level 1
广州死女包
楼主
今次讲「不嬲」呢个词，喺广州话度嘅意思相当於普通话嘅「一向(...都是)」、「从来(...都是)」读音: bat1 [毕] lau1 [瞜]以上呢种写法系唔啱嘅，但系我成日都见人噉写。可能佢哋想写但系又唔识写，於是谂住个「不」字、「嬲」字 同音，於是就写成噉。喺未讲「不嬲」嘅正确写法之前，我重有一样嘢要讲。就系个「嬲」字，呢个字表示普通话嘅「愤怒」系冇错嘅，噉嘅写法并冇问题。但系，个读音就好多人读成「一件褛」个 lau1 [瞜] 。正确嘅读音应该系: nau1 [粒勾切] ，呢个好明显就系懒音嘅问题。大家记住唔好再读错喇！好，而家要开估到底「不嬲」究竟系点写喇。正确嘅写法就系噉: 「不留」读音: bat1 [毕] lau1 [瞜]唔好觉得奇怪，平时「留」呢个字，多数都系读阳平声 lau4 [流]，但系一个字喺唔同嘅词度有可能系读另一个音㗎嘛！ 本文转载自：香港人o既广州话 hkcanton.mysinablog.com
2007年10月05日 10点10分
1
