第一集 “家姐，踩快D啦！”---我（13岁）同家姐踩单车出去 “系喇！”---蒋子欣（家姐，14岁） “我哋迟咗喇已经！”---我 “得啦！又系你话踩单车（单车：自行车）！叫司机送我哋咪几好！”---家姐 “踩单车好玩吖嘛！而且阿君佢都想踩单车去！”---我 “唉~~~麻鬼烦！”---家姐 “到喇！我见到佢哋喇！”---我 “阿君！”---家姐 “欣姐姐！”---杨芷君 “等好耐啊？”---我 “我都系啱到啫！浩然哥哥都未到！”---君 “佢例牌迟到架啦！”---家姐 “阿良啊！你带咗咁多嘢嚟嘅！”---王秀雯（我家姐个同班同学，不过我同我家姐喺同一间学校读书！所以大家都玩得几埋！） “梗系多啦！你睇下我家姐就知道我要帮佢攞埋佢果D嘢！我一个人孭两个人嘅嘢！！你话多唔多喇！”---我 “哇，阿欣，我都好想有个咁乖嘅细佬啊！”---谢惠 “哈哈~~~阿良！估唔到你咁好人！帮我攞埋吖！”---左钊（我个Friend） “你有咁嘅惗法系好事！不过我就无咁嘅心情！”---我 “唉~~~又系等容浩然！唔等喇！走啦！等佢自己嚟到自己闷下都好！”---家姐 “唔好啦！等多阵啦！浩然哥哥应该就到喇！”---我 “系咯，欣姐姐！”---君 “嗱，阿欣，我俾面你等多佢一阵！”---家姐 “吖！系喔！子珊（我细妹）大后日就生日喇！我都未买礼物添！”---君 “得啦！我嗲哋已经准备好个生日party喇！到时人到就够喇！”---家姐 “唔好嘅！听日我要同妈咪去睇下有咩好嘢买个送俾子建！”---君 “系呢，韵姨姨最近几好嘛！”---我 “几好啊，有心喇！”---君 20分钟后 “啊！对唔住啊！琴晚打机打到好夜，今日唔知醒！”---容浩然 “哼！我都话无鬼等佢架啦！我哋六个人等咗成半个钟就系因为佢琴晚打机！”---家姐 “对唔住啊！”---然 “家姐，接受佢道歉啦！”---我 “算啦！我哋起行啦！”---家姐 “浩然哥哥！你就唔啱啦！不过唔怕，有机会补救！嗱，攞住啦！E包嘢系家姐带嚟嘅！你E家勤力D，仲有得补救！”---我细细声，偷偷哋塞咗家姐要我孭果D嘢俾浩然 “好，无问题！等我孭！系呢！我哋去边度picnic啊？”---然 “唔知啊！惠姐姐带队！跟实佢就得！”---我 

第二集 车程（单车）20分钟以后！ “喂，阿惠！你想带我哋去边度山卡啦啊？”---浩然 “果个烧烤场新开放架，喺琶洲！”---惠 “哇，你不如直接攞支棍卜断我只脚！E度离琶洲咁远！”---然 “你唔好咁多声气啦！E家都差唔多到啦！”---家姐 “唉~~~得喇得喇！大家继续前进啦！”---然 “阿君啊！你攰唔攰啊？攰就抖下再踩！”---家姐 “啊！救命啊！有无有理过我感受啊！我话攰就俾人抦，抦我果个人又即刻第个攰唔攰！”---浩然 “算啦！浩然哥哥！”---我 “欣姐姐，我唔攰，继续踩啦！”---君 “喂，到咗喇到咗喇！”---王秀雯 “啊，终于到喇！今日几多人喔！”---然 “咦，家姐！嗰个咪定国哥哥？”---我 “哦，系喔！定国哥哥！”---家姐 “喔！边个……喔！乜原来系你哋啊？两个月无见！又高咗喔！”---杨定国 “定国哥哥！E几位系我哋D朋友！”---家姐 “呵呵！你哋好！浩然同阿君都喺度好热闹喔！”---国 “系呢！你点会咁啱又嚟E度嘅？”---家姐 “哦，蒋叔叔叫我嚟E附近视察一块地皮！咁啱喺度见到你哋啫！”---国 “哦，咁你加唔加入啊？”---我 “唔喇！你哋同班朋友仔玩得开心D！我走先喇！我仲有事要办！玩还玩，你哋几个要注意安全喔！”---国 “好吖！拜拜！”---我，家姐，浩然，阿君 “拜拜！过两日子珊嘅生日会再见！”---国 “好啦！我哋开始啦！”---家姐 “鸡翼有，粟米（玉米）有，……！碳呢！边个负债带碳架？”---家姐 于是一对对眼睛又望住咩都无带嘅浩然！ “……唔好意思啊！今日临急急忙出门口！所以……”---然 “咁点办啊？”---雯 “好在！E个烧烤场有投币电炉！5蚊鸡用半个钟！”---惠 “哼，一日都系你！”---家姐 “算啦！子欣，无烤鸡翼就食煎鸡翼咯！”---惠 “阿欣，真系对唔住！最多D钱我出！”---浩然攞出张一百蚊 “浩然哥哥！有无散纸银仔咁啊？”---我 “无啊！不过唔紧要！我去唱（change，换）！”---然 “欣姐姐！咁我哋攞D嘢去电煎炉果边等！”---君 “系咯，你哋行先！我好快翻！”---浩 ……

第四集 （本章节第一人称“我”暂时转换为蒋子欣） 几日后，又开学咯！我好中意翻学！ 因为可以见下班朋友仔！ “少爷，小姐！到喇！今日放学我再过嚟接你哋！”---司机 “今日我哋早放学，唔洗接我哋喇！我哋想行下街先！”---我 “哦，咁啊！我要打个电话俾
太太
讲声先得！”---司机 “唔好啦！秦叔叔！如果打俾妈咪！佢又会好多嘢要问！求下你啦！我哋一定会准时翻屋K！”---我 “……太太都系担心你哋啫！E家治安唔好！”---司机 “求下你，就一日！”---我 “……好啦！下不为例！”---司机 “多谢叔叔！”---我 “快D去上课啦！迟到喇！”---司机 “……家姐，你又想去边啊今日！”---子良 “哈哈~~~细佬！陪我去买衫啦！”---我 “顶，又揾埋我笨！唔去！同你出去买嘢次次都等好鬼耐！”---良 “去啦！你唔去！你都唔好翻屋K啦！你翻屋企，佢哋就知道我今日早放学！我就会俾人闹喇！”---我 “唉！我真系唔想同你一间学校！鬼咁多嘢烦！”---良 “细佬，多谢喇！今日一齐去！”---我 “阿君！早晨！你日日都咁早翻学！”---良 “早晨啊！系啊！我日日都同妈妈去跑步！然后就翻学！所以都比较早咯！”---杨芷君 “你真犀利！我就肯定唔可以咁早起身去跑步喇！”---我 “家姐，你都应该去跑下步啦！你近排肥咗好多！”---子良 “多事啦你！”---我 “阿良啊！张老师话继续教我哋班！唔洗换班主任咯！”---君 “系咩！咁就好喇！张老师几好人！”---良 “子建系咪打算下个学期入E间学校啊？”---君 “系啊！到时候我哋三姐弟就占据晒初一初二初三！”---我 “哈哈~~~最开心应该系秦叔叔！因为以后一次过可以送晒我哋三个人翻学！”---良 “系呢！阿君啊！今日早放学！一齐去买衫啦！”---我 “……不过！”---君 “唔好不过喇！翻屋K再做啦D功课！第一日开学都无乜功课架啦！”---我 “咁好啦！一齐去啦！”---君 “唉~~~阿君！你俾我家姐水咗喇！”---良 “多事啦你！”---我

第五集 （本章节第一人称“我”暂时转换为蒋子欣） 上第一节课喇，上语文课！同我同班嘅容浩然又迟到！而且最烦嘅就系佢坐喺我后面果个位！有时佢上上下课无聊，就会烦鬼住我！ “阿然又迟到喔！”---同我同位嘅谢惠 “唉~~~佢例牌架啦！”---我 “同学们！关于孔乙己这篇文章！首先要分析一下当时的时代背景！然后结合当时的社会现象去联想……”---老师 “老师，对唔住啊！”---容浩然又迟到喇！不过今次有D唔同！容叔叔同佢一齐翻！ “对唔住啊老师！”---容叔叔 “哦，容先生你好！浩然！今日点解咁迟先翻！”---老师 “琴日我……”---然 “你个衰仔，叫咗你早D瞓啦！你系都唔听！你知唔知你上个学期迟到咗几多次啊？老师，所以今日我想同你道个歉！而且想倾下我个仔嘅情况！”---容叔叔 “好吖，容先生！我E家上紧课！你先去办公室等一等我！我落课去揾你！”---老师 “好吖！老师！唔阻你讲课先！阿然！快D同老师道歉啦！”---容叔叔 “老师！对唔住！我以后唔会再迟到架喇！”---然 “好啦！你翻埋位坐低！”---老师 E个时候，容叔叔望到我！就点一点头打个招呼！当然我都点一点都打招呼啦！ “抵死，俾人闹！”---当容浩然经过我个位嘅时候，我细细声寸容浩然 “咩啫！琴晚打机夜咗D瞓啫！”---浩 “好吧！同学们！我们继续讲课！”---老师 “我劝你今堂课认真听课！如果唔系等阵容叔叔知道！你今晚又俾人省喇！”---我 “你同我定啦！”---然 ……

第六集 中午午餐时候！ 我哋几个去到学校嘅饭堂攞餐！ “有无搞错啊！又系我两个去攞餐？”---因为然猜程沉又输咗 “边个叫你成日猜程沉都系出包啫！”---家姐 “……浩哥哥！算啦！行啦！！我连猜程沉嘅机会都无啊！家姐就叫我去攞餐！”---我 “咁你又系惨D嘅！”---然 “良，我去帮下你啦！”---君 “君，唔洗喇！等佢哋D男仔做下啦！”---家姐 “阿欣！阿良好惨啊！”---谢惠 “惠姐姐，算啦！你睇下我家姐啦！一睇就知道系奸角啦！”---我 “你仲讲！快D去排队啦！”---家姐 “唉，又系我哋两个人攞六份餐！”---我 “讲得嚟都攞完啦！”---家姐果然使人唔洗本 排队中 “喂，E家得我哋两个人！我问下你喇！其实你系咪特登输俾我家姐架！”---我 “唔输俾佢？肯定有D更残忍嘅事发生架！所以出包最明智！”---然 “哈哈~~~我爹哋都话家姐好巴辣！”---我 “哈哈~~~你死喇你！我讲俾阿欣听你等阵实无命！”---然 “嗱，你好啊你！出卖兄弟！”---我 “知道喇！讲下笑咋！你睇下惊得你个样吖！”---然 攞完饭，开动了！ “喂，阿欣！近排唔见你玩三角洲（Online Game）嘅？”---然 “无玩好耐啦！玩到厌晒喇！”---家姐 “唉，仲打算俾D装备你添！”---然 “算啦！你让俾其他人啦！”---家姐 “喂，俾我吖！我仲玩紧！”---我 “多事啦你！食饭！”---然 “系呢！等阵有无人去行街啊？”---家姐 “我唔去喇！近排比较忙！又要去补习喔！”---惠 “我都系啊！唔去喇！”---王秀雯 “咁啊！咁啫等我哋三个去！”---家姐 “去边啊度行？受埋吖喂！”---然 “你今日先俾容叔叔闹完，你仲敢去！”---家姐 “小儿科啦！放学一齐走！”---然 “好吖！阿君，细佬！咁放学校门等！”---家姐 “唉……我都好无奈啫！”---我 “我嘅好细佬，唔好咁啦！一齐去啦！”---家姐 “知喇知喇！”---我

第八集 “果套衫几好睇喔！阿君！入去试下咯！”---家姐 “好啊！”---君 唉，女人买起衫嚟真系无谱！而且家姐比起阿妈有过之而无不及！ “喂，浩然！果边果个咁似你妈妈，日爱姨嘅？”---我 “系？睇过！”---然 “喂，真系啊！你妈妈都喺度啊！今次弊喇！点算啦！”---然 “家姐，喂！闪人喇喂！喂！”---我叫家姐，但家姐一D回音都无！继续喺试衣室试衫！ “企入D啦！唔好俾阿妈见到我！”---然 “喂！佢哋好似行紧过嚟E间店喔！”---我 咁啱家姐换完衫出嚟！浩然一嘢就推翻家姐入去试衣室，然后自己都入埋去！关埋度门！ “我顶你啊！赖低我一个！”---我 “阿良，咩事啊？”---阿君喺试衣室里面问我 “日爱姨同我妈咪行紧过E边啊！点算啊！”---我 “你等等，我就快换好衫！”---君 5秒后！ “入嚟避一避啦！”---君 “唔该晒！”---我 “喂，死人容浩然，咪逼埋嚟啦！”---家姐 “唔好吵啊！嘘~~~！”---然 “阿恩啊！E件衫几衬你喔！不如试下咯！”---日爱姨，佢哋真系入咗E间铺，喺试衣室里面嘅我哋听得一清二楚！唉~~~一句话两个字，当黑！ “好啊！你都睇下有无啱心水嘅！”---妈 “黑色果套几好睇喔！”---日爱姨 “啱就入去试下啦！”---妈 “嗯，咁我去试下喇！”---日爱姨 日爱姨入咗隔离一个试衣室！ “太太，E件几衬你喔！要唔要试下啊！如果你啱嘅，我俾个九折你吖！”---服务员 “哦，咁我试下啱唔啱先！”---妈 啊，果个服务员救咗我哋一命！ 当妈妈佢哋入晒试衣室果阵！我哋四个就出翻更衣室！ 家姐佢哋连校服都未赶得切换翻，但都唔敢喺E度逗留咁耐！ 所以我哋马上俾钱，然后就鸡咁脚咁‘逃’出E间黑（这里解释作：使人倒霉的）店！

第十集 “出国啊？……”---家姐 “系啊！去澳洲，细细个果阵我都带过你两个过去果边玩！”---爸 “我知，但系果阵系旅游咁嘅心情去！同E家唔同！”---家姐 “系咯，去到果边有无朋友！”---我 “过去有咩唔好啫！？而且你哋一有假期就可以翻过广州啦！”---妈 “老豆啊！我哋唔想过去啊！”---家姐 “你哋都系过去几年啫，几年好快过！听话啦，好无？”---爸 “爸爸！点解就要我哋三个过去！细妹呢！？”---子建 “子珊E家太细个喇！等佢到咗12，3岁我都会送佢出去！”---爸 “超，咁啫系无得商量啫！？”---家姐 “有！我系澳洲公民，可以申请25岁以下嘅子女入籍澳洲！你哋可以选择入定唔入！”---爸 “咁叫做咩商量啊？”---欣 “总之你哋过去读几年书无错架喇！”---爸 “老豆！我哋唔想过去啊！”---我 “唔好讲喇！今晚夜喇！有咩听日再讲！”---爸 “超！你哋一D道理都唔讲嘅！我憎死你哋啊！”---家姐讲完就翻咗入房 “子欣！”---妈 “唔好理佢！个衰女E家越嚟越无大无细！”---爸 “哼，今次我哋撑家姐啊！”---我同子建讲完都翻翻入房 “都离晒谱嘅！一个二个都系咁！”---爸 “算啦阿俊，过两日再同佢哋倾啦！俾时间佢哋考虑下！”---妈 “嗯，好啦！”---爸

第十一集 “个傻女已经三日无食过嘢喇！”---妈 “……子良同子建呢？佢哋都未食过嘢？”---爸 “好在，E两个仔都无继续斗气！今日我已经渌咗D面俾佢哋食！”---妈 “子良同子建E家喺边？”---爸 “子建去咗瞓觉！子良就喺房睇书！”---妈 “好，我去揾揾子良先！”---爸 “你都系劝下个女食D嘢先啦！”---妈 “嗯，我知喇！不过我想先听听子良嘅惗法！而且我想叫佢帮我劝一劝子欣！”---爸 “个衰女包鬼死咁硬颈，真系难搞！”---妈 “见到佢就好似见翻以前嘅我咁！”---爸 “两夫女都一担担嘅！”---妈 “好喇！我佢揾揾子良！你叫工人帮手住定D嘢！我等阵亲自送上去俾个傻女！”---爸 “唔洗喇！你都亲自送餐！咁就等我亲自下厨喇！”---妈 “OK！”---爸 爸爸去到我间房 “子良！”---爸 “……”---我坐喺张床唔理爸爸 “良仔，仲嬲紧爸爸啊？对唔住啊！果日我讲说话语气重咗D！”---爸 “……”---我继续唔答佢 “你点样嬲爸爸都好，唔好攞自己身体校飞（校飞：开玩笑）！”---爸 “爸爸，点解我哋一定要出去读书啫！”---良 “因为我想俾次机会你哋磨练下自己！几年时间啫！好快就过！听爸爸话！最多爸爸应承你！一有假期就会帮你哋订定机票飞翻嚟！”---爸行过我张床，摸一摸我个头 “但系……我中意E度，我唔舍得D朋友！”---我 “良仔，做朋友系做一世嘅！真正嘅朋友唔会因为分离而失去嘅！爸爸都系一个好重友情嘅人，当然唔会叫你放弃朋友！”---爸 “爸爸，咁你一定要应承我，一有假期就会带我翻广州！”---我 “知道喇！其实试问下，爸爸又可尝舍得一下子同你哋三个分开吖！我都好想将你哋留喺身边！但我更希望你哋可以更好咁成长！所以惟有将感情收埋先！”---爸 “嗯！爸爸，知道喇！但我想喺我走之前，要同班朋友聚一下先！”---我 “好！E样无问题！子良，不过你姐姐到E家都未食过嘢！你同我过去姐姐间房叫一叫佢！平时你哋两个无所不谈！佢一定会听你讲！”---爸 ……

第十二集 “子欣，开门吖！系我啊！”---爸 “走啊！我唔想见到你哋！”---姐 “你唔想见到我哋唔紧要，不过你出嚟食D嘢先啦！你再唔食D嘢唔得架，女！”---妈 “出嚟啦！爸爸攞咗D面俾你食！”---爸 “走！走啊！”---姐 “家姐，你唔好咁啦！你开门慢慢倾啦！”---我 “哦，子良！你都出卖我！”---姐 “家姐，唔系啊！你听我讲先啦！”---我 “好啊你！走，一个二个都走啊！”---姐 “哼，正一刁蛮女！唔好理佢喇！佢唔食就罢啦！”---爸 “阿俊，你唔好嬲住先啦！我哋再劝下佢！”---妈 “欣啊！你听妈咪讲啦！我知道你唔舍得走！妈咪又可尝舍得你离开我身边呢！不过唔通你想一世都留喺我同爹哋身边咩？咁样永远你都长唔得大，永远都系细路女！”---妈 “家姐，点都好啦！你出嚟食D嘢先！”---我 “欣欣！爸爸唔再逼你喇！你食D嘢先！有咩大家三口六面再商量下！我哋系一家人嚟嘅！”---爸 “家姐！你应下我吖，家姐！”---我 “喂，唔对路喔！欣欣，开门啊！欣欣！”---爸 “无人应喔！唔通佢饿晕咗？”---妈 “阿恩，点都好！佢饿咗三日！你去叫医生！子良，你攞住碗面先！我攞条备用匙开门睇下佢！”---爸 1分钟后，爸爸用备用匙开咗门 家姐就坐喺自己张床喺度喊！ “家姐，你点啊！？”---我 “子欣！”---爸爸走近家姐将床，揽实家姐 “爹哋！”---姐 “傻女！做咩咁傻唔食嘢啊！你嬲爸爸都唔可以伤害自己身体！”---爸 “爹哋！我好唔舍得，我唔舍得离开啊！”---姐 “家姐！你知唔知爸爸同我讲咗咩！我决定听爸爸话！？爸爸话‘做朋友系做一世嘅！真正嘅朋友唔会因为分离而失去嘅！’，佢讲完E句话，我就惗通咗喇！”---我 “欣欣，嚟啦！食D嘢先！我喂你！”---爸爸，我将碗面递俾爸爸 “嗯！”---姐 家姐睇嚟饿到极点，一分钟都唔够就食晒碗面！ “子良，子欣！其实今次我都有同容叔叔佢哋商量过！如果唔出意外！定国啊，芷君啊，舒铃啊！都会一齐过去！有伴啦！”---爸 讲到E度！爸爸埯住腹部！表情有D痛苦！ “我去食D药先！个胃又痛喇！”---爸 “阿俊，医生嚟喇！”---妈 “哦，袁医生，你好！你帮我睇睇个女先！”---爸 “无问题！系呢，蒋生，最近有无准时食药啊！”---医生 “系啊，我E家正准备食药！”---爸 “唔得哦你咁样！D药饭后食！E家都成十点钟咯！”---医生 “哦，好啊！多谢你关心！”---爸 “你食少少嘢先食啦D药！空肚食对身体唔好！”---医生 “好！喂，唔好讲我喇！你帮手睇下个衰女有无咩问题！”---爸 “好，蒋太已经讲咗简单情况，我帮佢检查下先！”---医生

第十三集 两日后，学校操场 “阿君，你妈妈有无同你哋提起过啊？”---我 “关于咩？出去读书？”---君 “系啊！”---我 “有！蒋叔叔都同你哋讲咗喇？”---君 “嗯！你决定咗点样未？”---我 “嗯，我决定咗听妈咪话！出去住几年！”---君 “咁就好喇！多个人一齐！”---我 “哦，你都决定好喇？”---君 “系啊！本来都唔舍得！仲同爹哋佢吵交！不过后尾都系下定决心去！”---我 E个时候，见到家姐佢哋都落嚟操场喇！ “容浩然，正衰人！搞到我俾老师闹！”---姐 “对唔住咯！”---然 “算啦！你哋一人少句啦！”---谢惠 “阿惠！佢E种人唔闹唔得！”---姐 “欣，算啦！阿然都唔想嘅！”---王秀雯 “阿君！我哋去饭堂买嘢食咯！佢哋又有排吵！”---我 “细佬！你唔帮家姐喇！你家姐俾E个衰人连累！”---姐 “唉！算啦！估都估到发生咩事啦！”---我 “E个衰人上课攞咗我D数学功课去抄！俾老师发现咗！搞到连我都俾人闹埋！”---姐 “我都唔想架！如果我无功课交！老师揾我阿妈倾计，咁我就死梗喇！”---然 “唉，阿欣！你同阿然迟D就要走喇！以后无咗你哋两个！好唔惯！”---谢惠扯开话题！费事佢哋两个再吵！ “阿惠！唔好咁讲啦！我一有时间就会俾电话你倾下计！”---姐 “系咯，阿惠！我都知道个班原先都无咩靓仔架喇！E家连班草我都走埋！你哋班女仔系伤心D架喇！不过唔紧要！我会同你哋保持联络架喇！”---然 “你行开啦！懒醒！”---姐 “系咯！我挂住阿欣多过你啊！”---惠 “有无搞错啊！咁大个笑话你都讲咗出嚟，仲要你自己居然唔笑！”---然 “欣姐姐！不如去饭堂买D嘢食！”---君 “好啊！行啦咁！”---姐 阿君同我讲买同一句说话，家姐竟然答应咗！ 唉~~~无计啦！我哋屋K个个都好锡阿君！爸爸啦，妈咪啦！家姐都系！

第十四集 饭堂！ “阿欣！你又落嚟买嘢啊？想食咩啊？我帮你买吖！”---符智鹏（我家姐嘅同学） “哦！咁唔该晒你！我想要份猪肠粉！”---姐 唉，家姐平时咁巴辣！竟然都有唔少男仔出其左右！真系600智商都惗唔明！ “得！好快有得食！”---鹏 “我哋揾张台坐下先啦咁！坐果边啦不如！”---姐 “你点话点好啦！”---我 “唉，等阵连续两堂语文课！真系烦！最憎上语文！”---谢惠 “系咯，唉~~~仲要连堂！”---王秀雯 3分钟后 “阿欣，有得食喇！我照旧帮你加咗甜酱喇！”---鹏 “唔该晒！你都坐吖！一齐倾下计！”---姐 “阿欣，听讲你迟D要出国读书喔！”---鹏 “系啊，去澳洲啊！好远架！坐飞机都有排坐！”---浩然抢住答 “哦，阿欣！唔怕！我迟D可能会过去果边读书！到时又见到你！”---鹏 “澳洲好大嘅！无咩缘分真系几难见得到！”---然 “你做乜嘢啫！我都未答阿鹏，你就抢住答！”---姐 “无乜嘢！”---然 “家姐！算啦！”---我 “阿欣！星期六一齐出去玩吖！”---鹏 “喔！好啊！去边度啊！”---姐 “哈哈~~~包你未试过！我今晚打电话俾你再倾吖！我E家要去帮老师做嘢！”---鹏 “好吖！咁今晚再倾啦！”---姐 鹏走后 “阿鹏好似有D心你喔！”---惠 “…唔知呢！”---家姐喺度偷笑 “超，一睇条粉肠就唔系好人啦！”---然 “唔好咁话人啦！”---惠 “无端端帮阿欣买嘢，跟住就约阿欣去玩！就好似交易咁！一睇就知道佢系奸仔啦！”---然 “人哋又无得罪你！你做咩咁话人啫！”---姐 “我…我惊你俾人扼咋！”---然

第十五集 星期六 “二哥，有电话揾你！系浩然哥哥！”---子珊 “OK！你帮我转条线入我房！”---我 “哦……得喇！转咗喇！”---子珊 “OK，唔该晒！”---我 “喂，浩然？咩事干啊？”---我 “无乜嘢……喂！我送套三角洲（Online Game）嘅装备俾你吖！你过一过我屋企！”---然 “咁麻烦！你E家上网俾我就得啦！”---我 “过嚟啦！好近啫！”---然，我哋屋K同阿然屋K好近，步行10分钟左右 “咁我食埋中午先过你度啦！”---我 “过我度食啦！叫埋阿欣，我叫工人整咗蜜汁鸡翼！”---然 “家姐出咗去喔！”---我 “……佢唔系真系俾个衰仔鹏昆Q咗出去嘛！”---然 “正是！”---我 “我顶啊！”---然 “算啦！我等阵过你度再讲啦！”---我 下昼，阿然屋K “容叔叔，日爱姨你哋好！打搞晒喇！”---我 “乖，良仔！食咗饭未啊？”---容叔叔 “食咗喇！”---我 “良仔，又高咗喔！”---日爱姨 “喂，阿良！嚟咗喇！上我房先讲！”---然 “容叔叔，咁我去揾阿然喇！”---我 “好吖，你哋慢慢倾！浩然，斟杯汽水俾阿良啦！唔好得个企喺度！”---容叔叔 浩然间房 “点啊？其实你系咪对我家姐有意思啫！”---我 “顶你啊！讲咁大声，因间俾老豆听到我就系咁大喇！”---然 “唉~~~你中意我家姐D咩啫！？佢咁鬼死恶，有时我都顶佢唔顺！”---我 “唉~~~点讲呢？总之同你家姐倾计果阵，我觉得好开心！我同佢基本上咩都可以倾……”---然 “所以你就比较在意佢咯？”---我 “……总之同阿欣一齐果阵，我觉得好舒服！就咁简单！”---然 “咁复杂架！”---我 “你家姐真系同佢出咗去？”---然 “系啊！”---我 “嗱，我送多几套装备俾你！你帮下我拖！”---然 “超~~~，点帮啫！？”---我

第十六集 “ED嘢好难帮架！加上，你同家姐都系14岁！老豆同容叔叔都唔赞成你哋E家咁快就拍拖啦！”---我 “所以咪烦咯！”---然 “你烦咩啫！唔好咁烦啦！俾咗D装备我，你再慢慢烦啦！”---我 “顶你啊！你有无人性架！”---然 “讲下笑啫！不过讲真吖！我觉得我家姐未必会中意你E类型咯！”---我 “唔系挂？咁烦？”---然 “我家姐虽然唔系一定要选靓仔！我家姐虽然俾人感觉好刚强，其实内里都系一个柔弱嘅女仔！”---我 “真系嘅！”---然 “上次因为出国嘅事，家姐同爸爸吵交！家姐几日都无食过嘢，最后爸爸喂佢食面果阵，表现得好矫柔！所以我觉得家姐会中意一个可以帮佢出到主意嘅男仔！”---我 “……唉！”---然 “不过你放心啦！家姐只不过当阿鹏系朋友！”---我 “系啦，俾埋D装备你先啦！”---然 “哈哈~~~”---我 “你唔好同其他人讲今日我哋嘅说话喔！”---然 “得喇！不过呢，如果你真系中意我家姐，你就要俾D耐性同心机喇！”---我 “嗯，我会努力，俾阿欣认识真正嘅我！”---然 “呵呵……好有斗志喔！”---我 “梗系啦！我喔，我系边个啊？容浩然喔！”---然 “得喇得喇！你ED嘢留翻同我家姐讲！我收咗你D装备先！”---我

第十七集 当日晚上，我入咗去家姐间房，两姐弟倾下计！ “家姐，今日玩得好开心啦！”---我 “哈哈，你知唔知啊！今日阿鹏几搞笑啊！佢啊……”---家姐 “哦，E个公仔佢送俾你架？”---我 “系啊！得唔得意啊？”---家姐 “系喇，家姐！抽阵机啦！”---我 “哦，好吖！不过等我冲过凉先！我都好耐无玩过三角洲喇！”---家姐 “OK，咁你去冲凉先啦！我去问下子建同子珊玩唔玩！”---我 “佢两个咁烂玩，梗会一齐啦！”---家姐 “哈哈~~~睇嚟我嚟得唔系时候喇，你哋两个倾得咁开心！”---爸爸经过家姐间房，听到我哋倾计，就入嚟‘偷听’！ “嗲哋！”---我，家姐 “欣欣，今日同同学出街，开唔开心啊！？”---爸 “今日我买咗好多嘢啊！嗲哋你睇下E只公仔得唔得意啊！”---家姐 “哇，咁大只啊！”---爸 “系啊！可以揽住瞓觉喔！”---家姐 “阿俊，有电话揾你！”---妈都入埋嚟 “哦！唔该！”---爸 “喂，边位？哦，系啊，陈生啊！哦，后日下昼？无问题！OK，OK！嗯，后日见……”---爸 “阿俊，后日下昼你要去医院检查喔！”---妈 “啊？系咩？我唔记得咗！无计啦！惟有同袁医生讲声，叫佢改大后日早上检查啦！”---爸 近几年，爸爸嘅身体比以前弱咗好多！精神状态都比以前差，佢已经步入中年了，但工作量就无减少过！ 因此不断有好多小病缠身！有时妈妈都话可以分担一D工作，等爸爸可以多D休息！ 不过爸爸反而叫妈妈休息多D！公司D事就交俾佢就得！ “子欣，你要玩GAME就去冲凉先！冲完凉再玩，不过唔好玩得咁夜啊！”---爸 “哦，知道喇！”---家姐 家姐去咗冲凉之后！ “子良，去一去书房！我哋两仔爷倾下计！”---爸 “哦！”---我

第十八集 书房中！ “爸爸细个果阵，最中意睇三国演义喇！”---爸 “我都好中意，之前你买俾我果套三国演义我已经睇咗几次喇！”---我 “哈哈~~~你讲嘅说话，三十几年前我同你爷爷都讲过一次！不过今日，我唔打算了解你对三国嘅睇法，以后有机会我一定会考下你，你自己再消化一下三国啦！今日我同你倾下你去澳洲读书果件事！”---爸 “哦，我同家姐，子建三个已经决定咗去澳洲！”---我 “嗯，良仔……你哋会有一段时间唔喺我身边，我真系有D唔舍得！不过……良仔，认真咁接受E次异国之旅啦！E个挑战能够磨练你哋好多嘢！”---爸 “爸爸，我知道喇！”---我 “你系我嘅长子，所以今次我想交一个任务俾你！”---爸 “咩任务？”---我 “子欣系女仔，子建又比较细！所以今次你要照顾好细佬，协助你家姐打理好一切！”---爸 “子良，其实你具有领袖气质，只不过有时你比较依赖子欣！不过子欣个傻女有时太硬颈喇，所以好多时候，你要提点下佢，帮下佢！”---爸 “我知道喇，我一定会照顾好细佬，并且会帮家姐手打理一切！”---我 “嗯，记住一句话！要独当一面！子欣E家算系合格喇！所以今次爸爸就出E条考试题俾你，睇下你可唔可以合格！迟D就到子建去做喇！要独当一面，子良！我相信你一定能够做到！”---爸 “爸爸！多谢你！我一定会做到！”---我 “良仔啊！爸爸好唔舍得你哋走！”---爸爸轻轻抱一抱我，好温柔，好温暖！ “爸爸……”---我 “到时候我会先同你哋过去澳洲！帮你哋打点好一切，我再翻嚟广州！”---爸 “爸爸！你会唔会过去睇我哋啊！？”---我 “会，一定会！而且你哋一有长假期，我就会接你哋翻嚟！”---爸 “勾手指尾吖！”---我 “好，勾手指尾啦！”---爸

第十九集 “表姐，你嚟咗啊？”---家姐 “系啊，子欣！好耐无见你啦，大个女咯喔！”---关子月（表姐，19岁） “子月啊！今晚留喺度食饭吖！”---爸 “好啊好啊~~~又可以同表姐玩咯！”---子珊 “哈哈~~~子珊都喺度喔！”---子月 “咁你推唔到啦！众望所归，要你留低！”---爸 “哈哈~~~舅父，推唔到啦！咁今晚打搞晒！”---子月 “最近你爸爸妈妈点啊？”---爸 “一切几好啦！有心喇！”---子月 “表姐，表哥过唔过嚟啊？”---我 “子锋（关子锋）个衰仔本来同我一齐嘅，后尾有个女仔打电话俾佢！跟住就走咗，话夜D再同爸爸妈妈一齐过嚟！”---子月 “喔，拍拖咯喔！”---爸 “唉，个衰仔无鬼用架！”---子月 “哈哈~~~子月，唔好讲咁多喇，食D嘢先啦！你应该都肚饿喇！”---妈 “好啊，多谢舅母！”---子月 “子月！你都大个女咯！不如过嚟帮我手吖！我年纪大喇！唔够你哋D后生仔嚟喇！”---爸 “舅父，你E家仲好后生啫！我睇你个样，以为你28岁左右咋！”---子月 “吖，你把口吖！口甜舌滑！”---爸 “表姐，我哋出去行下街！”---子欣 “好啊！”---子月 “子月，麻烦你咯，E几个百厌星唔少嘢架！”---爸 “舅父，放心啦！”---子月 “我先唔系百厌星啊！”---子珊 “哈哈哈~~~”---爸，妈

第二十集 当日稍后时分，我间房！ “子良，点解唔同子月佢哋一齐出去嘅？”---爸 “无啊！无咩嘢！”---我马上收埋本三国演义 “哈哈~~~唔洗收埋喇！子良，睇三国系好事啊！”---爸 “嗯，我觉得张辽E个人好犀利，忠勇、睿智！”---我 “哦！张辽喺果个时代，系数一数二嘅大将！但佢又同关羽、张飞有D区别！”---爸 “……？咩区别啊？”---我 “三国演义系一部小说，其真实程度有待考究！但既然我哋睇嘅系E本书，就讨论E本书嘅范围啦！E本书嘅作者罗贯中喺写E本书嘅时候，比较倾向于蜀国，魏国喺E本书就系反派角色，而吴国只不过系平衡E两个国家嘅一股势力（演义中，有关吴国的叙述的确比其他两国少很多），E个系好多人都会认同嘅！张辽系罗贯中笔下受到很高评价的魏国武将，其能力可见一斑！而罗贯中笔下嘅关羽，张飞，吕布等人！系万夫莫敌嘅人物！”---爸 “张辽都系啊！演义中写到佢武勇过人！”---我 “哈哈~~~无错吖！演义中系咁样写到！不过，E个就系佢同关羽等人不同之处！大家都被评为勇将，但关羽更多系表现喺武勇方面上，小说中记载佢温酒斩华雄，三英战吕布，千里走单骑（过五关，斩六将），斩颜良灭文丑，拖刀败黄忠等等！都系武勇嘅表现，其战场上嘅智慧可称得上奇人！但张辽就好少武将之间嘅大战！佢嘅能力表现喺用兵方面，八百精兵合肥破孙权，须濡口合众抗孙权等等！都表现佢出色嘅军事指挥能力！”---爸 “哦，系喔！我都无惗到ED！”---我 “张辽系一个能得嘅大将啊！当时吴国俾张辽打败之后，D细路仔听到张文远（张辽）三个字，个个都唔敢再百厌喇！”---爸 “哈哈~~~”---我 “阿良……，都系算啦！你仲细！迟D再同你讲得深入D啦！既然你无同子月佢哋去玩，不如同我捉翻盘棋！”---爸 “哦，好啊！”---我

第二十一集（本章节第一人称“我”暂时转换为杨芷君） “妈咪，我跑完步翻嚟喇！”---自从6岁开始，我妈咪就要我日日朝早都去跑步！而且路程逐年增加，E家佢要求我每日跑3000米！而星期日就教我练柔道，真系好辛苦啊！ “哦，抹下D汗，然后食早餐啦！”---妈 “妈咪！跑三千米好攰啊！可唔可以跑2000米啊？”---我 “锻炼身体嘛！而且我觉得你一直都做得好好，唔好咁易放弃！”---妈 “哦，我知道喇！”---我 “系喇，下昼我约咗美君姨去饮茶，舒铃都去，你都一齐去吖！咁下昼嘅柔道课程就取消啦！”---妈 “好嘢，终于可以去玩咯！”---我 周舒铃，细我两个月，虽然我同佢唔同一间学校，不过因为妈妈同美君姨好Friend，所以我同舒铃都成日可以见面，感情好好！ 而且，佢系周叔叔同美君姨个女喔！梗系有翻咁上下啦，所以好多时都会互相切磋下功夫！ 不过我同舒铃都无话俾其他人知我哋一直都有练功，因为我始终觉得女仔唔应该打打杀杀，所以唔想讲！ 唉，不过我妈妈又好想我学嚟防身！ “傻女，唔好食咁急啦！难消化啊，慢慢食！”---妈 “跑完步好肚饿喔！”---我 “哈哈~~~慢慢食啦！唔洗急！”---妈妈摸一摸我个头，我最中意妈妈摸我个头，我觉得好温暖！ 我未出世就无咗爸爸，由妈妈一手一脚凑大我！真系好辛苦！ 妈妈，我E世人最中意你！所以妈妈嘅每一句说话，每一个要求，我都会努力做到最好！ 我以后一定要报答翻妈妈你！ “妈咪，我食饱喇，我去洗碗！”---我 “食完嘢，坐下先啦，饮杯水，消化下先！”---妈 “喔！”---我 “你上次考试攞到95分，所以我买咗D嘢送俾你，你等一阵，我攞出嚟！”---妈 “多谢妈咪，系咩嚟架！？”---我 过咗一阵！ “你部电脑旧喇，我买咗部新手提电脑俾你！”---妈 “哇，多谢妈咪！我想买新机好耐喇！”---我 “傻女，妈咪应承过你咖嘛！下次如果你再考到95分以上，妈咪带你去日本旅行！”---妈 “好啊！不过，下次考试可能已经喺澳洲喇！”---我 “系喔！咁啦，从下星期开始，星期六你要补习下D英文！我答应你，你去澳洲之前我带你去日本旅行！好无！”---妈 “哦，好啦！”---我 “对唔住啊，芷君！以后星期六你要辛苦D喇！”---妈 “唔怕，有得去旅行就唔怕喇！”---我 “正衰女！”---妈妈再一次摸一摸我个头 ……

第二十三集 “家姐，你喺度做咩啊？”---我 “跑步咯，你睇唔到咩！”---家姐 “我意思系问你为咩跑步？”---我 “减肥啊！喂，陪我一齐跑！”---家姐 “咪搞，我都系去游水好过，无咁热！”---我 “D水好冻啊，跑步啦陪我！”---家姐 “你慢慢啦，我去后面游水喇！”---我 “吖~~~你个衰仔吖！”---家姐 “啊~~~”---子建 “子建！有无搞错啊？E家先起身！”---家姐 “……系啊，琴晚睇书夜咗！”---子建 “扼人啦，琴晚我听见你个房好夜都有键盘声！”---家姐 “咩啫~~~”---子建 “好喇好喇，唔好吵喇，过嚟食早餐先啦！子良，唔好落水住喇，食完抖一阵再游水啦！”---妈 “一个二个都咁迟先起身，唔好话人喇，子欣！”---爸 “咩啊，次次都系我最早啊，嗲哋！”---家姐 “得啦，你最醒喇！”---我 “子珊呢？”---妈 “我去叫佢啦！”---我 “好吖，顺便洗手啊！”---爸 “哦，知道喇！”---我 我哋经过几日吵吵闹闹之后，一切又回复正常喇，E家无人再提起话唔去澳洲之类嘅话！ 大家都接受咗！都知道唔应该逃避！

第二十四集 半年后，所有手续都办好晒喇！ 系时候出发喇！今日爸爸车我哋三个去机场，而佢都会同埋我哋过去！ 佢话帮我哋安顿好晒先翻广州！ “阿嘉，永远都系你最早到！”---爸爸，韵姨姨已经到咗机场喇！ “预松D时间无咁赶嘛！”---韵嘉姨 “点啊，有无唔舍得个女啊？”---爸 “阿君都系时候锻炼下喇，唔可以成日依赖我！”---韵嘉姨 “美君姨喔！”---我 “老周无一齐嘅！？”---爸 “系啊，佢今日有D事！”---美君姨 “舒铃，好耐无见啊！”---家姐 “阿欣！真系都几耐喇！以后我哋一齐住，好开心啊！”---舒铃 “衰女，唔好挂住倾，叫人啦！”---美君姨 “蒋叔叔，韵嘉姨，你哋好！”---舒铃 “得啦，阿君，话个女啦！你睇舒铃几乖，我个衰女包似得佢一半都好喇！”---爸 “家姐，话紧你喔！”---子建 “爹哋，我无唔乖喔！”---家姐 “哈哈~~~子欣最乖！”---美君姨 “多谢美君姨！”---家姐 “喔，阿进部车喔！”---爸 容叔叔一落车，又开始闹浩然！ “你个衰仔你话，琴日叫你早D瞓，你就话得喇得喇！今日铲极都唔起身！”---进叔叔 “好喇，阿进！咁好火做咩吖！饮凉茶啦等阵同你！”---爸 “阿豪，你唔洗帮浩然讲说话，阿进话得啱架！”---日爱姨 “咪就系咯，成日都无D时间观念！”---进叔叔 “好喇好喇！行啦！定国已经帮我攞咗D随机行里去喇！你哋都快D啦！”---爸 “嗯，咁行啦！”---进叔叔 “定国今次跟埋我过去，咁我就可以偷下懒啦！不过E边就辛苦你哋几位喇！”---爸 “得啦，你放心！”---进叔叔