《踩过界》林韦辰陪母亲走最后一程　感叹：做演员有时要放低情绪
《踩过界》除了题材新颖，同时见回熟悉又陌生的面孔，说的就是第2次回TVB的林韦辰。30年来的演艺生涯，曾经凭着《再见艳阳天》夺得亚视视帝，再来回往返TVB、亚视，又到大马、内地发展。十多年后再回到娘家，有高层亲自出手，招他回到TVB做亲生仔，不过，最终极的原因，林韦辰当时犹豫地想了想，再深呼吸一口气，徐徐说出来。

在《踩过界》中，林韦辰与李佳芯曾经是恋人。
林韦辰先有TVB高层余咏珊提议回巢，后有乐易玲说服签经理人合约，拍完剧后更得到珍姐曾励珍赏识，叫他「亲生仔」亦无悬念。只不过他听到这3个字就吓到，说：
冇讲到咁夸张，吓死人咩！高层都只系觉得而家系需要人嘅时候，见缺人咯，咪按照公司运作去搵合适嘅人啰，所以先至搵我。

林韦辰曾是亚视Oppa一分子。（摄影：梁碧玲）
不过讲到底，得到高层器重值得开心，更何况对方是珍姐？林韦辰说：
我记得珍姐同我倾偈，除咗好搞笑咁问我系咪戴咗假发之外，佢睇完《踩过界》见到我，就话：「做得好好?！畀啲心机！」我就已经好满足。
亚视人出现TVB，多数都会有隐忧，就会被观众嫌「亚视味太浓」。林韦辰听罢笑言：
我最怕畀人话我大陆味浓啫！都有人话我无线味浓?啵！其实边有分亚唔亚视？电视台台前幕后，都系游走唔同电视台，唔做亚视，就系做TVB，呢个都系必然嘅事实，如果真系要话我亚视味浓，咁无办法喇！但每次有亚视人去TVB，都一定有回响，就好似游生（袁文杰）咁，佢人气都高咗，我都要恭喜佢！

林韦辰与母亲感情很好。（微博图片）
陪她走到最后……
曾经做过「亚视视帝」，又试过到内地、大马多处发展，上面油水多、机会多，不少人去了就不愿回来，为何林韦辰事隔数年，决定折返到香港呢？真的纯粹TVB缺人吗？林韦辰想了想，说：
其实喺出面都跑得几攰下喇，咁一直以嚟妈妈身体都唔太好，要进出医院，就决定返到香港，方便照顾佢。
直到拍摄《踩过界》中途，林韦辰母亲离世，他哽咽地说：
做演员系要放低情绪，我记得妈妈走之后个日，我同Ali（李佳芯）仲要拍谈情戏，要笑住咁。后来我都有同阿Lam（监制）讲起呢件事，希望佢唔好介意，你问我返TVB第一套剧深唔深刻？一定系好深刻。

提起母亲，林韦辰难免有点感伤。
虽然林韦辰妈妈无法看到儿子最新作品，但在林韦辰心目中尚算无憾：
记得当日我唔使返工，我就可以陪足妈咪一日，然后睇住佢走，能够同佢行到最尾，已经好好。
过往林韦辰在内地发展，没有太多时间见家里人，他讲过：
试过成年都见唔到佢哋。
这会否都是林韦辰的遗憾？

或者都系一个无奈，人哋话一个人有几个黄金20年，要必须做一啲嘢，为自己、周边嘅人、屋企人都要照顾。始终冇可能完住放低晒所有嘢陪屋企人，妈妈都理解，同时都唔想我太辛苦太劳碌。
妈妈对儿子做的任何一个决定，都无限量支持，妈妈简单一句：
保重身体。
却是让林韦辰最深刻，
佢成日都咁同我哋讲，但最需要保重身体嘅人，就系佢……而家，系就系睇唔到，但佢之前都系咁翻睇我啲戏！喺以前亚视岁月流声…
在最后，林韦辰再说：
冇计喇！人生系咁。
撰文：郭敏玲

请问第一张图出自电视剧哪一集啊