level 7
wúyh
楼主
1、你咪咁小器啦!小器是女人拥有但又不想认拥有的特质，你明寸佢？等开拖啦！男人讲呢句话既时候通常笑笑口，点解？因为知女人唔岩听？明知唔应该讲但坚持讲出来，就系撩交嗌!男人讲呢句话前通常已讲完「嬲完未呀？」、「唔好嬲啦？」之类的话，但游说不果；唔识就人就赖人小器，屙屎唔出赖地硬!即系话我唔应该嬲姐？女人发嬲一定有佢道理，男人驳嘴即系话我螿不讲理，作死！建议：;要女人唔嬲，真系惟有等她自己嬲完，但唔等於乜都不做，男人最好做D野来缩短过程，愈拖只会愈难TUM&;基本上连个嬲字都唔可以提，女人好憎呢个字，唔嬲都变嬲！话你知，叫女人唔好嬲，佢嬲得仲劲！女人再小器、嬲爆爆，男人TUM佢盏晒气！要软化女人从身体入手，揽揽距或紧握她手吧2、对唔住罗！同类说话：我唔岩罗;、我衰罗、我错罗罗咩姐？晦气到死！最讨厌是加个「咁」字在前头，「咁对唔住罗？」，一个咁字包含了「我唔觉得自己错但买你怕罗」这十二个字的意思，明激我啦！男人说时通常皱眉头、眼神厌倦，摆明在说「你又来了」，乜我好难顶咩？建议：用口去表示歉意是低层次的做法，倒不如用行动表示。;唔该比D性格，唔觉得自己错的话，老虎蟹都唔认错！唔该比D风范，道欺最紧要诚意。3、锺意啊？我送比你啦！因为得个讲字，男人总以为讲左就等於买左，毋需真的买！见我双眼发晒光仲问，你盲架？要我用把口去讲我锺意，即系要我认贪心！建议：讲得出就要做得到！一定要趁热买，一拖，女人又话你无诚意！立即在她面前付款是最方便的做法，但女人最憎呢种方便，唔浪漫。男人总系唔识送礼物，以为买左然後交过去就大功告成！其实送礼物最重要是点样交到对方手上，即系心思、惊喜。4、使唔使帮你？同类说话：使唔使车你、使唔使帮你拎？废话！问来干麼？答得你我都做完！建议:女人最憎男人「斋TALKING」，唔声唔声做左先才是英雄做多无坏，即使自己搞得掂，女人都锺意男人献殷勤的。5、搵日同你去……搵日，通常不会兑现，又信口开河了！你估我系你D客，「搵日出黎饮茶」咩！建议：女人记性很好，此等不兑现的小事是她日後炒大鑊的导火线；女人无要求的话，男人切忌自动OFFER，无谓制造机会比人CHALLENGE。6、得架啦！得架啦！同类说话：掂架啦！掂架啦;认屎认屁叻，结果错漏百出无样得！你觉得佢系怕你烦，想塞住你把口，所以吹到天咁大，但其实得鬼！建议：无希望就无期望，无期望就无失望，实话实说吧！女人要讲野，一定要比佢讲；而比佢讲，佢先唔讲。7、明啦明啦;同类说话：系啦系啦、得啦得啦;明个屁，想我收声至真！真系明？咁我岩岩讲到边度先？建议：;她在跟你说一些她认为很重要的事，即使你觉得无聊，也请耐心聆听，硬食吧！在她喋喋不休时紧握她的手，信我，好快收口。;适当时候发问，让她知道你在听；无伤大雅的小事不妨附和，大事情则要纠正。8、是但啦！无要求，无原则，无性格！你又嫌我烦了！你宁愿SUFFER任人摆布，我谂我真系好讨你厌，呜……建议：;大可抛个波比佢，温柔地说：「你话呢？」她反而觉得你尊重她；不在乎说什麼，而是在乎怎样说；男人说话时语气够坚定就是说服力，女人自然收声。系咪好有道理呢？？？记住啦！
2007年06月29日 11点06分
1
