我觉得影响粤语嘅发展，书写唔出，系最大嘅因素。我都系最近先至话想尽自己嘅绵力宣传吓粤语。挨更抵夜试图揾出比较常用嘅词汇，但系，好可惜，发觉系唔可能，因为好多字都冇嘅，系我哋电脑手机系统问题。书店有出版好多前人出嘅如<广州话正字考>等书籍，个啲词汇无法喺所有嘅电脑手机等设备显示。所以去到目前嘅停滞状态之后，迷惑咗，唔通文字交流或写作要书面语化，普通话化。好似好常讲嘅扌毕饭，庄人冲凉，巩手(上下)跌人家，扌肴痕，扌暴穿个头，包剪石沓，扌耷扁你，俾针吉刂嚫，目及嘢，行到巷尸丶豕(半包围)，口危吓佢，扌享冧佢，扌林高啲嘢，饣察餐劲嘅，邋咗一眼，岳页高头，担住支烟仔，发瞢色曾色，饮水族嚫等等，重有大量好似gigigege等嘅语气词，好孑褦等形容词。相信大家都觉得呢啲系好常用嘅字辞，但输入唔到显示唔出。如果啱先啲字都正常有嘅话，粤语唔会衰落。至于正字，有争议嘅唔算好多。正字好多都有历史，个啲字历史上亦都有人用过，古人佢哋亦都系人嚟咖，都系会有错别字，所以导致咗今人考究正字时都能引经据典，不可开交。正字亦系有好多古字，所谓古字即系历史发展或国家简字化冷落咗，再用就识嘅唔多了。而家呈现嘅状况就系冇字，

赞同 好多人因为唔识写粤语对应嘅汉字搞到要用普通话嚟交流

接上文:古字，俗字，错字等共存，对粤语十分不利，如何解决文字嘅书写，关系到粤语等方言嘅生存。可惜几大系统如windows, Linux,Mac,Java,Android唔系广州人开发嘅，如果唔系，全部字造入去系统度就…发梦。个样唔得，学吓元素周期律表，从字库现有少用嘅字，由权威安排边个字发乜音，乜意思，噉又得唔得咧。系要谂吓粤语嘅出路嘞。以上为拙见，写得唔好，皆因水平有限，旨在抛砖或博一笑。

这样的技术贴，在粤吧是无人理的。

无出路，而家都冇人讲喇，都系普通话