【出类快报】唔只做戲得　
#鄧萃雯#
踩過界揸咪
演技備受公認的鄧萃雯（雯女），原來一直鍾情唱歌。昨日內地綜藝節目2017《跨界歌王》正式公布雯女將以「跨界歌手」身份登陸本周末播出的節目，而雯女與陳赫的綵排照亦隨之曝光。照片所見，綵排時的雯女明顯樂在其中，更全程流露自信眼神。雯女加盟《跨界》消息一曝光，旋即引起內地網民熱烈討論，極多網民留言表示期待，並大讚雯女「百變」：「演技顏值都擔當的鄧萃雯，歌聲也一樣迷人。」
舞台有百老滙Feel
更有不少網民好奇演藝經驗豐富的雯女，為何選擇在這個時候現身歌唱節目，對此雯女笑指自己其實一直有留意《跨界》：「呢個節目好正，因為我發現好多演員上到去都會揀一啲自己鍾意風格嘅嘢嚟玩，冷門、難唱同奇怪嘅歌都有，大家都唔係用要贏嘅心態去參與，成個舞台又有百老滙嘅感覺，對我嚟講係另一種創作，好好玩。」
王祖藍牽線促成
對於有傳是王祖藍牽線促成是次演出，雯女坦承有向祖藍表示過「好想玩」，她說：「嗰日喺公司見到祖藍，我同佢講：『我都想玩！』佢就話：『係咩？你想玩咩？』我就話：『係呀，冇壓力幾好吖，有咁大個電視台提供平台完成夢想，正到不得了！如果演唱會要賣飛，就有啲壓力喇。」雯女又謂恨演穿梭歌舞廳獻唱懷舊性感爵士樂曲的女伶角色，可惜一直苦無機會，所以對於今次夢想成真，雯女不無興奮，受訪期間更數度流露愉快笑聲。
自小鍾意唱歌
雯女又透露自小已鍾愛唱歌：「我第一隻識唱嘅歌係《今天不回家》，我啲姑姐話番畀我聽嘅。佢哋話我細個嗰時去到邊都要表演，好得人鍾意，我啲姑姐好鍾意帶我同朋友見面，因為我好鍾意唱歌。」雯女又謂初出道頭一、兩年，由於偶爾有在節目中一展歌喉，故曾有唱片公司向她招手，不過雯女最終未有答允：「因為我嗰時啱啱出道，當時我覺得作為歌手，首先要有錢買衫，但我就窮到燶喎，哈哈。同埋拍劇已經好忙，當時一劇接一劇，邊有可能分心？我都係一心一用嘅人，戲都未做好，做埋歌手我覺得未必HANDLE到。」

沙发，板凳，地板革我都要占了，凑够十五字！！！
我这么水，会不会被拖进小黑屋？！

本周六晚20：30，北京卫视跨界歌王，听邓萃雯经典献唱！

可惜雯女只签约一期哎。

比起唱歌 更愿意去西班牙吧