【0526】无线「利」诱甘草回巢骆应钧冷对黎彼得：直头讨厌 - tvb吧

level 14

peter1921 楼主

艾威、黎彼得、石修同骆应钧，都冷对无线「利」诱回巢。

2013年05月25日 22点05分 1

level 14

peter1921 楼主

无线「利」诱甘草回巢骆应钧冷对黎彼得：直头讨厌
(苹果即时 2013-05-25 19:47:00)

艾威、黎彼得、石修同骆应钧，都冷对无线「利」诱回巢。
日前无线大晒冷影全台大合照，人就多，但「星」势弱。小生花旦冇几个，就连甘草绿叶亦少之又少，得番大批青黄不接但面目模糊的年轻男女。难怪当日就连无线高层都放声气，露口风话希望已离巢员工可以好似剧集《爱‧回家》咁返来，更出动大围福利……剧本准备咗八成先开剧；每日演员都有八小时休息；设投诉机制，欢迎员工提出意见。加人工？冇提。所以条题呢个「利」，系福利个利，唔系指人工呀。
无线摆明好等人用，同时亦不断搵有线、亚视外援，咁已离巢嗰批珍宝，特别系绿叶，无线更想佢哋返来。就算演技再精湛如韩马利都好，日日睇，都会觉得闷。咁，一众已转投王维基香港电视嘅艺人，返唔返去先？未有牌喎!
今日就有报道访问咗几个由无线跳糟去咗HKTV嘅演员点睇无线今次高调「视好」，艾威话:「香港电视开工前有十成剧本啦，仲有足够时间休息。我同香港电视仲有一年约，本来我嘅合约都可以拍无线剧，同无线仲有联络，但个人立场唔赞成垄断局面。」
骆应钧就劈头话：「都厌厌地听到嗰边啲新闻，所以冇嘢讲。」黎彼得就话：「我同香港电视仲有两年约，搵我都冇用。无线几十年嚟都系由朝早零六拍到凌晨四点，依家容许演员有九小时休息？今日话有得休，下个月可能又改。」
讲讲吓，黎彼得直头火都嚟埋…「我离开呢间电视台，都唔止系失望咁简单，而系讨厌嘅地步。依家先至改演员福利，迟晒啦。」
石修就话:「虽然我依家叠住两个剧一齐拍，但时间安排得好好，都有足够时间休息，因为佢哋唔想令演员喺冇状态之下开工。而且呢度都有剧本。」明寸无线所谓嘅「改善福利」根本唔系一回事罗。

2013年05月25日 22点05分 2

level 9

只爱林791208

说的好啊

2013年05月25日 22点05分 3

level 14

peter1921 楼主

香港电视剧集想睇多啲要5,000个share
(苹果即时 2013-05-25 19:23:00)

香港电视嘅新剧网上首播第一集片段，反应不俗。
王维基09年申请免费电视牌照，又在翌年大洒金钱挖角，去年正式成立香港电视(HKTV)制作节目，惟港府迟迟未发牌，最近无线又就发牌司法覆核被推翻再上诉。香港电视拍好咗嘅剧集仍出街无期。
不过香港电视今日凌晨就喺YouTube上载黄日华主演嘅《开脑儆探》首集五分几钟片段，呢个另类首播，旨在以民意向政府发牌施加压力。
时光倒流到噚晚十点几，香港电视嘅facebook专页开post讲出首播条件，只要有5,000个likes就上载《开》剧首集片段任睇，估唔到反应好热烈，短短两个几钟已达到要求，五分几钟片段随即喺YouTube出现，唔少观众都有俾意见，有赞有弹之外，仲有详尽分析添！证明观众确实对新免费电视台嘅出现好有期望。
话咁快已储到5,000个likes，《开脑儆探》首集五分几钟片段已经上咗。今日，香港电视再食过番寻味，话只要稍后喺专页再收集到5,000个share，就会再放第二部剧，哗，香港人想要新嘢就唔好俾佢停喇！
不过都有网民对新剧有保留，认为拍摄技巧都系照抄美国剧集，话系因为香港观众已经被TVB垄断得太耐，所以先会觉得好新鲜，又话发新牌嘅最终目的，唔系要TVB执笠，而系可以令观众有更多选择之余，同时激发电视台之间嘅良性竞争，节目嘅质素先会有进步。又真系讲得好有道理喎。