[苹果报]冯仁昭四围超:旧拍档玩互?5;展鹏浩然争嘉欣BB2013.11.02
钟嘉欣、陈展鹏、黄浩然、唐诗咏同杨思琦,噚日喺将军澳电视广播城为新剧《大药坊》试造型,嘉欣啱啱同展鹏喺《巨轮》饰演情侣,以前又试过同黄浩然做一对,呢一次又话佢会周旋喺展鹏同浩然之间,展鹏话唔担心观众会觉得闷:「今次仲有唐诗咏加入四角恋,我同嘉欣喺尾声先会有感觉。」嘉欣就话觉得呢次角色对佢嚟讲好有难度:「我会有好多药名同中医术语嘅对白,真系12级难度,?3;家收咗5集剧本,惟有靠死背。」思琦剃囡囡头见到嘉欣同展鹏喺合照期间好尴尬,嘉欣即刻耍手兼拧头话:「冇呀!只不过觉得着咗套戏服,觉得自己好高贵箒,我哋喺化妆间都有倾偈。」有传何哲图(Herman)有意将爱将嘉欣捧为星梦一姐,嘉欣话:「我冇听过,一定系流料,Herman一视同仁,冇一姐同小姐之分。」四年冇拍剧嘅杨思琦今次将会做杜燕歌嘅填房,仲会同敖嘉年出轨,问到佢会唔会有突破演出?佢话:「只要出得街嘅电视尺度都会拍,如果担心太多乜都唔使拍。总之今次有份拍剧好开心!」佢仲主动讲囡囡嘅头发太稀薄,趁天气未冻帮佢剃光头,希望新生嘅头发可以浓密啲!」


■潘志文话自己戏瘾大,所以同无线合作演出新剧。另外,十几年冇返无线嘅潘志文,今次被邀请演出,佢笑话自己戏瘾大,所以今次同无线部头形式合作,但系同亚视关系好好嘅潘翁,唔知迟啲会唔会帮亚视拍剧?佢话:「一定有机会,呢个世界系圆,我做咗呢行几十年,个个都系朋友。」撰文:冯仁昭I