🙏🙏🙏རྗེ་མི་ལས།
རྗེ་བླ་མ་རྣམས་ལ་གསོལ་བ་འདེབས། །
སྤྲང་རི་ཁྲོད་ཟིན་པར་བྱིན་གྱིས་རློབས། །
ང་སྐྱིད་པ་གཉེན་གྱིས་མ་ཚོར་ཞིང་། །
སྡུག་པ་དགྲ་ཡིས་མ་ཚོར་བར། །
རི་ཁྲོད་འདི་རུ་འཆི་ནུས་ན། །
རྣལ་འབྱོར་བསམ་པ་རྫོགས་པ་ཡིན། །
རྒས་པ་གྲོགས་ཀྱིས་མ་ཚོར་ཞིང་། །
ན་བ་སྲིང་མོས་མ་ཚོར་བར། །
རི་ཁྲོད་འདི་རུ་འཆི་ནུས་ན། །
རྣལ་འབྱོར་བསམ་པ་རྫོགས་པ་ཡིན། །
ཤི་བ་མི་ཡིས་མ་ཚོར་ཞིང་། །
རོ་རུལ་བྱ་ཡིས་མ་མཐོང་བར། །
རི་ཁྲོད་འདི་རུ་འཆི་ནུས་ན། །
རྣལ་འབྱོར་བསམ་པ་རྫོགས་ཡིན།།
ཤ་རུལ་སྦྲང་མས་འཇིབ་པ་དང་། །
རྩ་རྒྱུས་འབུ་ཡིས་ཟ་བ་རུ། །
རི་ཁྲོད་འདི་རུ་འཆི་ནུས་ན། །
རྣལ་འབྱོར་བསམ་པ་རྫོགས་པ་ཡིན། །
ང་སྒོ་ན་མི་རྗེས་མེད་པ་དང་། །
ནང་ན་ཁྲག་རྗེས་མེད་པ་རུ། །
རི་ཁྲོད་འདི་རུ་འཆི་ནུས་ན། །
རྣལ་འབྱོར་བསམ་པ་རྫོགས་པ་ཡིན། །
རོ་ལ་འཁོར་མི་མེད་པ་དང་། །
ཤི་ན་ངུ་མི་མེད་པ་རུ། །
རི་ཁྲོད་འདི་རུ་འཆི་ནུས་ན། །
རྣལ་འབྱོར་བསམ་པ་རྫོགས་པ་ཡིན། །ང་གར་སོང་འདྲི་མི་མེད་པ་དང་། །
འདིར་སོང་གཏད་ས་མེད་པ་རུ། །
རི་ཁྲོད་འདི་རུ་འཆི་ནུས་ན། །
རྣལ་འབྱོར་བསམ་པ་རྫོགས་པ་ཡིན། །
མི་མེད་ལུང་པའི་བྲག་ཕུག་ཏུ། །
སྤྲང་པོ་འཆི་བའི་སྨོན་ལམ་འདི། །
འགྲོ་བའི་དོན་དུ་ཐེབས་པར་ཤོག །
ཐེབས་ན་བསམ་པ་རྫོགས་པ་ཡིན། །

米拉日巴乞死道歌

祈愿至尊师，吾住阿兰若！
吾乐无亲晓，吾苦敌不知。
能死此兰若，瑜伽愿足兮。
吾老友不悉，吾病妹不闻。
能死此兰若，瑜伽愿足兮。
吾病无人探，吾死无人啼。
能死此兰若，瑜伽愿足兮。
门外无人迹，内室无血痕。
能死此兰若，瑜伽愿足兮。
何往无人问，何去无所依。
能死此兰若，瑜伽愿足兮。
腐尸为虫食，血脉为蚊吸。
能死此兰若，瑜伽愿足兮。
无人幽幽谷，乞人之死愿。
回施诸有情，终满愿足兮。
/乌金·明珠林巴 敬译

阿弥陀佛

阿弥陀佛🙏