2013年的第一个访问

与罗仲谦的是次对谈，建立在一个字上——信。
不是信心、不是信用，而是每件事，都各有一套说辞，你选择信谁的那一套？
11年中，被前度女友傅颖指控虐打兼劈腿，罗仲谦说，虐打是娱乐新闻加过度修饰，劈腿更是一世人未试过，你信那个？
12年中，被卷入富商刘定成裸照相簿风波，刘公子话识，罗仲谦话唔识，然后法庭上扬出两人合照，该信谁好？
三个月前，再爆一单与绯闻女友杨怡疑似车震事件，又应该相信杨怡伏於谦谦两腿之间那张娱乐头条大相、还是男女主角口中饮醉酒呕吐中的解释？

信眼睛还是信耳朵，你有你的选择。
出道八年的罗仲谦说，两年内接连卷入是非漩涡，次次你有你讲、人有人信，体会到甚麼叫百词莫辩，学会了男人应该要信自己。

月中，绯闻女友杨怡勇夺一年一度电视台最瞩目的视后大奖，自己则连鼓励新人的飞跃奖亦输掉， 28岁的罗仲谦亦说，千万别理所当然就相信女尊男卑必然没有好结果：「做呢行会迫人长大，我唔觉得我后生过佢五年，睇法就逊色过人；我都好努力唔想原地踏步，但系当我认为时机成熟时，我照样会求婚，地位悬殊唔会成为我哋嘅障碍。」

大波陈浩南
《古惑仔：江湖新秩序》电影海报一出，即被网友踩鸭味重：「我哋想拍得有漫画感，咁原著个个都画到咁大只o架嘛！」
罗仲谦呢期曝光频密，为的是宣传本月八日首映的新戏《古惑仔：江湖新秩序》。从落实会演新一代陈浩南、到白色西装电影海报出笼，罗仲谦一直是众矢之的，网友一致插爆：新一代古惑仔，鸭味重、英雄气概少，想挑战经典？妄想！
「王晶讲得啱，当年个个觉得华 DEE先系古惑仔，郑伊健陈小春走出嚟拍第一集时都系俾人闹，结果又系创造咗经典，o依家闹嘅人系唔记得当年自己都闹过之嘛。经典永远都系经典，我都系睇古惑仔大，我哋唔系挑战经典，净系想大家畀啲机会我哋呢几个后生仔啫！」

罗仲谦说，出道八年，自己仍然处於艺人的播种期。反观绯闻女友杨怡，年长 5岁、出道 13年，已经处於收获期，获得当家花旦最高荣誉的视后大奖，这段女尊男卑的姊弟情自然备受瞩目、罗仲谦当晚为女友感动落泪的举动，自然是焦点所在：「其实古佬（古明华）同唯唯攞奖时我都有喊，又唔影我……个飞跃奖，开始我都觉得同唯唯有得挥，直至睇佢做《大太监》死嗰场，我就知自己输硬，仲要输到心服口服。
「每个演员背后付出几多、有几辛苦，我都知，杨怡同马国明都成日俾我叫佢哋做农夫。我都有拍剧，都知一套剧一开三个月，日拍夜拍，已经拍到个人冇灵魂，我都要休息、要有足够时间放低上一个角色，先至有团火去做下一个角色。佢哋两个全年剧接剧驳住落，仲唔系默默耕耘嘅农夫咩？唔好话系一个游戏，每个人都得来不易，都需要一个奖项去鼓励。」

绯闻女友夺视后时抹眼泪：「梁烈唯同古明华攞我都有喊，不过摄影师冇影之嘛！」

去年 9月与杨怡惊爆疑似车震，事后两人齐齐在电视城开记招解话：「点解释都冇用，观众相信睇落点就系点。」

与傅颖同属星皓经理人公司，结果拍拖又搞到反目成仇：「我哋冇再联络……虽然感情嘢难控制，但下次……同事拍拖免得就免。」《壹周刊》图片

好彩仲喺度
去年颁奖礼食白果，罗仲谦今年《恋爱季节》、《 On Call36小时》续集及重头剧《冲上云霄 II》轮住上，摆明力捧。

上次与罗仲谦访问，是两年多前，《尖子攻略》、《搜下留情》播完不久，罗仲谦刚刚在电视台起步。两年后再见，罗仲谦一坐下来就感慨：「仲有得坐喺度做访问，我觉得自己真系好好彩！」我问为甚麼，罗仲谦说，两年以来经历种种，一度以为自己玩完，在娱乐圈冇得留低：「未试过上头条，唔知嗰件事威力有几大；未痛过，唔知伤害有几重。o依家一切过咗去，我觉得，痛，唔可怕，最可怕系唔记得痛，做人一定要记住教训。」
虐打女友事件，罗仲谦说：「最大教训，系做艺人唔好咁高调，有啲嘢，真系应该收埋处理。感情虽然控制唔到，不过，同公司同事拍拖，下次都系免得就免。」上次被傅颖指控一脚踏两船，近日又有报道指背着杨怡与前女友藕断丝连，罗仲谦一概否认：「 No！绝对冇！一嚟我冇咁嘅能力、二嚟我深信呢个世界有报应，你对人唔专一，人哋都唔会认真对待我。」
疑似车震事件，罗仲谦说，学习到的是，随时随地做好被偷怕跟踪的准备：「人哋讲得啱，爱情同自由喺呢行系奢侈品。第一次出街开始有人认得、人哋行埋嚟赞我，我好享受o架……咦，做明星就系咁o架啦。慢慢，觉得出街似系马骝咁俾人睇、俾人影；两个人嘅事，要同全世界交代同解释；最难，系承受各种各样批评……呢啲就系公众人物，收入可能比人多，付出自然更加多，好同坏都要承受。我以前好贪靓、日日都操，觉得自己系卖样。o依家过咗追求完美身材嘅阶段，觉得既然留喺度，最重要系有立足能力。演员总会一代又一代接住出道，靓仔同大只嘅更加周围都系，郭晋安同我讲，娱乐圈呢个擂台好大，唔系单对单、打低人就剩番你一个企喺度o架！有实力就可以企落去，冇人可以淘汰你、取代你。」

视后都要爱
与杨怡的绯闻，从年初合作《 On Call36小时》开始传出，被爆过同游韩国、又被拍到过同车，连电视台颁奖礼都当正二人情侣档处理，罗仲谦还是不愿承认现时与视后蜜运中：「点解唔认？因为呢个阶段冇嘢好认。我觉得男仔冇工作冇成绩，最好乜都唔好讲。冇事业基础嘅男人，谈恋爱系白谈。我好细个爸爸妈妈就分开咗，佢哋太后生结婚生仔，心智未够成熟，经济能力又差，拗撬自然多。因为佢哋嘅关系，我特别渴求一个圆满家庭，想有个人陪我行到最后，所以，建立好啲个事业基础真系好重要。」
女尊男卑、老妻少夫，我怀疑隐瞒恋情都是女方主意，罗仲谦亦否认：「细过佢五年，我唔觉得我就幼稚啲单纯啲，见解有咩逊色得过佢。呢行可以加速人成长，我唔系以前嘅我。女仔始终系女仔，无论咩年纪、咩身份，外形有几强，我觉得女仔就应该系被锡被爱。爱情应该系互相扶持、互相体谅，唔会净系得一边强，点样令到我嘅感情同将来嘅婚姻更稳固、我自己心裏有数，觉得 ready时我一定会去马，对方有几强，唔会成为我嘅障碍。」

成名的代价是改嫁母亲及发型师父亲被偷拍、大埔祖屋被起底：「我都唔明点解话我踎村屋，村屋好好住o架！」

大埔围村长大，罗仲谦说自己从小生活与头脑都单纯：「我唔食烟唔饮酒唔出街玩，做消防员搵万二可以储一万。」

缩胸
40吋胸肌曾经男女通杀打响招牌：「已经过 咗追求大只身材嘅阶段，o依家工作太攰，冇得操。」《忽然 1周》图片
在大埔围村长大，一大家族住一栋村屋，少娱乐少朋友少出城，最远是搭巴士去青衣做救生员， 20岁才学会上网有第一部电脑……以前，入行即被封为「大波谦」的罗仲谦最阔的，的确是胸肌，不是眼界，不过简简单单，乐在其中。
这两年跌跌撞撞，他说自己胸变小了、人长大了：「人哋话我成熟咗，我觉得系呢行迫我长大，做嘢太辛苦，值得开心嘅嘢又太少，见到以前班同龄朋友比我单纯得多，其实我好羡慕，系佢哋嘅福气。」
当然，我知道，罗仲谦缅怀的是逝去的单纯，而不是缩水的胸肌。
撰文：朱小博
摄影：范仲良
形象： Bryan@the Flaming
服装： izzue

.*""*.·°∴ ☆·…·…·…·…·…·…·…·…·…·…·☆．．·°*""*.
【谦雯吧新闻组 蔷薇纪年9】

最高兴看到这句：罗仲谦还是不愿承认现时与视后蜜运中。
女仔始终系女仔，无论咩年纪、咩身份，外形有几强，我觉得女仔就应该系被锡被爱。爱情应该系互相扶持、互相体谅，唔会净系得一边强，点样令到我嘅感情同将来嘅婚姻更稳固、我自己心裏有数，觉得 ready时我一定会去马，对方有几强，唔会成为我嘅障碍。

好帅！

看完这一篇采访，心都碎了。哎，现实就是现实，慢慢看结局吧。我现在只希望其他都是过客，谦雯才是终点就好了。现在最重要的就是他俩多拍好剧多赚钱多拿奖~