藝人佘詩曼在《萬千星輝頒獎典禮2014》憑無綫神劇《使徒行者》角色「釘姐」奪得「最佳女主角」及「最受歡迎電視女角色」兩大獎項後，本年便以同樣角色載譽回歸勇闖大銀幕，誓要再創經典！不過，曾以以「超視后」級功力演繹喪母爆喊情節而觸動觀眾的她，就坦言因再演「釘姐」感到壓力：「因為之前太受歡迎，驚今次衝破唔到。」幸而電影由劇集監劇文偉鴻親自執導，所以相當放心：「今次『釘姐』都係『釘姐』，會保留番啲性格，但又加好多電視冇嘅元素，好似動作場面、槍戰、飛車咁。」問有否因動作場面而搞到周身傷，阿佘即謂：「損哂、瘀哂，頸個舊患又復發，好在依家好番哂！」但坦言頸傷易翻發，所以要好好保護。

【鎮宇咀得投入】
談到吳鎮宇早前指與她的咀嘴戲連「電視尺度都不如」，問會否同情對方遭遇，她即笑謂：「有冇咁嚴重呀！」她又指吳鎮宇拍攝時非常投入：「戲裡戲外都好投入，我好鍾意呢種感覺，好完美主義。」至於老拍檔古天樂，她就指今次與對方有大量搞笑戲：「幾乞人憎，會整蠱、調戲我，又要我着T-Back。」又謂與韓國性感女神李成敏（Clara）傾得埋，勁老友：「但我唔會對佢身材好好奇，可能男士會着重啲！」

【期待製作新戲】
而最近開了工作室的她就希望繼續多拍戲，以發掘新的自我，又指有機會都想有自己的製作。談到感情狀況，她就例牌避談：「我依家生活好開心！我覺得感情係隨緣，要嚟嘅時候係擋唔住，但係又唔可以去強求。」
場地：柏寧酒店
化妝：Katherine Lo
髮型：Lorraine Lam @ hair culture
服裝：ST. STUDIO

顶

會對佢身材好好奇

视频来自：56视频

赞