★160411★【LEON☆新闻】黎明潮变蝙蝠侠　纠正4D演唱会谬误 - 黎明吧

吧务

level 14

电梯与黎楼主

黎明潮变蝙蝠侠　纠正4D演唱会谬误
．
天王黎明（Leon）即将喺月尾于中环海滨摩天轮旁边舉行演唱会，而勇于嘗试嘅Leon，今次仲配合高科技4D製作，令大家睇得开心玩得开心！不过最近成日玩Fb嘅Leon，今日就甫咗段片係佢化身蝙蝠侠嘅，仲话有好多人对呢个演唱会出现种种误会。
．
Leon喺片中话有人以为演唱会喺室外，仲问佢需唔需要擔遮睇，而Leon就解释话：“我要重覆好多次，我嘅演唱会係室內，只不过係搭一个新嘅场，OK？新嘅场入面係有冷气，有冷气！唔係冇冷气嘅！！”此外Leon又再解释话，会场係有座位，仲唔太耐烦咁话：“係有得坐㗎！坐㗎！OK？”
．
贴文一出，唔少网民大讚Leon几可爱：“黎明好细心但又好搅（搞）笑…实在太Cute喇！”而亦有人“玩嘢”咁问：“ 哈哈我明白了，唔洗（使）拎遮，有冷气，有櫈坐，但甘（咁）即係洗（使）唔洗（使）带定蚊怕水同著（着）浅色既（嘅）长袖衫？”
．
之后，黎明再一轮嘴係咁讲话自己嘅演唱会乜鬼都有，仲话除咗唔可以瞓觉之外，乜都做得，玩到咁大？到时真係有人做出位嘢，黎明你就头痕喇。
．
黎明化身蝙蝠侠，回答网民对于佢嘅4D演唱会问题。
黎明讲到表情多多。
仲O晒嘴，认真Cute爆。
有啲激动咁喎。
唔少网民大讚Leon可爱又搞笑。

2016年04月11日 14点04分 1

吧务

level 14

电梯与黎楼主

【创意嘅嘢...真係识条...】黎明fb扮Batman：演唱会有厕所...好多厕所
．
咩嘢係创意？你想要创意？咁你要学下黎明喇！自从黎天王学识“原来facebook係咁用之后”，佢就十分之咁善用fb呢个平台，佢啲post仲鬼咁跳脫o添！
．
日前佢仲post埋条好有创意，有飞机、有生果、有暴龙嘅演唱会宣传片，呢啲咪就係创意啰！不过黎天王嘅creative又岂止于此，佢早几日post咗条扮Batman嘅animation，以佢嘅见解解释《蝙蝠侠对超人》点解蝙蝠侠会输俾超人。
．
今日佢仲继续以Batman嘅身分post片，条题係『那有一天不想你“之”可否一天不搞错』，咁即係讲咩？咪就係佢同fans解释佢嚟紧个中环码头concert係室內，佢会喺名嗰度搭个台，仲要有冷气o添！隔咗一粒鐘黎天王再开post，今次就係讲话佢个concert係有厕所，仲要係好多厕所！
．
同fans互动得嚟又咁有创意，创意呢家嘢...真係睇唔透...