.

黎明赌王单对单 烂Gag金句斗晒冷 24/09/2008 金风玉露一相逢，便胜却人间无数！ 先Leon黎明爆出句「左手打右手，右手唔痛咩！」摆明好唔满意同公司有人放料，唱佢个慈善Show门票销情唔掂；冇耐，赌王何鸿燊又嬲爆讲句「一滴都唔赞成」，劲藐话佢个女超琼搵许晋亨借种生仔坊间传言。 人Honey李嘉欣当亨亨系极品，赌王冇面畀就一句抛出明踩。讲到咁激，赌王呢位「金句王」摆明就挑战紧「烂Gag王」黎明啦！两大斋Talk高手各出啜核金句，简直系烂Gag坛世纪盛事。 为唔想赌王同Leon一番心血付诸流水，包剪极度渴望两大高手齐齐搞个栋笃笑，台上单对单火并烂Gag，呢场肯定系百分百Good Show，绝对唔使佢扮或者唱英文粤曲，只系面对面玩栋笃式对话，两大高手斗出自己经典金句，睇点样应付生活上遇到各种奇难杂症。 何鸿燊一滴都唔赞成 ‧畀人队酒？ 赌王：「一滴都唔赞成！」 Leon：「饮酒要有酒品，影相要有相品。」 ‧畀女围想甩身？ 赌王：「齐人之福唔易享，一到新年、生日，我呢就走到气喘，食到呕凸。」 Leon：「当一个艺人觉得自己好有魅力时候，其实佢已经丧失魅力。」 ‧身边女人迟大到？ 赌王：「要等得，
太太
钟意扮靓唔好咁多声气，出街前髹灰水、画眼线、搽脂胭唔催得，一催从头过盏再等耐。」 Leon：「当一支花变成一支花时候，系咪变成一支梗呢！」 ‧女人问有几爱佢？ 赌王：「我每一次都系一条心。」 Leon：「原则会取缔默契，默契会产生更多议题。」 Leon唔会空肚食早餐 ‧兄弟不和？ Leon：「左手系肉，手背又系肉。」 赌王：「人咁贱，仲贱过地底泥，做男人唔系咁嘛！要口密、唱都死，仲咁添！」 Leon：「左手打右手，右手唔痛咩！」 ‧去名校面试？ 赌王：「万般皆下品，惟有读书高，将来入剑桥、牛津就有面。」 Leon：「每个人都应该珍惜机会，如果唔系就绝对空虚。」 ‧拣家佣？ 赌王：「如果话呢个系美人，我觉得佢系个大近视。」 Leon：「我畀钱佣人去泰国住一星期学煮咖喱鸡同春卷，依家煮到九成似，一模九样。」 ‧点样Keep Fit？ 赌王：「依家医学昌明，人好恶死！」 Leon：「我唔会空肚食早餐。」 临到尾声，只要Leon讲番句：「好似爱因斯坦《相对论》，得自然先有流畅结局。」呢场烂Gag火并就可以大团圆结局啦！如果个栋笃笑真系搞得成，以佢热心公益、爱心爆棚慈善作风，将场Show门券收益全数捐晒出去，自己开心观众又开心之余，到时真系可以做到人人常欢笑至高境界！