gxxtai的个人资料

〔蛇螝〕粤语〔se4 gue1〕指惊青, 系由英文〔scare〕演变而邌，冇标准借字，若然要写，可以考滤〔蛇螝〕

本字探讨【今晚奌都要lam1返扂佢】标题中，【本字】定义为【本义字】，指康熙字典中意思读音吻合嘅字，以义为先，音为次，但音异唔可乙太离谱。【今晚奌都要lam1返扂佢】裏面迩个【lam1】字，意思指“[口臽]”、“受[口臽]”同“钟意”等等。相信系非常近代嘅字，因为记得尔前细个嗰阵冇听过，书写嗰阵通常系用个后造嘅“冧”字。本字揾咗好耐都揾唔捯。今日突然间惺起，粤语有一个拟音词【嗄冧】，音“saa3 lam1”，系由英文【salaam】演变而邌嘅香港用语，意思指“问安”、“敬礼”、“行额手礼”，然后又引申为“讲对唔住”。续渐“嗄冧”一词更加畀人拆开邌用，好似“嗄个冧”，同最近匸地铁，见捯有“礼让十个冧”嘅宣传广告。既然“嗄冧”系指同人敬礼讲对唔住，当然有“[口臽]”对方接受自己歉意嘅意思，如果对方接受迩份歉意，亦表示对方肯受你[口臽]嘞。所以，我相信【今晚奌都要lam1返扂佢】嘅【lam1】字，就系【嗄冧】嘅【冧】字。既然系后造嘅拟声字，当然冇本字可考。例句: 【今晚奌都要冧返扂佢】【春娇好冧志明,志明好冧春娇】【老公送钻石，佢当堂冧澌】【睇下冧到佢个衰样】欢迎吧友一齐探讨。

语气字【句尾专用】粤语嘅语气字有好多，为咗读起邌更传神，梗系全部都用口字旁喇，故大家都系用“借音字”同“后造字”比较多。粤语吧吧友邌自各地，自然习惯用嘅语气字都有尐唔同，我嘅母语系广州话，以下迩尐系我一向用匸句子结尾嘅语气字，贴出邌畀大家取舍一下。或者阁下亦可以提供更好嘅畀大家参考。为咗令讨论归一，我希望每个语气字只占一层楼，全部回应要同题目有关，同埋唔该匸楼中楼发表，千祈唔好自己开新楼。如果有个别语气字嘅声调同例句漏咗，我可能会“封旧楼”同时“开新楼”接续。事先声明，唔守规矩嘅回应将会被删除。希望经过讨论之后，大家可以将粤语嘅语气字尽量统一。记住！唔守规矩嘅回应将会被删除。

本字探讨【肥肿 nau6 bau6】标题中，【本字】定义为【本义字】，指康熙字典中意思读音吻合嘅字，以义为先，音为次，但音异唔可以太离谱。粤语有【nau6 bau6】一说，意指人肥胖，或着得太多衫，人显得肥肿，寓意“举动不灵”，“做嘢唔俐落”，“外观唔好睇”，“唔醒目”，“粗笨”，“厊埞”等等。我认为本字系【[女乳]婄】。据《康熙字典》：【[女乳]】乃后切，音“nau6”。女肥貌。【婄】蒲口切，音“pau5”，同“bau6”相当接近。并录得倒装“婄[女乳]”一词，释为妇人肥貌。从以上嘅理据，【肥肿 nau6 bau6】嘅本字应该系【肥肿[女乳]婄】。欢迎吧友一齐探讨指教。

本字探讨【松 pau3 pau3】标题中，【本字】定义为【本义字】，指康熙字典中意思读音吻合嘅字，以义为先，音为次，但音异唔可以太离谱。粤语有【松 pau3 pau3】之叠字词，意指唔得结实。我认为本字系【松婄婄】。词中嘅【松】同【婄】皆为引申义。《康熙》释：【松】苏宗切，音“sung1”，发乱貌。引申为“宽”，“中存空间”，“不牢固”，“不精确”。【婄】普后切，音“pau3”，妇人肥貌。引申为“不结实”。常用邌形容唔结实嘅肌肉。欢迎吧友一齐探讨指教。

本字探讨【mang1揯条绳】【电灯著，鬼mang3脚】【mang1，mang3】匸粤语有“拉”嘅意思，【电灯著，鬼mang3脚】更加引申【mang3】为“走人”噉解。之前怀疑【mang1，mang3】嘅本字系“擝”同“掹”，但《康熙字典》对迩两个字冇提供注解，净系话“擝”古同“掹”。噉系唔系意味住“擝”同“掹”系自古已经存在？如果系古字，噉奌解康熙又冇收录哩？迩尐问题，搅到我几无奈。今日终於得到解脱喇。我认为【mang1，mang3】嘅本字应该系：或者《康熙》释：【[乚幺幺]】《集韵》悲萌切，音绷。绳以直物。通作絣。《粤语审音配词字库》指出：“绷”可以用“b”或者“m”声母。例句：【絣揯条绳】【电灯著，鬼絣脚】【絣猫尾】【絣长条橡筋】【絣佢返转头】吧友唔该畀尐意见。另有读音相当接近嘅【绷】，读若鯭“maang1”，例句“绷绷紧”，唔好搅错。

本字探讨【dap6 雨】【dap6 雨】有前人写作“[扌耷]雨”。实则“[扌耷]”系后造字。噉本字会唔会系【䍝】哩？康熙释【䍝】读若踏。罔也。覆也。同意【䍝雨】系本字嘅唔该回应一下。

本字探讨【jiu1心jiu1肺】【jiu1心jiu1肺】嘅“jiu1”字系“穵”噉解。睇见有帖子写成“夭心夭肺”，就知道“夭”唔系本字。噉“jiu1”嘅本字究竟系奌写嘅哩？搜索枯肠之后，认为有三个字较为适合。 1）【撩】音聊。理也。一曰取物也。拢取物为撩。又挑弄也。又音料。亦取也。又音了。义同。又劳去声。同捞。亦取物也。又音老。义同。 2）【舀】读若遥上声。抒臼也。又音尤。义同。又音余。抒也。抒臼者乃於臼中挹出之。以壳取饭曰舀饭。粤有一壳舀起之说。 3）【抭】读若腰上声。抒臼也。又音由。又音兪。又音燿。义同。又音叨。抒物之器。与挑同。究竟系【撩心撩肺】定系【舀心舀肺】定系【抭心抭肺】哩？未知吧友如何取舍，或另有新献。

本字探讨【ngam4 ngam4 cam4 cam4鬼食泥】粤语有“啽啽㕴㕴鬼食泥”一说。【啽】吾含切。寐声。即困觉嗰阵发出嘅声音，应该系本字。然【cam4】则未有定论，有说“噡”系本字，指多言。可惜字音颇偏差。有说“谮”系本字，但字义又唔多吻合。匸未确实【cam4】嘅本字之前，愚暂时以借字“㕴”充之。并求吧友提供【cam4】嘅正确本字。又“㕴”字康熙冇提供注解，吧友可否提供资料。

求【食更青】正确意思如题郑君绵嘅《赌仔自叹》，至少匸一九五六年之前就面世，据说首唱者唔系郑君绵，系一位马来亚华侨，叫“马仔”，而《赌仔自叹》嘅歌词，都系马仔写嘅。迩件事系由戏曲界前辈阮兆辉证实，而中大图书馆藏有嘅五十年代流行歌书，亦收有马仔版嘅《赌仔自叹》，由该歌书重知道，当年马仔同郑君绵重合唱过《棋王争第一》。事实上，五十年代嘅香港词人写词，爱一韵到底，但《赌仔自叹》系中途转韵。此外，词中嘅「搵啫的借」（后来嘅郑君绵版改为「问人地借」）及「食更青，顶肚瘾，搵菜头」等语，估计系马来亚粤语，鲜有港人能解。《赌仔自叹》歌词：伶淋六、长衫六，高脚七，仲有一只大头六，二三更，瓜老衬，输到我木。日夜赌场嚟侍候，生意唔捞两头游，我嘅钱输哂，真系无收。食更青，顶肚瘾，揾菜头。划积尤怕佢弹返转头，问人地借，佢又拧吓拧吓头。筹码部，佢又诈嬲，拈出码头把本收，烂手表，都当哂，冚辧冷冇谋。祖先不开眼，令我好担忧，我从前知道系咁丑，我都唔驶痞街头。

本字探讨【阿兰嫁阿瑞，leoi6 斗 leoi6】匸迩堵再同大家探讨下“累赘”一词。据《广东俗语考》：“累赘”一词本字系【礧坠】，注：【礧】读若累。凡不轻便者曰礧坠。《说文》礧坠。重聚也。通作鸓。《李时珍》曰此物肉翅连尾。飞不能上。至礧坠。故谓之礧。又《康熙》释：【礧】音磊。礧硌，大石也。又音类，【礧䃍】通【礧坠】，重也。【坠】垂去声。落也。古通“䃍队隧”。照噉睇，我哋周不时讲嘅“leoi6人leoi6物”裏面嘅“leoi6”字，本字就系【礧】，“礧人”亦即系将重量加诸於人噉解。【礧】本身解“大石”，本来【礧坠】两字连用先有意思，但讲下讲下就畀人索性以单字【礧】邌表达“坠住坠住”，甚至“坠倒”。例句： 1）“佢阤礧我唔见钱” 2）“佢正一礧人礧物” 3）“生礧街坊，死礧朋友” 4）“阿兰嫁阿瑞，礧斗礧”。“阿兰（懒）嫁啊瑞（衰）”系广东歇后语。若有异议，欢迎吧友提供正确本字。

本字探讨【人怕 ngai1,米怕簁】之前探讨过【躧蹋】一词，指“毁弃”，引申为“糟蹋浪费”，重心本来系个【蹋】字，但讲下讲下就畀人索性以单字【躧】邌表达。故【躧力】即“浪费气力”。匸迩堵再同大家探讨一个类似嘅词【哀求】，重心本来系个【求】字，但讲下讲下就畀人索性以单字【哀】邌表达。【哀】迩个字乃考自孔仲南老师，录於《广东俗语考》如下： “求之曰哀”。并注：【哀】读若矮平声。苦求曰哀求。用正音读。睇邌迩个【哀】字唔单止唔系“重心字”，重连音调都有改变。读“ngai1”。例句： 1）“人怕哀，米怕簁” 2）“又哀又簁“ 3）“你哀返我都冇用” 4）“哀到佢心软为止” 若有异议，欢迎吧友提供正确本字。

本字探讨【睬你都 saai1 气】吧友“百友度之”匸另一帖提出“嘥”嘅本字系【躧】。参详后觉得好有道理，故开迩张新帖，同各位共同探讨。首先，康熙注：【躧】音“saai2”，通【屣，蹝】。《广东俗语考》录得“毁弃”曰【躧蹋】，并注：“躧”读若徙平声。“蹋”读若挞。“躧蹋”即践踏之谓。弃之而复践踏之。即毁弃之义也。《康熙》录得《隽不疑传》躧履相迎。《注》履不著跟曰躧。古亦有【躧步】一词，释为：急于迎送来不及穿鞋而趿着鞋走。《说文》注：【趿】进足有所撷取也。又【趿拉】指“把鞋后帮踩在脚后跟下”，故【躧步】即系我哋迩刻所谓嘅“踩住鞋踭拖步”。明显【躧蹋】一词系指“踩住鞋踭行路，而糟蹋咗对鞋”嘅意思。大家都知【糟蹋】一词指“浪费，损坏”，正正就系“嘥：saai1”嘅意思。我相信古时【躧蹋】就系【糟蹋】嘅意思。亦即系《广东俗语考》所录得嘅“毁弃”之义嘞。尔前尐人形容“浪费”，应该系讲【躧蹋】，重心本来系个【蹋】字，但讲下讲下就索性以单字【躧】邌表达。久而久之就连【躧蹋】迩个词都忘记咗嘞，故后来尐人只知【躧】系指“浪费”，而唔知原本系【躧蹋】。由於【躧】通【屣，蹝】，我建议用【屣】，因为“浪费”基本同“足”字旁无关。结论：“嘥气”嘅本字系【屣气】。请大家提供你哋嘅恁法。

本字探讨【倾偈】好多人都識寫形容“交談”嘅“傾偈”，音“king1 gai2”。據《康熙》：【傾】側也。伏也，敧也。傾則姦。又圯也，空也。又通作頃。【偈】武也。偈偈，用力貌。武貌。與竭通。郅偈，竿也。息也。偈與憩通。偈句。釋氏詩詞也。疾也。偈，疾驅貌。照噉睇，“傾偈”一詞並無“交談”嘅意思，應該唔系本字。查實“傾偈”嘅本字系【謦欬】。讀若罄慨《集韻》《類篇》言笑也。據《康熙》：【謦】《唐韻》去挺切《集韻》《韻會》《正韻》棄挺切，罄上聲。《說文》欬也。《玉篇》欬聲也。《莊子·徐無鬼》久矣夫，莫以眞人之言，謦欬吾君之側乎。《註》輕曰謦，重曰欬。又《北史·崔悛傳》謦欬，爲洪鐘響。又人名。善謦，見《宋史·宗室表》。又《集韻》《類篇》詰定切，音罄。謦欬，言笑也。【欬】《唐韻》苦漑切《集韻》《韻會》口漑切，音慨。《說文》逆氣也。《玉篇》上欶也。《類篇》今俗謂嗽爲欬。《禮·月令》季夏行春令，則穀實鮮落，國多風欬。《註》因風致欬疾也。

本字探讨【烂泥 fu4 唔上壁】粵語有【爛泥fu4唔上壁】嘅講法。【fu4】字眾說紛紜，有以下組合，全部都解得通。 “爛泥扶唔上壁” “爛泥附唔上壁” “爛泥糊唔上壁” 以前細個嗰陣聽過老豆講“將尐灰wu4上埲牆”，但我不朽都爾為“wu4”字系“糊”，指“用漿糊黐上去”，但系又唔多似。今日終於揾捯邇個“圬”字，系泥水佬嘅專有用詞，指“抹牆（trowel）”。音“wu1”。估計“wu4”系音變。【爛泥圬唔上壁】會唔會系本字？請教高明。

本字探讨【luk9 油菜】【luk9 油菜】個“luk9”多數人會寫“𤊒”，系後造字。【luk9】嘅本字會唔會系【燅】哩？如【燅油菜】、【燅肥牛】等。據《康熙》【燅】音熸。音撏。於湯中爚肉。溫也。又音尋。乃燅尸俎。邇個【燅】字會唔會系因為“有邊讀邊”而畀人誤讀成“陸”哩？

本字探讨【鸡 hong2】【雞 hong2】嘅本字會唔會系【雞妔】哩？有人提供咗以下嘅造字，你奌睇？

㤐解【掹】同【扯】系“走人”嘅意思？匸网上揾捯以下迩篇文章，先知道【电灯著，鬼掹脚】系旧阵时“塘西风月”年代嘅“花国词语”。睇邌形容“走人”嘅【掹】字真系起源於【电灯著，鬼掹脚】。【掹】同【撦】有差不多意思。《廣東俗語考》錄得【撦】音奢上聲。用手裂之曰撦。如撦爛。撦碎。撦開兩邊。撦開幾比之說。『唐韵』撦。裂開也。『劉克莊題跋』溫李諸人。困於尋（手旁）撦。由此可見，【鬼掹脚】亦可寫成【鬼撦脚】。而巧妙嘅系兩個音都有“走人”嘅意思。例句：【夠鐘掹喇】即“夠鐘走人” 【系時候撦喇】即“系時候走人” 故，【掹】同【撦】應該系邇兩個音解“走人”嗰陣嘅本字。

【呔着】点解会系“鲠亲”？请帮手揾出处。

【瀡瀡】声，求粤拼成句系：“食面食到瀡瀡声”

想学粤语就入邌喇（第三课）学粤语，最有效嘅方法系翻译文章，既可以学捯语法词汇，又可以同时练习书写。透过我或其他“有心人士”提供嘅答案，加上学生之间嘅讨论，你哋嘅粤语一定可以突飞猛进。先讲明，我教嘅系【广府口语】，你要翻译嘅系【广府口语入文】，明白就开始。请用“广府口语入文”翻译以下电影【千王之王】嘅经典台词：谢谢大家今天来给我捧场，其实大家不用那么高兴，今天不是我的生日，是我老爸的忌日，是我老婆搞错了，呜呜 ~~~~~~~~~~ 大家不用那么伤心，其实我老爸是一个杀人，抢劫，强奸十恶不赦的大坏蛋。他的死对社会实在是一大福音。呵呵 ~~~~~~~~~~~ 其实呢，我老爸杀人只是因为对方说我长的不够帅，抢劫只是为了帮我买一辆玩具车，强奸只是我说我想要一个妹妹。我老爸实在是一个好爸爸。呜呜 ~~~~~~~~~~ 迟尐会将我嘅答案贴出。希望大家学习交流愉快。

想学粤语就入邌喇（第二课），楼主心水答案：原文：富婆去夜总会找乐子，老板娘挑了几个帅小伙，富婆不满意；老板娘又挑了几个壮小伙，富婆还不满意。老板娘问那富婆到底想要什么样的，富婆说要体力好、精力旺、能加班、能熬夜，老板娘一听乐了，张口喊道：“那些搞网站的，都给我出来接客！！！” 广府口语：富婆去鸭吧蒲，妈咪拣䢐几个靓仔畀佢，富婆唔满意；妈咪又拣䢐几个大只佬，富婆都系唔满意。妈咪问个富婆到底钟意尐咩样嘅，富婆话要好体力、精力旺盛、钟意做嘢同埋可以开通顶嘅，妈咪一听就开心死，大叫：“搞网站嗰几条粉肠，一个二个同我躝澌出邌！！！”

【蛋痛】系咪粗口？如题

想学粤语就入邌喇（第二课）学粤语，最有效嘅方法系翻译文章，既可以学捯语法词汇，又可以同时练习书写。透过我或其他“有心人士”提供嘅答案，加上学生之间嘅讨论，你哋嘅粤语一定可以突飞猛进。先讲明，我教嘅系【广府口语】，你要翻译嘅系【广府口语入文】，明白就开始。请用【广府口语入文】翻译以下迩个笑话：富婆去夜总会找乐子，老板娘挑了几个帅小伙，富婆不满意；老板娘又挑了几个壮小伙，富婆还不满意。老板娘问那富婆到底想要什么样的，富婆说要体力好、精力旺、能加班、能熬夜，老板娘一听乐了，张口喊道：“那些搞网站的，都给我出来接客！！！” 迟尐会将我嘅答案贴出。希望大家学习交流愉快。

想学粤语就入邌喇（第一课）学粤语，最有效嘅方法系翻译文章，既可以学捯语法词汇，重可以同时练习书写。透过我或其他有心人士提供嘅标准答案，加上学生之间嘅讨论，你哋嘅粤语一定可以突飞猛进。先讲明，我教嘅系【广府口语】，你要翻译嘅系【广府口语入文】，明白就开始。请用【广府口语入文】翻译以下文章： “夏天来了，是谁告诉你的呢？哟，原来是一只只勤快的萤火虫。它们提着一个个小灯笼，飞来飞去，时而在空中盘旋，时而在空中舞蹈，好似一张张明亮的小灯，照亮了漆黑的夜晚。” 迟尐会将标准答案贴出。请尽量把握时间。愉快噉学习交流。

停日 tomorrow 好多人写粤语tomorrow为“听日”，系借音字。 “ 詹宪慈”嘅【广州语本字】话系“翼日”（翼音听）。【广东俗语考】录得“停日”。但我认为tomorrow嘅本字系【等日】，发音方面：粤语“我等你”系可以讲成“我ting3你”嘅，如果“ting3日”以“佛山音”读出邌，之唔系“听日”罗！广州咁近佛山，受佛山音影响都唔出奇。意义方面：“等日”即系“等一日”，即系“明日”噉解。注：纯粹吹水，唔啱听都唔使激动。

同【猫】有关嘅粤语「踎低」个「踎」嘅本字原来系【猫】，因为「猫」好钟意「踎」，后来引申到「弯腰」亦叫「猫腰」，北方人用俗字「毛腰」表示「猫腰」，即「弯腰」。【行猫步】即系「 Catwalk 」、「时装表演」，又叫「走秀」。「行猫步」嘅如果系鬼猫。就叫【金丝猫】。【猫咗】形容「醉咗」。我恁「猫咗」系出自「醉猫」一词。除咗「踎」之外，又多个用「猫」嘅动词。【赖猫】会讲䢐嘅嘢唔算数。迩只猫「精甩尾」，见到「短尾猫」或者「冇尾猫」千万要小心。【猫样】，即系话人哋付尊容见捯都唔开胃。其实猫有好多个样，有尐猫嘅样人见人爱，我哋叫佢哋做「趣致猫」「 cute cat 」。「猫样」包括「烂瞓猫」、「龌龊猫」、「病猫」、「为食猫」、「叫春猫」、「醉猫」、「花面猫」、「高窦猫」等等唔同嘅「猫样」。你知唔知【猫有九命】添噃。真系唔得佢死。既然猫有九条命，㤐解唯独是「好奇」「 curiosity 」可以「杀死猫」「 kills the cat 」哩？话说猫天生好奇心好重，有日佢主人打开䢐车尾箱，只猫因为好奇，匸佢主人唔为意嗰阵跳䢐入去，主人闩埋车尾箱后就去䢐旅行。。。。。。。。。。。至於【死猫】，广东人有食猫狗嘅风俗，广东省内有成行成市嘅猫狗食肆，尐猫猫狗狗一笼笼噉喺堵等劏，间唔中有尐猫喺笼裏边死䢐，食肆老板又唔想嘥嘢，於是乎落重料炮制尐死猫攞邌卖，但系尐味道梗系眲唔捯人，食开嗰尐客一嗒就知，於是乎质问老板㤐解畀死猫佢哋食，久而久之，「屈人食死猫」变成「强加於人」嘅意思，而「鲠䢐只死猫」就系「畀人屈」嘅意思嘞。【掹猫尾】或【扯猫尾】嘅意思唔系「互相推诿」，而系故意设「局」，唱双簧，蒙骗别人。【打猫】系饮食行话嘅用语，意谓偷食。熟食店一般都向员工供应饮食，但多限时限量；员工匸规定之外私底下饮食店裏嘅食物，就叫「打猫」。据说，某老板十分刻薄，如发现员工偷食，必定处罚。有员工偷食嗰阵遇到老板走过邌，避无可避，灵机一触，将食物连碗辟向地下，一边叫：「衰猫，偷食，打死你！」老板信以为真，唔再追究。后来，行业中人便以「打猫」作为偷食嘅隐语。【病猫】通常系用匸「老虎唔发威当我病猫」一词。表达你唔好以为我好欺负嘅意思。除咗「病猫」之外，重有【盲猫】，通常会用匸「盲猫遇著死老鼠」一词，意思系「好彩」或「得来全不费功夫」。同「跛脚鹩哥遇著飞来蜢」有异曲同工之妙。【出猫】即系「作弊」，考试唔识唔使放狗，放只「猫」就乜问题都解决澌嘞。有冇人知道「出猫」嘅出处哩？据我所知就有三个： 1 ）教育局国语字典 : 「猫」系北平方言，指「躲藏」。而当从躲藏中显露出来，就可以形容为「出猫」。喺考试中出猫嘅考生会预先将一张写有答案嘅纸「猫」起来（即藏起来），然后喺考试嗰阵拎出邌抄，迩个动作咪系「出猫」罗。 2 ）有人话：英文「 Copycat 」系指模仿别人嘅动作，抄袭别人嘅文章，系令人讨厌嘅行为，作弊嘅人将猫纸中嘅答案抄“ copy ”落答题纸上，搬字过纸，而不经思考，因为「 Copycat 」内有个「猫」字，尐人就创造咗「出猫」迩个词嘞。 3 ）「担天望地广府俗语探奇」 : 「出猫」嘅「猫」系借音字，其实系「毛」嘅普通话音变。「毛」喺北方话有不规矩之意，考试作弊时出现毛手毛脚嘅行为，故此用「出毛」邌形容作弊，后来讲下讲下就变成「出猫」嘞。你哋又有冇尐同猫有关嘅嘢可以同大家分享下哩？猜迷：怎解阿姨只猫可以跑得快过架法拉利？迟尐开估。

打喊露、打乞嗤、打思噎有三种类似嘅生理现象，都系由口、鼻、喉、肺等器官呼气吸气作用而产生，又系绝对控制唔到嘅：打喊露本字「打欠呿」（早期）本字「打凵露」注：广东俗语考 -1933 国语「打呵欠」、「打哈欠」英语「 yawning」攰嘅时候，好自然会「瞌眼瞓」同「打喊露」。瞌眼瞓系指进入好短暂嘅睡眠状态，国语即系「打瞌睡」，而打喊露系因为身体疲倦缺氧，要靠一个深呼吸动作来补充氧气，亦即系国语嘅「打呵欠」。有学者认为「打喊露」最早嘅本字系「打欠呿」，「欠」古音陷，「呿」古音虑，故此「欠呿」发音近似「喊露」。后来「广东俗语考 -1933」注本字为「打凵露」。又因为打喊露嗰阵往往会不自觉发出好似喊噉嘅声音，所以尐人就将错就错，写成「打喊露」嘞。打乞嗤本字「打咳嚏」注：广东俗语考 -1933 国语「打喷嚏」英语「 sneezing」打喊露会传染吗？如果打喊露传染嘅系眼瞓，噉「打乞嗤」传染嘅就系细菌。民间传说话打一个乞嗤系有人挂住你，打两个乞嗤系有人背后咒你，呢种讲法固之然冇科学根据，不过如果一次过打乞嗤打三个以上，就真系有可能系感冒菌入侵嘞。「乞嗤」尔个词系借字嘅写法，只取其近音而忽略字义，本字「咳嚏」就有咳嗽同鼻喷气嘅意思，「乞嗤」读音同打乞嗤嗰阵发出嘅声音十分相似，用来形容尔个咁有气势嘅动作，「乞嗤」就比「喷嚏」传神得多嘞。打思噎本字「打嘶餩」注：广东俗语考 -1933 国语「打呃」、「打嗝」英语「 hiccupping」打喊露同打乞嗤都令人舒服 ,但由横膈膜抽搐引起嘅「打思噎」就唔多舒服喇。有学者认为喺宋朝以前，「打哕噫」先至系本字，「哕」乃胃气之逆，「噫」乃饱食之息。元朝才开始称「打呃」，明末以后才通称「打呃逆」，后来「广东俗语考 -1933」注本字为「打嘶餩」。后来因为粤语冇入文，尔个「餩」字就被人忘记咗怎写，之后大多数输入法亦冇收尔个字。而家我哋写成「打思噎」或者「打司噎」，可能系因为「噎」系指食物哽塞於咽喉，之后就引申成因为吞咽食物太快或者食得太饱以致打呃嘅意思。不过无论边种写法都好，读落都有一种窒住窒住嘅感觉，同打思噎嘅感觉系咪好鬼相似呢？顺带一提，饮水其实对缓解打思噎冇乜帮助，分分钟会浊亲㖭！注：部分资料转自网上论文。

“见词思义” 之 “掬” “掬”系一个大家周不时都会做嘅动作，但好少会讲嘅字。“掬”音菊，解“两手合掌微屈取物”嘅动作，以手掬水，可练至一滴不漏。“掬”从“手匊”，将“匊”字打横，就可以见捯一个以手掬米嘅图画如下。系咪好有意思哩？“掬”通“匊”。

“见词思义” 之 “缹” “ 缹：bou1”，俗作煲。字书无煲。或云即缹字『玉篇』火熟也。按即缶字之变『说文』缶。瓦器。俗谓茶煲。粥煲。皆以煲呼之。盖煲与缶声之转耳。大家睇下迩个“ 缹”字似唔似一个压力煲匸火上面煲紧嘢噉。系咪好有意思哩？都唔知后来㤐解会转用䢐个“煲”字。

“见词思义” 之 “丼” “丼： dam2 ”系掉石仔落井嘅声音。从井，中又一点，就似一个画面，显示出石仔投於井中嘅情景，系咪好有意思哩？我怀疑“dam2东西”嘅本字就系迩个“ 丼”嘞。

“看词思义”之“泅” “泅”粤音“游”，“游泳”即系“泅水”，我哋白话文写“游泳”，口语就讲“泅水”。“泅”左边从水，右边从囚，如人泳於池中。有意思。

“看词思义” 之 “眲” “眲”粤音“轭：ngaak7”，指“欺骗”。“眲”字从耳从目，明显有“掩人耳目”之意。

“看词思义” 之 “隙” @ 匸香港搭地铁，时常听捯“请小心月台空隙”。“隙”字从 ᭴，即小小日，而“日”藏於两个“小”之间。有如阳光透罅而邌。不错不错。

“看词思义” 之 “恁” 恁嘢理应从「心」，可以海阔天空，任意翱翔，「恁」字含「任」，有「任意而为」、「天马行空」嘅意思。例句：「恁计仔」「恁头」「恁ට佢」「恁真啲」「恁落又系」「恁缩数」「唎单嘢有得恁」

新人报到我系新邌你哋粤语吧嘅，匸尔堵同大家打声招呼，今晚已经发䢐同埋回覆䢐几张帖，觉得气氛好好，如有得罪之处，请大家多多包容。我希望可以溶入你哋嘅大家庭。

从国语看「而家」嘅本字对於广府口语中「而家」一词嘅本字，匸粤语论坛同研究本字嘅书籍中已被前人探讨多时，结论大概都话「而家」系由「如今」音变而邌。尔个讲法会匸本文再探。本人亦曾经怀疑「而家」个「而」嘅本字系「尔」，由「尔前」、「尔后」、「尔来」嘅用法推理出「尔」系「今」噉解，但尔个推论好快又被否定，理由系粤语嘅变调通常系由低变高，而「尔」变「而」系由高变低，此其一。其二系仍然无法好有力噉解释捯个「家」字系㤐样邌嘅。至於「而家」系由「如今」音变而邌嘅讲法，本人亦不以为然，理由系音义两方面都有疑点。 1 ）字音方面：「如： jyu4」同「而： ji4」系一音之转，但「今： gam1」同「家： gaa1」要由合唇变开唇，尔种变法唔寻常 (请音韵学家指正 )。有人话「而家」一词系先变「而今」，后来再变成「而家」，但我睇返尐比较旧嘅书，发现「而今」无错系有人用，但只系作为文言文中「然而如今」嘅缩写。并唔系当正「而家」噉用。 2 ）字义方面：「而家」有两个唔同嘅意思，其一系形容「此时」，其二系形容「今时今日」。其中「此时」可以用邌形容埋「今时今日」，但「今时今日」就唔可以用邌形容「此时」。举两个例大家就会明白：「今时今日尐细路哥好幸福」可以讲成「此时尐细路哥好幸福」。但「我想你此时同我落街买尐嘢」就吾可以讲成「我想你今时今日同我落街买尐嘢」。「如今」一词，只有「今时今日」之意，而冇「此时」之义，故只有半个「而家」嘅意思。我匸堵恁：有好多词当年都系由京话传入，例如「龌龊」变「污糟」、「窟竉」变「咕窿」等，「而家」一词会唔会亦系噉邌嘅哩？因为几百年间，京剧已经周不时系广州演出，况且当时嘅广州地方官，好多系外地人，净系识讲京话，唔识讲粤语。大家传下传下噉传开邌都唔出奇。於是乎我搜集䢐所有我识得同「而家」有关嘅词，希望从中揾出一尐蛛丝马迹。我将佢哋分为两大类：