Sô die bluomen ûz dem grase dringent
Same si lachen gegen der spilden sunnen
In einem meien an dem morgen fruo
In einem meien an dem morgen fruo
Und diu kleinen vogellîn wol singent
In ir besten wîse, die si kunnen
Waz wünne mac sich dâ gelîchen zuo?
Waz wünne mac sich dâ gelîchen zuo?
Sô sage ich, was mir dicke baz
In mînen ougen hât getân
Und tæte ouch noch, gesæhe ich daz.
Und tæte ouch noch, gesæhe ich daz.
Swâ ein edeliu schœne frouwe reine
Wol gekleit unde wol gebunden
Dur kurzewîle zuo vil liuten gât
Dur kurzewîle zuo vil liuten gât
Hovelîchen hôhgemuot, niht eine
Umbe sehende ein wênic under stunden
Alsam der sunne gegen den sternen stât
Alsam der sunne gegen den sternen stât
Ez ist wol halb ein himelrîche
Suln wir sprechen, waz sich deme gelîche
Und kapfen an daz werde wîp
Und kapfen an daz werde wîp
Û wol dan, welt ir die wârheit schouwen
Gên wir zuo des meien hôhgezîte
Der ist mit aller sîner krefte komen
Der ist mit aller sîner krefte komen
Seht an in und seht an werde frouwen
Wederz dâ daz ander überstrîte
Daz bezzer spil, ob ich daz hân genomen
Daz bezzer spil, ob ich daz hân genomen
Owê der mich dâ welen hieze
Daz ich daz eine dur daz ander lieze
Wie rehte schiere ich danne kür
Hêr Meie, ir müeset merze sîn
Ê ich mîn frouwen dâ verlür
Ê ich mîn frouwen dâ verlür 

跪求翻译