转载自HK Channel网站
「公关界女强人」周美凤（Lelia）港姐出身、从事公关行业多年，公认为有拼劲及魄力的事业型女性，深得城中名人明星及各大品牌爱戴信任；近年更致力推动慈善工作，回馈社会。敢言而有义气的她、相识满天下，主持栏目【凤旨要讲】，奉旨讲尽娱圈名流趣闻轶事。
本周嘉宾是公认笋盘的陈豪（Moses），Moses细述跟女友陈茵媺（Aimee）相恋点滴，言谈间大爆拍拖以来从未嗌交，以及有意开设联名户口储钱结婚。
不时被拍得与女友陈茵媺往黄金海岸拍拖及到高级食府撑枱脚，「我觉得浪漫气氛系需要营造，所以耐不耐会送花、出外食饭，尽量去拍吓拖，做番啲应该要做嘅嘢。」

初拍电影即担正男主角，坦言曾利欲薰心，「我寸过、高傲过、自以为是过，所有人接触名利都会有咁嘅心态，觉得自己全世界最劲、睇低人，好彩早发生，唔系到老先经历就大件事。」
周：周美凤 陈：陈豪
周：平均一日饮几多杯咖啡？
陈：3、4杯，试过最多7、8杯，一得闲就冲，饮咖啡对我嚟讲，唔止系享受，系试自己整出嚟嘅成果，由生豆到炒豆再到冲法全部自己搞，整得唔好就真系自食其果。我屋企最多系咖啡生豆，我会逐粒拣差唔多大细嘅豆放埋一齐烘焙，确保粒粒受热平均，出嚟杯咖啡就会甜啲！
周：咁讲究，我饮即冲3合1多！
陈： 我妈咪都系！我妈咪因为锡我，唔想我辛苦，宁愿自己求祈就算，有时我话驾车载佢，佢都话唔使。
有乜做乜
周：最近忙咩？
陈：都系拍剧，嚟紧会返国内拍一套内地制作的剧。
周：TVB俾你出外拍剧？
陈：其实一向都可以，只不过之前啲时间俾TVB occupied咗，期间都有人搵，但剧接剧，真系无时间，咁啱依家有空档，咪试吓。
周：你会唔会全力去国内发展？
陈：有乜做乜，香港有发展机会就做，国内有发展机会就去，我唔会限死香港定国内，去到边做到边。娱乐圈运作唔系我可以控制，所以我可以做就系有工作就做，尽量延长演艺生命。
周：近几年视帝变咗系黎耀祥同林峯之争，你退下火线？
陈：做呢行，做得愈耐愈明白，一个好的剧本系好难求，做演员当然希望可以遇到好剧本、好班底、好角色，但通常攞奖的角色，系好多机缘巧合，作为演员，尽量做好自己嗰part同等待自己的机会。
周：钟唔钟意演戏？
陈：我成日觉得做戏系攞正牌去玩、去试唔同嘅嘢。当然，我enjoy我的工作。
周：你咁谂就轻松啲！你被封「笋盘」，几乎系女人都钟意，有无谂过会咁受欢迎？
陈：从无谂大红大紫、从来都唔系我计算之内。我嘅出身系一个普通人，唔算靓仔、根本无人留意，直至当个个（艺人）走晒， （高层）发现我好似OK、俾我试吓，我系咁训练出嚟，所以依家所有嘢，对我嚟讲全部系bonus。我睇得好灰，任何人上到一个高啲嘅位置，唔知几时会跌番落嚟，视乎last几耐，尽量去enjoy、好好去维持依家有嘅嘢，可以的话去建立一啲嘢，等落番嚟嘅时候唔使咁惨。

蒲到唔使瞓
周：据闻你未入电视圈之前，做model年代经常夜蒲，情形系咪好似你拍嗰套《晚9朝5》咁？
陈：我钟意出去蒲，但男女关系无套戏咁乱。我觉得几好彩我喺比较后生嗰阵就蒲得几饱，嗰时我由Canton、Tropical、97（酒吧）蒲到rave party年代，蒲到唔使瞓，直至有一次，好似有盏灯照住、个人醒一醒，同自己讲：「我好似唔属於呢度」就无再蒲。
周：蒲到咁，唔使开工？
陈：谂番都好笑，机会嚟嗰阵我无心拍；到无机会，就开始想拍，我由主角做到二线、客串、反派、古惑仔，有段时间做到每日都想离开呢行，试过半年无工开，转做传销、橱窗设计、卖滤水器，为咗生存，变得现实、无咗自己，好彩有朋友提醒我，叫我唔好变咗第二个人。
周：你食唔食烟？
陈：我十几岁就食烟，仲系intensive heavy smoker，我食骆驼牌，烟接烟咁食，但食咗一、两年就戒咗，起码试过。
周：饮唔饮酒？
陈：少，我钟意追求味道，品酒多啲。

经常被拍得在女友深井住所出入、打网球，「唔好误会我哋同居，我去探佢啫，有时我煮吓嘢、有时佢煮吓嘢，撑吓枱脚；都系牛扒、意粉，西餐居多，我之前都学过煮中菜，但太多准备工夫、好难搞。」谈到可有为女友执屋做家务时笑到标眼水：「我自己屋企都好乱！」

天生性格夹
周：爱情生活呢？可唔可以分享吓？
陈：好好、very good！
周：系咪因为同女友都系外国长大，鬼鬼哋、啱feel啲？
陈：唔关事，其实系大家性格、话题、沟通方面都几夹。
周：拍同一套剧，会否尴尬？
陈：会，上次一齐拍《天梯》，好彩监制都知，将我哋分开两条剧情线，因为真系会分心，所以我哋有共识，尽量都唔好一齐拍。
周：有无同Aimee研究演技？
陈：唔好话研究、倾吓就有。每个演员都有自己的睇法，尤其是Aimee，佢可塑性好高，同埋愈做愈好；依家就系最好的时间证明俾人睇佢自己的做法同风格，而唔系我哋去灌输俾佢、somehow令佢变成我哋。
周：有无试过闹交？
陈：无喎，唔知系咪天生性格比较夹。
周：佢无嫌你成日挂住整咖啡咩？
陈：佢又无、佢都几欣赏，我整咖啡时，佢咪等我冲好俾佢饮。
周：你哋嘅沟通方法除咗WhatsApp，有无得闲写张心意卡？
陈：呢个年代唔会嘞，有时短讯打几句有意思的说话，已经好够。
周：当初你点追佢？定系佢追你？
陈：其实系慢慢建立关系。
周：有无特定钟意咩类型、条件的女仔？
陈：钟唔钟意一个人唔系你拣，有时两个人决定一齐嗰种感觉，已经系嗰样嘢，唔系你话退、就退到出嚟。
周：总有啲基本要求啩？
陈：有啲人可能因为外表，但我比较着重沟通，经过慢慢相处，类似地心吸力之类嘅嘢。
周：有无计划储钱结婚？
陈：一定要，所以更加要搞好自己事业。
周：有无联名户口？
陈：未有，发展落去，都唔会排除。两个人健康发展，人生大事点会唔谂。

看来好事将近啊AAAAAAAAA

莪表示不懂广州话的人来说，看的好累好了好几遍，还各种猜

以前想过阿Mo和黎姿和杨怡!不过现在不可能了，只要阿Mo幸福！

涐觉嘚咃俩媞卟媞眞の崾菈迗窻

蒲到唔使瞓~~~~~多荒唐的岁月~~~~

傻MO从以前到现在一直都没变 不管是做还是玩都好奋身好尽

祝福他们两个人！！！

每天喝这么多咖啡会不会不好呀？