自《太阳报》杨怡烈日拍戏中暑入院 25/07/2005 杨怡最近传出有位同居有钱男友，不过她对感情事就唔想多讲寻日杨怡电视城撞到诸事姐，佢话近排拍剧集《布衣神相》日日三十几度下拍打戏，好鬼辛苦，仲搞到中暑入院添！阿怡话当时头痛到又喊又呕，吓亲工作人员。医生指佢有轻微耳水不平衡，可能系睡眠不足，打完支针已经好好多。讲开近排有本周刊话佢有个同居有钱男友，阿怡话明白做艺人食得咸鱼抵得渴，跟住又搞笑咁话下次最好摆封面，顺便帮自己宣传都好喎！