level 7
对于一个每日都话“支持本地化，BOYCUTT普通话”嘅人嚟讲，谈论呢个话题，或者剖析呢种现象，似乎难于持论公允。但我可以讲：一，我并非“著名学者”，唔使为咩职位担忧；二，我唔系新闻业界人士，唔需要讲咩中立——何况家下啲新闻从业员亦唔见得中立；三，我系代表最广大广州人嘅根本利益讲说话——噉就够晒资格啦！ 冇错！本文就系针对报考广州公务员嘅外省人，所以喺某啲人眼中系“以偏概全”，更会被冠以“偏激”之名。Ｂｕｔ，Ｉ ｄｏｎ’ｔ ｃａｒｅ！本文的确系针对报考广州公务员嘅外省人，请慎对号入座，否则阁下自理！
2008年03月18日 23点03分
2
level 7
２００８年３月１５号，上半年广州公务员考试截止报名。呢次，公安、检察院、法院、司法、地税系统一共会招收７５７名公务员，但就有将近二万人报名考试，录取比例超过１：２０。其中，广州市地方税务局一个只系招收３个人嘅职位吸引咗超过４５０人报名，令到竞争比例超过１∶１５０。 有人或者会话，单凭呢啲数字都说明唔到啲咩问题嘎，点可以就噉就针对啲外省人呢？ 冇错！如果单单系凭呢啲数字就梗系说明唔到问题啦！之不过如果你哋放长双眼嚟睇，睇阔啲，睇远啲，你哋就会发现，最后成功“考取”到呢啲公务员嘅，多数都系啲外省人。
2008年03月18日 23点03分
3
level 7
噉都只能够话，系啲外省人本事过你哋广州人，你哋冇得好怨！考试都系公平、公正、公开嘅。 系咩？广州市公务员考试真系公平、公正、公开嘅咩？我睇就未必嘞！
2008年03月18日 23点03分
4
level 7
首先讲下“公平”先。好多公务员嘅报考资格要求有本科学历——噉叫“公平”咩？广州市，乃至广东省有几多人只有大专学历而冇本科学历呢？单系呢一条已经将门槛定到高一高，等嗰啲只有大专学历嘅本地人都无法报考，然后就可以大把理由话唔够人报考，要求敞开门户“引进人才”。于是全中国除咗港澳台，所有人都涌晒嚟广州报考公务员。有一点我觉得好奇怪嘅，既然有咁多来自全国嘅“人才”走嚟广州市“贡献”，噉广州市政府重打算起咁多大学城做咩呢？只要讲一声话广州市招考公务员，全国各地嘅“精英人才”都会走嚟跃跃欲试，噉我哋起咁多大学城岂不是好浪费？更何况广州市有好多大学其实只不过系培养大专生，根本就冇为本地人嘅将来作过考虑！我甚至斗胆讲一句，喺广州起埋咁鬼多大学城，其实内里系有阴谋嘅——至于系咩阴谋，将来有机会，我再话过畀你哋知。
2008年03月18日 23点03分
5
level 7
跟住讲下“公正”嘞。我睇过一份有关广州市公务员考试嘅资料，其中有一条就系讲广州市禁摩嘅问题，喺嗰条题目嘅下面，我见到有一行噉样嘅“备注”：对这个问题的剖析应从正反两面去写，但是态度上一定要支持政府的立场（即支持“禁摩”）——你哋话嘞，噉样叫做“公正”咩？如果我唔支持“禁摩”，噉我应该点答呢条问题呢？曾经有好多人“窒”我：你咁叻，你唔去做公务员，去实现你嗰啲谂法？我想问，噉嘅环境底下，我可以实现到啲咩？正如好耐之前就有人讲：卢总啲文章可以转去“广视网”登咩？我都经常鼓励啲人转载我啲文章去“广视网”，但佢哋最后都系话畀我知，篇文章唔畀出街，已经畀人删咗。嗰啲外省人嚟广州报考公务员系为乜啊？为咗份工之嘛！噉佢哋使唔使要有立场？广州市政府咩立场，佢哋就咩立场咖啦！广州又唔系佢哋乡下，搞衰咗又唔关佢哋事——打份工之嘛！所以，你哋觉得呢个公务员考试“公正”吗？
2008年03月18日 23点03分
6
level 7
然后讲下“公开”啦。你哋见过广州市公务员考试公开未？我就未见过嘞！连听都未听过！笔试合格可以进入面试嘅人，有冇进行过“公开”面试？有冇公开接受过广州市民（请留意，系“广州市民”，唔系啲阿猫阿狗）嘅质询？有冇将佢哋嗰啲档案“公开”畀广州市民查核？你可以话，人哋打份工啫，使唔使畀你查三代啊？答案系要！一定要添！点解呢？因为如果畀你做广州公务员，就要交个广州畀你规划，制定方针、政策、法规，重要你去执行公务，唔查清楚你嘅底细，我哋广州人点放心啊？从呢啲“公开面试”，我哋可以发现，你系真心实意“作贡献”，还是根本系嚟“混饭食”，抑或系嚟“揾着数”，甚至系嚟搞破坏嘅！
2008年03月18日 23点03分
7
level 7
好简单，广州话唔识，又唔肯去学嘅人，肯定唔会系嚟作贡献嘅！呢种人，如果畀佢混入广州市嘅公务员队伍，同捉只老鼠入米缸并冇乜太大嘅分别，甚至可能系放咗个唔知几时爆炸嘅计时炸弹喺自己身边都未定！嗰啲连广州话都唔识嘅人，点倾听民意？点体察民情？点知道广州市民嘅需求？一旦发生啲咩事嘅话，我哋去边处揾佢返嚟负责？再者，例如将番禺南沙嗰块湿地变为水泥地，搞石化项目呢啲咁生仔冇屎窟嘅嘢，本地人会做得出咩？即使外省人最后话肯承担责任，但湿地冇咗就冇咗，水泥地唔会因为外省人肯承担责任，就变返湿地！唔查清楚啲，考察深啲，点得啊？
2008年03月18日 23点03分
8
level 7
我哋再嚟深入“点解咁多外省人报考广州公务员”呢个问题。“东南西北中，发财到广东”呢句说话流行咗冇卅年都起码有四分之一个世纪，原因我就唔讲嘞。以前啲人嚟广东系为咗钱，因为喺广东充满商机，好多人都系靠走嚟广东打工、创业，揾佢哋嘅第一桶金嘅。但时至今日，中国全面改革开放，到处都有商机，啲人系唔系一定要走嚟广东先有机会呢？答案当然唔系啦！噉系乜嘢呢？个答案就系，广东有三样嘢吸引人，所以啲人钟意走嚟广东揾钱、揾机会。
2008年03月18日 23点03分
9
level 7
第一，广东资源丰富，地理环境优越，气候怡人。广东山清水秀，人杰地灵，物产丰富，喺历史上一向都可以自给自足，甚至多到可以外运。试问，一处噉嘅好地方，点会唔吸引四面八方嘅人走嚟分一杯羹呢？而且好似广州市呢啲噉嘅地方，一年嘅ＧＤＰ重多过人哋一个省，净系税收已经好和味啦，唔好讲其它嘞——难怪有四百几人争住入广州市地税局啦！重有，广州毗邻港澳，同海外关系又咁密切，一个唔该，识着个有钱佬，或者得到外国商家嘅赏识，重唔飞黄腾达？
2008年03月18日 23点03分
10
level 7
第二，广东机会的确系多好多。旧年广东点可以创造出３２１４２亿嘅ＧＤＰ呢？答案好简单，因为广东有好多形象工程！例如广州创卫啦，搞数字电视啦，全部转晒睇有线电视都重要起个电视塔出嚟……咁多呢啲噉嘅机会，唔嚟广东就笨啰！所以“东南西北中，发财到广东”呢句说话流行咗咁耐，依然重系咁流行，而且可能重会继续流行多二卅年都未定！未来广州都有好多“机会”——例如会起多七八个大学城，番禺南沙又有石化项目，２０１０年重有场鸭运（虽然唔知开唔开得成）……
2008年03月18日 23点03分
11
level 7
第三，广东啲官员多数系外省人——呢一点好紧要啊！因为广东啲官唔系广东人，佢哋就可以好大胆、好放心噉搞“去粤化”、“去岭南化”……大家睇下呢几年，喺广州拆咗几多有岭南特色嘅建筑，又破坏咗几多物产丰饶嘅鱼米之乡。重有，为咗配合啲北方嘅移民大军，连广州市政府都公开表示，报考广州市公务员毋须学习广州话；广州街头重周围张贴“说普通话，做文明人”同“讲普通话，做文明人”嘅标语，令来自各省讲普通话人士颇有优越感；广州嘅公共设施，尤其是公共交通工具，特别系广州嘅地铁，都以普通话为主，务求令外省人都有宾至如归嘅感觉；各大电信公司，以及其它公用事业单位（包括公司化咗嘅机构）都会不遗余力噉帮手推广普通话，外省人根本唔需要担心生活会唔方便；连广州市嘅“市长热线电话”１２３４５都只提供普通话服务——广州市市长似乎系为外省人服务嘅，而唔系为广州人服务嘅……咁多明示加埋暗示，如果你系外省人，你会唔会走嚟广州报考公务员吖？即使系考唔到，又使唔使担心揾食嘅问题呢？
2008年03月18日 23点03分
12
level 7
２００８年３月６号嘅《广州日报》Ａ７版有篇《提高薪酬在初次分配中的比重》，提到要“把公务员的隐性收入显性化”。好衰唔衰，登咗一张“公务员”嘅工资单：
2008年03月18日 23点03分
13
level 7
从呢张工资单，我哋可以清晰见到：基础工资为０，职务工资为４１０，级别工资为６２７，工龄工资为０，岗位工资为０，技术等级工资为０，工人奖金为０，试用期工资为０，警衔补贴为０，职务补贴为８４５，工作津贴为９４５，绩效奖金为６４０，督查考核奖金为０，房租补贴为８０，通讯补贴为５０，节日补贴为１０００，独生子女费为５，值班补助为０，加班工资为１３３３，其他为０，补发为０，而总计应发工资为５９３５，住房公积金为５５６，个人所得税为０，其他扣款为０，扣款合计为５５６，计税工资为０，实发金额为５３７９。 呢张工资单里面有“警衔补贴”项，好明显系同警务人员有关，而有“警衔”嘅警务人员可以肯定无疑噉讲，就系“公务员”——我哋可以从“个人所得税为０”呢项得知，啲“公务员”系毋需缴纳“个人所得税”嘅！因为佢哋事先已经好合理噉令到“计税工资为０”嘞！噉佢哋重使乜交税呢？ 广州呢啲咁富庶嘅地方，人工高、福利好（我系指“公务员”咋），重有人大呼要帮广州嘅公务员加薪，而且唔使交税添！你系外省人，你会唔会走嚟广州报考“公务员”吖？
2008年03月18日 23点03分
14
level 7
我将公务员唔使交税呢个“惊人发现”发去垃圾《广州日报》旗下嘅大洋网，居然得到噉嘅回应：公务员的工资本来就是税收所得，难道说用税收所得再去交税？你们交了也是给我们公务员花的，我们还用交吗？ 嗱，呢啲就系外省人嘅素质嘞！呢啲就系做紧广州公务员嘅外省人嘅素质嘞！ 广州呢个地方实在太吸引人嘞！嗰啲公务员嘅考试题目专为外省人度身订造，生活环境又专为适应外省人而设计，连个人所得税都千方百计免埋，又唔使学广州话，上下正一系沆瀣一气，有乜办法啲外省人对广州市嘅公务员唔趋之若鹜先得嘎？！
2008年03月18日 23点03分
15
