【女人四十】周汶錡40岁生日
70年代怀旧造型庆生 劲抢镜
周汶錡（Kathy）今日40岁生日，噚晚她同法藉老公Julien Lepeu，仲有成班老友琦琦、伍咏薇、欧阳妙芝、黄佩霞、范姜与钟镇涛等成70个宾客，一齐喺西营盘嘅酒吧搞生日Party。
1974年出世嘅Kathy，就以70年代做Party嘅主题，位位座上客都盛妆出席，场面热闹又搞笑，寿星女就以夸张曲发同白色怀旧长裙造型现身，都几抢眼。
踏入4字头嘅Kathy表示，希望生日最紧要身体健康同开心：「今次party嘅主题系70年代，系我嘅年代，大家着得咁靓，影下相、怀旧吓，好开心。」
佢仲话40岁只系一个数字，个个人都会经历：「最紧要开心，人生系咁，开心就得。」
咁几时同老公造人呀？ Kathy就话努力中：「0依家加油紧，唔急得、亦唔迫得，要冇压力，亦唔好畀我压力，我会努力。」佢透露今日生日，会同家人喺屋企食饭庆祝，妈妈仲会亲自下厨。
至於胞妹周丽淇喺微博贴咗张同家姐合照，佢话：「幸好来得及和我最爱的姐姐庆祝520生日，要永远幸福快乐，我爱你。」

周汶錡女人40 老公劲「滚」(东方日报)
周汶錡（Kathy）前晚举行一个70年代的生日派对，庆祝她踏入40岁之龄。Kathy扮作70年代荷里活女星，甚少扮嘢的老公Julien竟化身摇滚乐歌手，令寿星女心情high爆更瞓身趴上吧枱。
5月20日生日，俗称「我爱你」，每年Kathy生日都会与众同乐，年年举行扮嘢派对。今年踏入40岁的她，前晚在一间怀旧装潢的餐厅举行以70年代为主题的扮嘢派对，原因70年代是她出生的年代，Kathy穿上一袭银色闪片低胸裙，扮作70年代的荷里活明星，她说不少好友均落足心机打扮，差点认不出对方，尤其老公穿开胸恤衫露点扮rock友，令她吓一大跳。
生仔顺其自然
Kathy说：「佢平时唔肯扮嘢，所以佢肯扮已经好惊喜，之前都唔知佢会扮，雪芳（蔡一智
太太
周雪芳）嚟到时，我都认唔到佢，有个朋友扮李小龙，真系笑死我，我老公个妹妹同妹夫都黐晒胡须，好好玩。」其他出席的好友包括名媛薛芷伦、阿B钟镇涛及其女友范姜、艺人伍咏薇与老公练海棠、名模琦琦、黄佩霞和欧阳妙芝等均，蔡一智排练完演唱会后仍赶来派对，令寿星女开心不已。
全晚心情高涨的Kathy，与老公咀个不停，又逐一与来宾抱抱，期间她high到瞓上吧枱。Kathy谓踏入40岁，会继续开心，继续漂亮，笑言开心就会靓，有一班好友陪伴她成长，已感到满足，前晚尽兴回归，昨日正日生日的她则回娘家与妈咪及妹妹周丽淇静静在家中食饭庆祝。问到生日愿望是否想做妈咪，她说：「生仔唔敢讲，顺其自然啦。」

赞