大契：００１．反而响呢件事上面，我学到一个字，就系个诚字。诚字从言字边，一个人系唔系诚，就关乎佢有冇讲真话，而只有讲真话嘅人，先至会令人心悦诚服，所以做长辈嘅，要时时记得呢个字，咁样先会得人尊重。一家人相处，亦都要开心见诚，互相坦诚，先可以同睦，如果令到你呃我我呃你，日子又点过得开心？００２．我真系对你好失望！大姐比个运字你去做人，但原来你唔识写呢个字，运字系划艇运载军人去奋斗，而你就冇要到本来好好嘅一只艇，你将佢改成三点水，浑浑噩噩嘅浑，过完中秋你三十七岁啦，你浑浑噩噩足三十七年！００３．我知道你地呢班後生嘅谂法，你觉得我地呢班老人家好out，古老石山同好封建，你出去，你去搵一条最旺嘅街，去搵个打扮得最前卫、最新潮嘅阿妈，你问她，如果她个儿子，同一个有老公嘅女人一起，系唔系可以接受，你去呀，你搵到一个阿妈系唔系能接受得到，你番黎搵我，你而家去啦！００４．你唔好对号入座！总之边个做过心知肚明！００５．我话系就系，唔驶证据，呢度唔系法庭，唔需要证据！我对眼就系证据！我睇人睇左几十年，边个系人，边个系鬼，我睇得出！００６．他系错，而且错好紧要，但我地系一家人，他错左，我地咪帮他弥补罗，唔通加佢一脚伸佢出大海先安乐？将来他同Jackie条路都会好难行，我地就一家人陪佢地一齐行！００７．未登天子位，先置杀人刀！００８．做乜野你就系咁难教？００９．得得地，你要帮我撑住头家呀，你一定要帮我照顾呢头家０１０．亲家奶奶，你年纪比我大。我应该尊重你嘅，不过你头先讲嘅个几句说话，并唔系一个长辈应该讲嘅说话。佢地仲系细路，少不更事。根本唔知道自己响到做紧乜，你都七十几我都五十几啦，吃了几十年饭，唔好好嘅劝佢地，仲煽风点火？咁样点样对得起佢地Ｄ後，生。我知道，Jackie唔怕冇人要，仲排队排到尖沙咀，我问你呢个做阿妈嘅。你想个女再嫁几多次你先安乐。０１１．你爱佢，佢爱你，茫茫人海 你地以为去搵一个爱自己嘅人系咁容易嘅咩？仲记唔记得你地系点识嫁？点样排除万难先可以结婚嘅？我唔系系亲身经历，只系听姐，我个心都好似倒泻左五味罐，甜酸苦辣乜野都有。讲比作家听嘅话，他可以写成一本小说。你地当日流嘅眼泪系假嘅咩？山盟海誓只系讲讲咋咩？有没有听过一句说话「执子之手与子偕老」，就系讲婚姻系一生一世，系一世，你地竟然咁儿戏，离婚手续好简单，唔洗一千元，签个字，唐至逸、Jackie，就成事。从此以後，你最深爱嘅人，佢做乜野都同你冇关系，各走各路。从此以後，你最深爱嘅人，都同你无关，你舍得咩？唔知道系乜野照片搞出咁大嘅误会，为了一时之气，一定要离婚，值得咩？０１２．你嫌佢脾气躁，你嫌佢任性倔强。呢个世界有完全冇缺点嘅人咩？做夫妻就要容忍对方嘅缺点，有时候我心情唔好，我觉得自己样样打都唔顺眼，攞镜子照照自己都觉得自己讨厌，更何况系另外一个人！夫妻就系要容忍，而且要一直忍，忍一世都要忍到底。０１３．哭有时、笑有时、欢乐有时、悲伤有时。０１４．我地唔再系一家人啦，以後只可以做普通朋友！０１５．本性如此０１６．点解你要用把刀锐我个心度０１７．你唔系一个人住系荒岛上，你要顾及大家既感受呀０１８．大家响前门捉贼，你地就响後栏放火！０１９．你立过Ｄ乜野心肠，做过Ｄ乜野，你最清楚！０２０．目的就系想试下你，想你露出你条狐狸尾巴呀！０２１．Jackie针茶比我我唔会饮，佢叫我一声奶奶我唔会应０２２．无风起浪嘅唔系一家人，无资格坐埋一台食饭０２３．祸系礼衣边，福都系礼衣边。我地唐家个六亿可以系福亦都可以系祸，福同祸只系一线之差，我地屋企个六亿只可以系福唔可以系祸。０２４．我走左之後头家会发生好多事，佢地会流好多眼泪０２５．休息，系为了要走更长嘅路０２６．世上本无事， 庸人自扰之

莉姨：０４９．你又讲左去边呀？我几时霸住你地Ｄ铺呀？个Ｄ铺系我帮大姐打理架！一间都冇我名架！不似得你，每日猴住佢两公婆有几多间铺，有几多钱呀！王秀琴，你不如改名做「王猴擒」啦！０５０．你就有条路……就系躝屍趷路０５１．我衷心祝福，希望我地们三年之後可以真真正正做一家人！０５２．一口价三千万，即刻离开唐家！０５３．你痴线牙！０５４．唔系有无钱既问题，系原则嘅问题同有无道理嘅问题０５５．你唔系真正嘅唐太０５６．你点做女人呀！０５７．我讲一百次都得，同边个都系咁讲，你两个有路，仲夹埋黎谋埋我地唐家间鲍鱼铺，你地仲狼过华秀只狗

大鲍：０５８．你理得佢系常在外定常在内，最紧要系要你莉姨常在家。０５９．我个头已经好似皮蛋缸咁大个０６０．我怕你先怕米贵啦！０６１．平日就一住菜，恶起上来就成旧榨菜０６２．阿琴份人系鬼赖口０６３．掘就系掘擂鎚个掘，擂就系掘擂鎚个擂， 鎚就系掘擂鎚个鎚０６４．我一Ｄ都唔惊，有乜野咁好丑姐，话知你地去鹅颈桥度打小人牙，话知你去开记者招待会牙，话知你攞个锣去弥敦道讲俾全世界听牙，我有乜好惊丑啫，乜野丑都扬哂出黎啦，仲有乜野好怕呀？要丑大家一齐丑啦，我谂得好清楚架喇，我个面皮值得几钱啫，贵得过我几多仔女既前途！全世界冇一样野妗贵得过我四个仔女既前途！我唐家所有财产就要分比安逸欢欣四个细路！０６５．都冇兴架你０６６．我而家就唔怕丑，系大家面前讲呢三个字，阿琴，I Love You，我爱你，我要同你一齐漫步人生路０６７．我唔同你离婚啦，我睇你仲打乜野离婚官司，我睇你仲点样冻结我Ｄ财产，我睇你有乜办法咬我食０６８．（琴：唐仁佳，你真识讲笑呀）四千万（琴：你草个老婆番黎，真系著数呀）三千万（琴：你当我乞衣牙）两千万（琴：我唔同你斗到死个日我同你挽鞋呀）一毫子我都唔会比你（琴：你．．．）我对天发誓，我一毫子我都唔会落你袋，你即刻同我扯，你地即刻扯，阿波你扯，你呢个贪钱女人扯，你呢个贪钱之家扯，通通同我扯０６９．你系咪每日都要残酷一激呀！０７０．多儿多女多冤家，无儿无女坐莲花。０７１．做乜要搞我Ｄ细路呀，唔好搞我Ｄ细路呀０７２．我中风都中得特别过人嘅，越激就越精神，得闲谂多Ｄ屎桥黎激我啦，唔该

舅父波：０７３．甩甩手，毒素走０７４．我而家真系火烧心呀０７５．咪睇佢笑骑骑，其实佢毒过响尾蛇。０７６．覆亡原因，easy啦，等舅父波教你，你唔好佢理乜野朝代，唐宋元明清都好，覆亡原因只得一个，就是穿～柜筒底，有人手脚唔乾净，朝廷冇钱咪自然覆亡，你咁答，听日一定考满分，考唔到满分嘅话，舅父波实行同你去考试局门口拉横额请愿，你有冇读西史？外国人系衰呢饭，穿～柜筒底！０７７．无火便是农，农夫个农，有火便是燶，燶丁个燶，我响度话我姐夫，仲有，有钱便是人，无钱便是鬼，我又话我姐夫。唉，你地就富贵，我就燶丁见鬼！

细鲍：０７８．唔紧要，就当多个发钱寒嘅人黎塔枱０７９．这儿不是财务公司，我更加不是人肉ETC，系咁！０８０．甜的吃，苦的吃，酸的也要吃！（大鲍：你再不讲实话，屎也有得你吃）０８１．女骗子，世纪大骗局！昆明摆档摆明昆！０８２．你啊妈搵你！你啊爸搵你！你啊婆搵你！你啊奶搵你！你啊爷搵你！你啊公搵你！你啊妈搵你！你啊婆搵你！你啊爷搵你！你啊仔搵你！

Gill Gill：０８３．收声啦贪钱佬，几时轮到你出声呀？

Jackie：０８４．穷途未必系末路，绝境也可以逢生

欢仔：０８５．态度就是一切０８６．天下无不是之母亲，但你系例外０８７．我一个仙都唔会比阿妈，比佢即系比左个奸夫０８８．黑夜巳经来临，黎明还会远吗？０８９．牙妈我真系好憎你牙，成日系到搞风搞雨０９０．点解生我果个唔系大妈系你呀０９１．阿妈系衰，但系佢唔会衰都想鲍饱死，更加唔会衰到想同屋企人打官司呀

常在心：０９２．真系乜野事都冇发生过呀，我只系觉得自己好衰，点解我会咁迟钝？明知会令你误会，我仲同你反得超开心，我仲主动打电话同你讲笑，我有乜唔开心第一个搵你，我有乜野要帮手又第一个搵你，我根本唔应该咁做，我己经大个女，应该知道界线响边，我而家hurt左我最好嘅朋友，我冇左最好嘅朋友，我觉得自己好差呀！

常在德：０９３．断人衣食，犹如杀人父母，你家阵断我财路，姐系杀我父母

王丽薇：０９４．果个女人系咪人黎架？

生果龙：０９５．我睇你呀手渣鸡毛当令箭咋挂０９６．你仲系咪人黎架，唐仁龟！０９７．我对你就恩重如山，你对我就阴乾如海

大脚八：０９８．有乜路呀？达之路呀？ 柯士甸路呀？ 青山公路？

徐医生：０９９．如果而家边个搬动病人既话，就等同谋杀！

法官：１００．无聊透顶

这张要加精

`