..

太阳报从旁协助提升演技胡杏儿感激宗告27/01/2008文： 陈专、雪琪论老公，俗世中不知边个好！胡杏儿与黄宗泽在「野蛮奶奶」系列中两度拉埋天窗，杏儿踢爆他虽野蛮到连切洋葱也要规管，但仍大赞对方经常在身边细心提点！而黄宗泽则坦言杏儿非常勤力，是心目中的大蓝筹，彷佛已表明心迹：愿意渣过世！与黄宗泽两度合演夫妻的胡杏儿，在她的心目中，究竟如何评价这位黄金拍档？她说：「黄宗泽其实都野蛮架！试过有一次我请佢上我屋企煮嘢食，佢主力负责煮，咁我咪问佢有冇嘢可以帮手？佢好唔情愿咁叫我去切洋葱，於是我咪拎起个洋葱切罗！点知佢粒声唔出企喺我隔篱，个表情仲好明显系嫌你切得唔好。切洋葱咋！使唔使咁讲究？虽然我好欣赏男仔识煮嘢食，但佢对煮食真系好高要求，拍埋佢度真系无地自容。不过，佢又唔系每方面都系咁，我哋拍剧嗰时佢都喺侧边睇住，但系我知道佢系帮眼，怕我喺演绎上会重复，令观众觉得冇新意。佢畀咗好多意见我，呢种帮忙心态，我只有喺啲前辈身上感受过。」 要求高压力大能够为对方的野蛮寻找解释的理由，足见杏儿与黄宗泽之间，早已建立出深厚感情，但她却害怕被外间从此定型：「依家个剧上紧，要经常一Pair咁出席宣传，我觉得OK，但如果唔系宣传个剧，我就想同其他男演员合作吓！我好怕重复自己，拍咗一段时间喜剧，都想抖一抖改变吓戏路，例如想演啲成熟啲嘅角色。其实今次再拍我一直都好紧张，对自己要求高咗、压力好大，怕外界对第二辑失望，所以我用咗好多时间去谂应该点演。如果要同《肥田囍事》比较，系两种唔同压力，嗰次只系怕唔够肥，其他嘢都冇谂，但今次我唔想打烂招牌，好在依家反应都唔错，有时都会谂『唔知会唔会开第三辑？』我谂吸收咗第二辑嘅经验，到时我会识点处理压力，所以我唔想重复，唯独拍《野蛮奶奶》例外。」 08’再闯乐坛近年无线积极开拓旗下艺人歌唱市场，誓在乐坛分一杯羹。杏儿早前一曲《幸而》初试啼声，她说：「演戏同唱歌我都钟意，希望公司会畀机会我唱主题曲，亦希望观众会钟意。」 缘自《云霄》．《野蛮》升华02年　胡杏儿与刚上位的黄宗泽因一套《冲上云霄》而结缘，两人在札幌拍摄外景期间，经常结伴四出「搵食」，因而种下美味情缘。04年　杏儿与宗泽在《我的野蛮奶奶》中合演一对情人兼夫妇，即传出戏假情真，秘密挞著，两人更不避嫌地手拖手出席台庆，完全与热恋期的男女无异。06年　黄宗泽被指录影《游戏天王》时狂捽陈法拉的膊头，同年杏儿与宗泽传出分手，但其后两人偕黄母三人行到眼镜铺买黑超。07年　黄宗泽出席胡杏儿家姐的送嫁派对，更在胡家过夜。同年两人被安排拍摄婚纱广告，甜蜜之情，溢於言表。08年 两人被指拍摄《野蛮奶奶大战戈师奶》时，自度多场调情戏，合作纯熟，更奉旨烟韧谷宣传，最近又传出二人计划筑爱巢。你想拍档郑嘉颖　嘉颖畀人一种好斯文嘅感觉，其实佢私底下好Funny，我哋识咗咁耐，但从未合作过，所以都想试吓！林保怡　保怡演技好好，好欣赏佢嘅演绎技巧。佢演戏畀观众一种好自然嘅感觉，所以好希望合作。黄宗泽　宗泽除咗做口靓仔角色，做《溏心风暴》嘅成熟角色都好好，有机会希望同「成熟」嘅宗泽合作。 后记：天使与魔鬼犹记得杏儿去年以「天使与魔鬼」Look拍摄纤体广告，短裙、蛇腰，风情万种。如今剪了一头短发的杏儿，虽卸下了蜜糖外表，换上了飒爽硬朗，但镜头前每个动作、眼神，仍流露出丝丝女人味。女人绝对有权对男人野蛮—只要她们具备「天使与魔鬼」式的两极诱惑。========================================

你想拍档 郑嘉颖　嘉颖畀人一种好斯文嘅感觉，其实佢私底下好Funny，我哋识咗咁耐，但从未合作过，所以都想试吓！ 林保怡　保怡演技好好，好欣赏佢嘅演绎技巧。佢演戏畀观众一种好自然嘅感觉，所以好希望合作。 黄宗泽　宗泽除咗做口靓仔角色，做《溏心风暴》嘅成熟角色都好好，有机会希望同「成熟」嘅宗泽合作。