ViuTV全新剧集
#婚内情#
发布会（1）：https://weibo.com/tv/v/GwSOgez9K?fid=1034:4278371518208236

ViuTV全新剧集
#婚内情#
发布会（2）：https://weibo.com/tv/v/GwSTF3PyJ?fid=1034:4278375033044064

【新闻】鄧萃雯陳錦鴻合作拍ViuTV新劇雯女今次又係做強勢女人？
早前已經有報道指視后鄧萃雯將會同陳錦鴻合作拍攝ViuTV新劇，但一直未有其他消息，甚至連劇名都保持神秘，嚟到今日ViuTV就為劇集舉行記者招待會。記招上公布演員名單，除咗一早知道鄧萃雯、陳錦鴻及談善言會有份參演之外，仲有廖碧兒、麥少瑜、強尼及未有出現嘅林德信。演員出場後就公布劇名，新劇名叫《婚內情》。

角色方面，鄧萃雯喺劇中飾演畫廊老闆，同陳錦鴻飾演結婚多年嘅夫妻，係一個強勢嘅叻女人，不過中途發生一啲事令呢段婚姻出現好多變化。陳錦鴻喺劇中除咗係雯女老公之外，佢係一個愛情小說作家，以為銷量開始下跌，覺得自己應該轉型，期間佢發覺好需要愛情感覺去寫小說，開始好想去搵刺激感同愛情滋潤，所以就同劇中飾演插畫師嘅談善言有婚外情。而廖碧兒喺劇中就飾演雯女嘅細妹，自細感情好好，但係因為發生咗事，所以去咗外國讀書，之後返香港開麵包咖啡店。
身為單身貴族嘅雯女被問到點樣設計及塑造角色嘅時候，雯女就話本身未結婚，所以覺得呢個非一般女人嘅角色好有挑戰性，所以自從接拍呢套劇之後，佢就開始留意其他人講婚姻同埋伴侶相處之道，有好多嘢要鑽研。被問到合作原因嘅時候，佢亦話充滿期待，劇本同以往劇本唔同，要一路鑽研一路摸索角色，同埋編劇導演都好年青，所以好期待同佢哋合作。陳錦鴻仲大讚劇組已經出晒劇本。
睇落去雯女又係做強勢女人，而陳錦鴻又係做弱勢男人，好似同之前啲角色差唔多咁，希望劇集出街時會俾到新鮮感觀眾啦！

與
#鄧萃雯#
首合作　陳錦鴻破戒出軌：我現實生活好想做！
鄧萃雯、陳錦鴻、廖碧兒、談善言、麥少瑜和強尼今日（29日）到中環出席ViuTV新劇發布會，他們即場向傳媒公開新劇劇名──《婚內情》，而劇集則即將開拍。首次拍ViuTV劇集的鄧萃雯便在戲中飾演舉辦畫廊的女強人，與陳錦鴻本身是模範夫妻的她卻因為兩人關係起變化而出盡招數力挽強瀾。
而經常扮演戇直好男人的陳錦鴻則飾演一個出軌作家：「點解拍呢套劇？係因為可以做到我現實生活好想做，但係我控制住自己冇做嘅嘢，就係同其他異性做啲好有感覺嘅事，好似飲下咖啡、傾偈、深夜裏面送甜品，我覺得好有趣味，好啱我拍……我
太太
（杜雯惠）都好支持我！」他在劇中的角色專門寫愛情小說，事隔7年重新執筆，因而四處找尋「少女」重拾戀愛感覺。
絕種好男人　為老婆推走親熱戲14年
與DJ杜雯惠在2004年結婚的陳錦鴻絕對是絕種好男人，在拍攝亞視劇《異世驚情夢》（2002年製作、2004年播出）時便指自己因為當時仍是女友的杜雯惠，決不拍攝親熱戲：「親熱鏡頭可免則免，因為女友介意，令到屋企人或者女友唔開心都唔好，所以我會少接三級戲，女友都甚少睇我啲親熱戲。」而陳錦鴻一直為老婆信守諾言，從來不接所有「感情失德」的角色，深入民心的和《老婆大人》系列葛國光、《搜神傳》晏喜和《大冬瓜》田大貴等均是從不偷食的小男人，所以今次參演《婚內情》絕對是婚後首次「出軌」。
女人堆長大　拍出軌戲如沐春風
另外，陳錦鴻在台上介紹角色時又笑指自己成長時家中女人多過男人，所以今次在「女人堆」人演戲特別自在：「我爸爸好早就走咗，屋企除咗阿媽，仲有兩個家姐兩個妹，一屋都係女人，所以而家我覺得好舒服，好似返咗屋企咁，如沐春風。」

【對愛情執着】鄧萃雯呻難搵靈魂伴侶

培養感情演夫妻 鄧萃雯冧陳錦鴻獻殷勤

鄧萃雯、陳錦鴻、廖碧兒合作拍攝ViuTV新劇《婚內情》，低胸亮相的雯女與陳錦鴻首度合作並飾演夫婦，她稱二人除了在一次訪問中相遇過，多年來從沒有傾過偈。問到演夫婦是否要預先培養感情？錦鴻直認：「要呀，我第一步會先令身邊的女士身心舒泰，感到舒服和識笑。」雯女更大讚這位劇中丈夫：「由於我本身沒有婚姻，要學習夫婦之間的愛和相處，他叫我不斷發掘他的優點，其實不用掘都很明顯，他說會包辦一切我不喜歡做的事，我樂得輕鬆。加上知道我是寒底人又愛養生，第一次圍讀時，他就送我一樽自磨的生薑粉水，第二次圍讀再送我一個細樽說方便帶出街，真的很細心，我知錦鴻對兒子很有愛心，沒想到今次能黐到他的愛心。」
陳錦鴻幽默回應：「我對太太也是一樣！我一定要講這句，事關太太會睇報道。其實男人是要照顧好女人的，我一屋都是女人，我之所以能夠皮光肉滑、養得大，就是照顧到她們好好，才能長得大和生存下來。」