另開貼來PO文吧
接龍大樓電梯內，龔燁一直在想如何向若水解釋自己不出現的原因。從哈爾濱機場到現在回到公司，龔燁個腦一直處於便秘狀態。這是一向橋如泉湧的總監大人從沒遇到過的，可見媽呢空在總監大人心裡是何等重要。
叮~~~~電梯門打開，龔燁沒想到在自己還沒想好對策便會遇上若水。
若水見到龔燁在電梯也是一征，然後堆起笑臉跟龔燁道早安
「早晨啊，總監大人」
龔燁在飛機上預想了很多和若水碰面的情況，也做好了被若水白眼，挖苦，甚至不理自己的準備。
唯獨沒想到遇上的是笑面迎人的若水。
「早晨，媽呢空。你冇事啊嘛?」
「死賤精，我會有咩事啊」
「你叫我花名，即係你唔嬲我啊」 龔燁心想，事情何以會如此順利。
「咩花名啊，死賤精點會係花名，明明就係你本人啦。」
「媽呢空，我知我個日…」
「得啦，你咩都唔使講，我知道了」
「你知?」
「我知，我一樓都知你係個為達到目的不擇手段，重次次都搵人孭鑊既人啦。只係冇諗到你今次唔只咁，仲利用埋我去上位囉」
「我冇利用你」
「啊，係，你呢D唔係利用，係欺騙。可以成功埋二房堆，又可以耍我，等我係全屋人面前出醜。
呢D咁既絕世好橋都比你諗到。話你唔係死賤精本人都冇人信啦。我知，你想報復我上次拒絕你啊嘛，話唔會考慮你嘛。你玩我就算啦，你使唔使玩我全家啊。」
「我真係冇心架…我…」
「我知，你冇真心啊嘛，我知道了」
「你可唔可以聽吓我講」
「信你一成，雙目失明啊，死賤精」

「你信唔信都好，我冇利用你，更加冇借你上位。我係真心想同你表明心迹。」
「食蕉連皮啦，我唔係你no.1呀嘛，你no.1係Jenny呀嘛，唔關我事囉。麻煩你叫你no.1唔好成日搵我麻煩，我冇興趣同你地兩個癲啊」
「Jenny? 咪住先」
「仲有啊，死殘精，我一定會攞番哈爾濱個project架~~」
看到龔燁眼底下的疲憊，若水不是不心疼。但一想到他如此對自己，心裡就來氣，大步踏出電梯。
看著熊若水決絕的背影，龔燁心知這次不是隨便兩句就可以擺平，縱使愁緒萬千亦只能打醒精神，先向大龍生匯報哈爾濱的情況。
而另一邊箱的若水，在電梯門關上的一刻，露出了勝利的微笑。心中不得不佩服大家姐，龔燁的反應完全在大家姐的射程範圍，令自己可以由一開始便控制全場。
而最重要係，大家姐教落，無論自己想去那一層，都要比龔燁先出電梯。大家姐說先走的人才能佔上風，好像果真如此。
lunch 時份既初戀café，尋寶圖眾人正一人一句誇若水
「Mary姐，犀利喎，咁都搶得返哈爾濱個Project」
「Mary姐一係唔出手，一出手就哈爾濱加新西蘭，勁啊」
「咩新西蘭啊?」
「新疆，西藏同蘭州啊。三個Projects啊」
大小姐同CK一同出現在初戀café，故意在龔燁的座位前，大聲對若水說
「Mary, Good job 今次不單止攞返哈爾濱個Project, 爸爸仲將新疆，西藏同蘭州三個projects交比我地大房，你功不可沒。你今次出Trip，我會全力Support你，你有咩需要隨時搵我。」
「多謝大小姐，我同曹總商量好行程後，會第一時間通知大小姐安排的」
若水瞄了龔燁一眼，又被大家姐說中了。明明就是豎著耳朵聽，又要裝不在乎。

反击战开始~

期待水水反擊
不過請不要太虐
阿龔生都好慘的

正！

龔燁知道這次不可能再從若水或尋寶圖各人套口風，所以他鎖定羊羊為目標。
「羊羊啊，最近唔聽見你到班女仔討論新劇既? 請告白2018都大結局左咁耐了」
「有啊，不過最近我地轉追TBB既 藍色供水戀啊，Mary姐仲好投入，日日同我地擺擂台呀」
「講咩架，個名咁怪既」
羊羊看了阿龔一眼，心想Sorry啊，係Mary姐要我咁講架
(以463為背景)
「都係大路劇情啦，男主角因為家庭擔子，係重要時刻選擇放棄女主角囉。令到女主角對佢好多誤會囉。我地個個都好同情男主角架，覺得佢係唔想拖累女主角，又要面子先會咁架。」
「哦，咁Mary Hung 都係咁諗?」
「唔係啊，Mary姐覺得男主角為左另一個女人，先放棄佢…我意思係放棄女主角囉」
「另一個女人?」
「一日最衰都係珍妮花，成日有破壞，冇建設。我地個個都覺得佢好衰，得Mary姐唔係咋」
「咁Mary Hung覺得係咩啊」
「Mary姐話男主角根本唔了解女主角，佢將家人放係第一位好正常，但亦都証明男主角冇將女主角當自己人，
以為女主角只可以共富貴唔可以共患難喎。Mary姐話如果佢兩個夠信任大家，點會咁易成日比珍妮花有機會搞破壞囉。Mary姐話既然自己鍾意個人唔將自己當no.1，不如揀個鍾意自己又將自己放第一位既人喎」
「唔好啊~~~」龔燁情急之下脫口而出
「唔好? 唔好咩啊，阿龔啊，如果冇咩事，我返出去先啦。」
羊羊返回座位，打開電話，傳了個OK手勢比若水。

一直發不了文...心累

想問點樣先可以成功發張清楚的圖...
直接更又各種被吞
圖又看不清楚
還讓不讓人好好寫個文啊....

接龍大樓天台
「總監大人，請問有咩事啊? 如果係公事，可以係Office講。如果係私事，我諗我冇咩想同你傾囉。」
「媽呢空，我…」
「龔生，你都係叫返我Mary啦，我其實同你唔係咁熟架咋。有咩快D講，我一陣仲要同大小姐傾出Trip既安排。」
「點解啊?」
「咩點解啊，唔知你想問咩喎。」
「國際學校個Project，點解啊」
「你都幾好笑架喎，個Project明明係大小姐同我跟既，我地係攞返自己個Project，咁都要同你解釋。你冇野啊呀」
「我係問點解係曹總啊」
「咁曹總一樓都有係國內建希望小學既啦，今次同大龍生一拍即合，又幫到人，接龍又可以借呢個機會打入內地市場。有咩問題呢?」
「你知我唔係問呢D架」
「我唔知你想問邊D喎」
「我係問你點解要搵曹總，你明知佢想…」
「我應承左大小姐，我會攞返個Project返來」
「所以你就出賣自己」
「喂，龔燁，你講咩啊。咩出賣自己啊?」
「咁你唔係咩，你為左個Project，利用隻鳳陽花鼓去氹曹總出手」
「我費事同你講，你呢D人只係知道利用人，同你講多都浪費口水。再講，就算我出賣自己，都總比人地出賣我好得多。」

若水說完轉身準備離開，手臂卻被龔燁拉著
「又點啊」
「可唔可以信多我一次?」
「冇必要」
「我no.1真係唔係Jenny」
「係阿May啊嘛，不過唔關我事，我都唔想知」
「我知我講咩，你而家都唔會信，但我想講，你值得有一個好好既另一半，點解要係曹總?你明明就唔鍾意，點解要委屈自己，就係因為個Project?」
「首先，我冇你咁陰謀論，更加唔會委屈自己，個Project係曹總自己想參與既。第二，我當然值得有個好好既另一半，我人美心善，美貌與智慧既代言人，大把人追，一個字，好正。所以唔使你個死賤精擔心」
若水甩開龔燁的手，轉身大步離開，龔燁見狀，在若水背後說道
「係，你真係好正，所以可唔可以留返比我」
若水裝著沒聽到，依舊向前行，而臉上的笑意，龔燁無緣得見。

真的很ok，谢谢楼主！

画面即视感很好，似在睇剧，大爱