牛耕田；而 “冬在中,十个牛栏九个空”,即系冬至喺中旬嘅话,虽然冇在头咁暖,但系都系一个比较舒适嘅温度,啲牛牛重可以出去晒下太阳,而唔会留喺个栏度偷懒。而 “冬在尾,肥牛谂计抢棉被”,即系冬至系下旬嘅话,就会好冻好冻,连啲肥牛都会同人争被冚,连牛都顶唔顺,更加唔使讲人喇。 　　今年嘅冬至,喺旧历嘅廿四,所以嫲嫲就话“在尾”,而且“好冻”喇!不过系咪真系好冻,要到嗰日先知喇,毕竟以前嘅生活经验都唔可以完全解释而家嘅环境,我哋喺度变,环境都系。

冬大过年 2008-12-19 荆方专栏 　　广州自古就有“冬大过年”的说法,广州人重视冬至甚至重过春节。冬至这天,除了祭祖、拜神外,还要一家人团聚在一起吃汤圆。冬至这天的汤圆都是猪肉、笋丝等咸馅料,不但自己吃,还要分送给邻居,以示来年和睦圆融。

南方都市报 冬至嗰日,你会喺边度 2008-12-19 莫尔多姿 　　每隔六年先有一个冬至会噉啱就喺星期日,今年嘅冬至系噉,六年前,2002年嘅某一个周日亦都系,不过经已谂唔起六年前嘅嗰个星期日系点样过喇。何时,何地,何人,何事,冚棒唥成烟云。一世人得三万几日,有几多个六年有心记取? 　　但系,重记得喺好多好多个六年前,嗰阵时嘅冬天零舍冻,我重系读紧小学,喺乡下嘅一次冬至就系星期日,冚住厚厚暖暖嘅棉胎瞓得好晏先起身,开门就可以感觉到空气里边都系年晚嘅味道:成条巷仔家家户户都劏鸡烧香拜神拜祖先烧纸钱,香烛味,烧纸钱嘅味,猪鸡鹅鸭吖煮汤圆吖之类,重有讲唔清嘅空气里面过节嘅味道。呢一日嘅饭餸都加足料,早餐食汤圆,中午有成只鸡烧肉鱿鱼斋菜等等,晚黑一样都咁隆重。当时可以落咁重皮嘅,一年流流长,就得中秋同埋春节喇,可见老人家成日讲“冬大过年”确唔系话假。 　　转眼间,好多个六年过去喇,从细个同自己嘅父母一齐过冬至,到而家,父母头发白嗮慢慢变老,我亦都有咗自己嘅屋企,学会习惯同另一啲自己嘅屋企人一齐过节喇。但系,喺心里边,最有节味嘅冬至,始终重停留喺唔可以再复返嘅童年时。 　　你呢,记唔记得六年前嘅嗰一日,你系边度同边个一齐吖?六年之后嘅呢一日,你又喺边度同边个一齐?

冬至 – 农历十一月 (阳历12 月)查阅阳历日期 >> 对 中 国 人来说，除了农历新年外，冬至可说是最受注重的传统节日。冬至是指一年之中，晚间时间最长的一天。根据中国传统，农民及渔夫在秋收后，都会将食物储存以度过严寒的冬天。在这个重要节日，家家户户都会提早归家，共聚天伦，好好吃一顿丰富晚饭应节。 这个节日起源於中国人的阴、阳观念。阴、阳象徵生命的平衡与协调，中国人相信「冬至」来临之时，正是「阴」的黑暗力量与阴寒本性最强烈的时候，与此同时，亦是极为重要的关键时刻，只因「阳」的光明与温暖将会逐渐取缔「阴」的极寒本性。因此，冬至是一个协调及和(咔咔)谐的欢乐时刻。冬至当日，我们将稍为改变生活方式，作为庆祝冬至的来临。市民会穿上漂亮的衣裳及探访亲友并送上礼物，然后大家一起在漫漫长夜细尝佳肴，故此，我们可窥探中国人对伦理重视的一面