level 1
phuniabo
楼主
长话短说，总之我今晚同人食完宵夜1点几翻归嘅时候比6个古惑仔围，系围住左！挣脱过程略过，最后无事，不过我觉得真系好鬼死危险，所以翻到黎冲完个凉都唔训住，写埋篇日记提醒下大家先！千其唔好夜到条街无晒人至翻屋企！人少嘅地方要提高警惕！见到可疑人物要密切注意其行动！遇到危险要大声叫救命！三十六计走为上计！特别系女仔，就算有男朋友陪都唔好夜翻屋企，因为敌人数量可能远远超出你想象！可恨我唔识武功，唔系就一挑六为民除害！最讽刺嘅系，我比人围之前行下行下，撞到个阿姨走系我前面，跟住距好似好惊咁，行得鬼咁快，我就心捻，唉点解呢个世界变成咁，人同人唔可以互相信任，你惊我系坏人咩。。。点知行前d就比人围了。果几个古惑仔其实我早就注意到，我见到距地渣住单车转黎转去就起疑了，但系唔知点解我当时居然又同自己讲，距地可能系荡失路嘅姐，距地系我前面停低单车个阵，我仲估距地可能真系要向我问路！正人渣！大家要小心啦！害人之心不可有，防人之心不可无！
2008年08月09日 17点08分
1
