白话同普通话嘅副词一般都系放喺动词或形容词之前作状语，但白话另有一啲副词却放喺被修饰嘅动词或形容词嘅后面，甚至放喺句末。呢个系白话句子格式嘅一大特色。例如：
1.饮杯【添】，唔使客气（【再】喝一杯，别客气）。
2.你返屋企【先】（你【先】回学校）。
3.唔好瞓觉【住】（先别睡【着】觉）。
4.呢条裤长【得滞】（这条裤【太】长了）。
5.栋楼高【返】啲更靓（那栋楼【再】高一点会更好看）。
6.宜家嘅天气热【过头】（现在的天气【太】热了）。
7.今朝冷，着【多】一件衫啦（今天早上冷，【多】穿一件衣服吧）！
8.多谢【晒】喇（【太】感谢你了）！
9.揾【极】都揾唔到（【到处】找都找不到）。
10.要行【快】啲（要快点走）。

上