金句王玩朗诵 黎明搵蓝天白云耍走黐身Fans 有日同事甲睇完黎明（Leon）报道，佢话觉得Leon应该睇好多哲学书，先至可以成日讲咁玄！SoSo即时O嘴，只系觉得Leon讲每句都系言之有物，但佢想讲个Point系乜就要好似饮红酒咁，要慢慢嗒先明白个中意思，而明白「Leon话」人非支持佢十几年Fans莫属，佢理解能力超高，仲有一个特点系LeonFans零舍唔黐身，点解呢？ 话说试过有几个Fans知道Leon会出席活动，就由发型屋跟佢跟到现场，以示支持咁话，到完场亦跟到实，等偶像气势劲！系呢个时候，成程都冇同佢讲Leon突然行近Fans堆，好似朗诵咁讲以下一番说话：「我有我角色，你有你位置，大家各有天空，可唔可以畀番多蓝天白云我？」 劲唔劲呀！系咪好有节奏呢？成班Fans可以近距离见到Leon，对佢教诲自然铭记於心，仲将之广为发布。话时话，下次打波先落雨，睇怕都要学Leon嗌句：「畀番蓝天同白云过我呀！」