level 3
caizhenzhen
楼主
今晚系第2场睇, 气氛超正~~比起26/10晚好得多. 虽然坐山顶位, 一样全场起身, 由encore开始, 冇人坐低过, 冇人走.eason好natural high, 最搞笑系encore著左两件衫, 第一件系"我的快乐时代", 唱左几首之后, 除衫, d人尖叫, 以为有野睇, 点知原来仲有第2件衫, 就系this minute hold me (唔知系咪咁写) 跟住唱抱拥这分钟, 中气十足, 比起03年尾场仲正~~~ encore左:我的快乐时代 (之后就叫人点唱, 单立文仲话俾几首人拣, 其中一首系"岂有此理" !! 跟住eason话不如唱埋太极既"红色跑车" ~~)与我常在天下无双单车寂寞呜奏曲 (清唱左几句, eason仲话点唱果个人识货 haha)绵绵游离份子抱拥这分钟lonely christmas超人的主题曲明年今日不一定跟次序. 今晚eason好多野讲, 睇得出好开心, 几次玩观众. 一次系除左件衫话想送出去, 但系送黎送去都收番埋, 话以前太冲动, 送完衫先发觉仲有一场未唱 ~~, 不过最后唱完明年今日都记得送左件衫)另一次系大家叫佢唱超人廸加, 佢话乐队冇准备, 叫观众拍手清唱, 於是大家数拍子, 数左一轮佢先话原来乐队系有谱既~~~仲话我地愈打愈快, 容乜易唱死佢架~~~太多太多野未能尽录, 总之好high好high~~~好攰...今晚eason有介绍运动员车菊红同埋高礼泽有黎睇, 佢地都好似几投入.
2007年11月11日 04点11分
1
