黄子华

1990 娱乐圈血肉史
1991 色情家庭（首场3月14日，新伊馆）
1993 跟住去边度
1994 末世财神
1995 栋笃笑双打之玩无可玩（与张达明合演）
1997 秋前算账（尾场4月13日）
1997 杀出厨房
1998 须根SHOW(与张达明、吴镇宇合演)
1999 拾年栋笃笑之拾下拾下
2000 须根SHOW2 (与张达明、吴镇宇合演)
2003 冇炭用
2006 儿童不宜
2007 越大镬越快乐
2009 哗众取宠
2010 栋笃笑20年 娱乐圈血肉史 II（首次登上红磡舞台<香港红磡体育馆>）
2012 洗燥（香港红磡体育馆）

李柱明又要讲“我自横刀向天笑”，但系佢会同D洋人嘅记者讲，唯有话“I hold the sword horizontally”。横刀系未咁译架。或者“I hold the sword perpendicularly to the ground, laugh to the sky”

以前各位我系唔相信呢个世界系有真正嘅隐形战机噶，直到我知道机场有D跑道系未用噶。起条跑道咁贵唔用？隐形战机。

廿零岁嘅朋友，呢D凶兆系为你而讲噶，因为！有一日，你地都会买股票，OK？你宜家当然话，我唔会，我毛咁蠢。系，我细个都话，我大个唔会同女仔玩架。系？人人都经历呢个阶段噶，咁大个迷被女仔玩咯？

我笔捞都以为“含家产”系一句好毒嘅粗口，一野都杀晒啦，无论你家族几大，哈哇。但系宜家我先知道有句野，毒过呢句野好多，果个就叫做“负家产”。

（人寿保险从业员）一个备受歧视嘅崇高嘅职业，系未？因为我真系觉得，卖保险，唔系简单噶各位。卖保险系卖紧一份保障，但系呢份保障唔系普通噶保障喔，系一个对人生无常噶保障，即系我要卖得成呢份保险，我首先要你接受到，人生系无常噶，你唔知道下一秒钟会发生乜嘢事噶。基本上卖保险嘅人所讲嘅同释迦牟尼系一模一样噶。大师来架佢地系。个分别系，你信佛就随缘乐助，而佢地就要交年费咁解噶嗻嘛。下一次你面对呢D保险从业员，俾翻一个大师应有嘅尊重俾佢地：大师，我地有缘无分咧。

所以我十年前做左我第一个栋笃笑。。。我讲多次，我十年前我做左我第一个栋笃笑。（观众拍掌）即系我地D香港人拍手掌咧，系差唔多要讲到明咁滞噶。

岩岩想出门口，我收到个电话，好犀利，许冠文打电话俾我。许冠文亲自打电话打到来我屋企俾我。。。你地好似冇乜嘢咁样哈真系，即系许冠文都打电话俾你地咁喔。咁你巴闭嘞。我讲多次，许冠文亲自打电话打到来我屋企俾我！（观众哄笑，拍掌）

有D人话，我信香港架，哇，有毛咁犀利啊，有D仲“我信中国”，哇，系未被逼架你。

所以如果真系有满天嘅神佛，各位，我唔敢去打扰佢地。即佢地睇我就梗好啦，佢唔睇我都唔紧要，最闭系佢原本唔识得我，我去辣着左佢，搵几支香。然后佢就发觉，啊呢条油仔好乞我憎喔。以后逢亲电视大结局我就上佢身，人人有得睇系你毛得睇。

我地只不过系区区一个人，你够胆乱咁信呢D野，即系话你觉得我可以lung得掂呢D神神佛佛。

点解《铁达尼号》咁浪漫，因为铁达尼号呢只大油轮上面，你系呢只大油轮上面，你系乜嘢都唔使做噶，除左谈情。净系谈情，唔使搵食，你话几浪漫。净系唔使搵食都已经浪漫死啊。狄卡比奥，琦温丝莉，一日系只船度，唔使搵食，一日到黑净系等食。所以《铁达尼号》原本有另一个戏名叫做《一段等食的爱情》。“我，等，无牵挂的等，等早餐，等到食晏，到夜晚，认真识叹”。

但系话俾大家听，呢个浪漫系一个极限来噶，就叫做“铁达尼极限”。男性同女性对爱情最大嘅分别系乜嘢，我话俾大家听，男人系爱情里边最重要嘅要求就系“新鲜”，呐唔系卖紧啤酒广告，而女人对爱情最大嘅要求就系“保鲜”，真系好似啤酒广告。我解释清楚D，男人对爱情就要不停咁样搵一D新鲜嘅对象，而女人就要不停咁要求同一个对象保持新鲜。所以你成日听到好多女人同男人讲得最多嘅一句说话系乜嘢？“你对我已经唔系好似以前咁嘞。”系未？每个男人听到都挠头。我识左你两个礼拜到嗻喔，我点样对你唔系好似以前咁啊？唔通我以前识得你我唔记得左？然后又走翻来又识翻你？识得好耐个D又死。阿姐，我识左你成世人，你成世都系度同我讲，我对你唔系好似以前咁，唔通我前一世识得你啊？无可能噶嘛，个喇嘛话左我前一世系张凳来架，仲系一张折凳啊，我唔多同人倾计噶我。各位，究竟D女仔所谓嘅“你对我已经唔系好似以前咁啦”果个“以前”系几时。系几时？呐值回票价啊呢个答案啊OK？就系当你地D男人认为佢地最新鲜果阵时，科学D讲，就系头三日。你沟佢头果72小时。系头果72小时之内，D男人会开含佢浪漫果副turbo，做尽佢余下果一世人都做唔翻嘅行为！佢可以对住个大海教你吐口水。。。但系一过左头呢72小时，呢个男人唔会再觉得呢个女人新鲜，而个女人就会觉得呢条油仔需要保鲜。而《铁达尼号》之所以咁伟大，就系大家都过唔到72小时。根本唔俾机会个男人觉得个女人唔新鲜。浸瓜佢。你见住个男人跌落海，D海水好冻啊，嘀嘀振啊，佢都仲会让个浮板俾个女仔，点解啊，因为佢副turbo仲开紧啊。“唔紧要，你用，我唔冻！你，你咁新鲜。”但系佢更加伟大，系个女人面前浸呢个男人，唔系一般咁浸，系D接近零度嘅冰水来去浸佢，哇，咁样有乜办法唔保鲜。所以好多女性同个男朋友睇完呢套戏，都忍唔住眼湿湿咁出来，系咁望住个男朋友，“哎，你话你死左几好咧真系。”。。。铁达尼极限嘅系话你听，爱情好难过到72小时，除非你有好深厚嘅哲学根基。。。如果你唔知道人生嘅目的，你嘅爱情只不过系精神病嘅一种。。。如果你唔知道人生嘅目的系乜嘢，你嘅爱情过唔到铁达尼极限啊。

特别系一讲到忠实，我就必须忠实咁承认我系毛乜潜能噶。OK我系有D潜能，但系潜能嘅定义就系，潜。我D潜到好深，都唔知有冇。唔会，人都一定有潜能，所谓“天生我才必有用”。喂，一定有嘅潜能就唔叫做潜能啦，就叫做“浮能”啦，或者“冒能”啦，睇到晒啦。“天生我才必有用”呢句野边个讲架？李白讲噶，李白梗系可以咁讲啦，因为佢D唔系潜能啊嘛，佢D直程叫做特异功能，佢唔单只天生我材必有用，佢天生我才俾D你用都得。而我地一般人来讲，所谓嘅潜能，你就真系要潜落去，搵下，自己有毛才能。唔潜一定毛，潜亦都未必有喔。即潜能同寻宝好相似噶喔。。。好啦，当你真系好肯去潜，潜你嘅能，然后你发现，你果只潜能，系唔搵钱噶，咁算系潜能定系无能啊？你以为你好发展紧你嘅潜能，其实你系发展紧你嘅无能。。。你忠实咁发展你嘅潜能，完成到自我，但系你完成唔到墩楼嘅按揭啊。咁为左供满墩楼你点啊。按左个自我咯。系啊，好多人为左供楼、供车、供书教学、供养父母，将个自我按左。系我地呢个社会，只有一类人嘅自我系比较完整噶嗟，就系果D乜嘢都唔使供嘅浪子。唔难搵噶，你去天桥底啊果一带，浪来浪去都系浪翻去果度噶嗟。你点知道果D浪子好有自我，好简单，睇一个行动。佢急尿，佢屙。唔理边度，我急，我屙，我屙故我在！

但是呢个名人唔单只系抢左菲林，仲同佢讲左一段说话。佢同呢个狗仔队话：大家都系年青人，有好多值得调查嘅野等住你去调查，对社会要有建设。哇，呢句野点驳啊？我都捻到如果我系呢个狗仔队嘅记者，你闹我卑鄙无耻下流，我可以俾一个完美无瑕嘅答复俾你：搵食嗟。有乜嘢解答唔到啊系我地呢个社会，系嘛。。。点解我地香港我地拍唔出“X档案”啊，因为，有乜嘢咁不可思议嗟。“啊莫探员，点解佢个样会变成咁架？”“搵食咯。”“唔系喔，唔见左佢几个月喔，系未被外星人love左去啊？”“搵食啊。”“啊莫探员，咁多野唔做你做狗仔队啊？”“犯法啊？”如果我地觉得“搵食啊”都唔足够支撑我地行动，加迷呢句“犯法啊？”，无野解决唔到噶真系。“阿婆你都厄？”“搵食嗟。”“你阿妈来噶喔。”“犯法啊？”“就系犯法！”“搵食嗟。”。。。但系你点捻得到你会撞到个克星，“唉，大家都系年青人。毛同我讲‘搵食嗟’‘犯法啊’呢D野，毛咁睇小自己，点解唔去建设社会呢？”你系未一般人听到都蒙（生气）啊呢句野。建设社会D唔系人同人讲嘅野来噶嘛，D系社会同人讲噶嘛！系政府宣传片先会讲。你叫我建设社会，你不如顺便叫迷我捐血同迷唔好啪丸仔，多D同父母沟通咁啊？啊唔系佢系叫D父母多同仔女沟通。。。你应该同阿李生讲：李生，大家都系年青人，点解你就成日捻住建设社会，而我就成日捻住唔好被呢个社会嘅建设切左我。唔系，更加重要啊李生，你之所以咁中意建设社会，会唔会系因为，你根本可以计得出，呢个社会，有几多分之几系属于你噶？系未啊。。。原来点解我地要建设社会啊各位？搵食嗟。。。即系你每一样野去再捻深一层，啊又好似几合理咁样喔系哇。好简单，你就算落去食饭，个侍仔迷来同你讲，“阿生，食咩啊。”俾碟饭你食，有曱甴噶，然后你话，“喂，你有毛搞错。”佢同你讲：“我想架？”你真系答唔到佢噶喔。系未啊。佢加多句：“果只野（蟑螂），佢想架？”系喔，佢又唔想佢又唔想我又唔想噶喔，解决唔到噶喔呢个世界D问题，哈。人生三大矛盾你明唔明啊，“搵食嗟。”“犯法啊？”“我想架？”点解，有时捻下点解呢个世界咁多矛盾咧各位，我捻，不外乎其实因为我地解决唔到一个最大嘅问题就系，我地唔知自己几时死啊。我觉得如果我地知道自己天日就玩完咧可能一切问题都唔系问题。

但系又系真个喔各位，当你有时生活上你有D迷茫，你唔知点样生活，睇下人地点死，可能对你有启发。

以上，1999《拾下拾下》

表示不认识。。。

http://v.youku.com/v_show/id_XODAxMTI2NTYw.html
黄子华栋笃笑之洗燥FULL VERSION
洗燥 终于出了官方DVD！！！！！！！！！！！！！！！！！！！！！！！！！！！！！！！！！！！！！！！！！！！！！！！！！！！！！！！！！！！！！！！！！！！