鄧萃雯、陳錦鴻、林德信、廖碧兒（Bernice）等，昨日齊出席ViuTV劇集《婚內情》記者會，錦鴻與雯女在劇中演夫妻，錦鴻笑言好開心可以拍感情戲，雯女就話贊成男人趁年輕去玩，仲話未玩夠咪結婚。
　　陳錦鴻笑言好開心可以拍感情戲，因為可以與不同演員一直約會，笑言現實好缺乏愛情生活，與雯女的感情戲可以調劑一下，更謂：「
太太
與兒子都好支持我去『拍拖』！」雯女亦謂好支持男士去玩，「年輕時係可以玩多啲，但唔好未玩夠就步入婚姻，若果仲想玩，我可以陪佢一齊發掘，最緊要結婚前約法三章，要公平。我好同意女人唔可以委屈求存，應該要有自信心，令到另一半有危機感。」

陳錦鴻愛情老化搵雯女調劑

藝人鄧萃雯（雯女）、陳錦鴻、廖碧兒、林德信及談善言等昨日出席ViuTV新劇《婚內情》記者會，分享婚姻觀及探討出軌行為。錦鴻坦言每段婚姻均有高低潮，有些婚姻能夠保持長久，皆因年輕時已玩夠，故成熟時便想回家見老婆。
錦鴻自爆年輕時於片場喪玩，演員生涯中最開心便是拍感情戲：「一日拍廿幾個鐘，不停同唔同嘅女演員約會，經歷萬千咁多嘅感情生活，一直冇醒過。今次知道雯女演我老婆就接咗，可以再滿足我去拍拖。」更指與老婆結婚多年已缺乏愛情生活，所以欲透過拍劇來調劑。

女人不應委屈求存

雯女則表示未能接受另一半出軌，認為趁年輕應該多玩一點：「應該多睇唔同嘅男人，受吓傷，過咗就修心養性進入婚姻。人生有歷練好緊要，同埋結婚前一定要講明，如果另一半都係知名人士，會對呢方面好敏感，所以一定要約法三章，有咩可以、有咩唔可以，我唔會委屈求存，女士要對自己有信心，有少少危機感畀對方係OK嘅！」