东方日报
黄宗泽揾老婆三嫂做办
无线小生黄宗泽（Bosco）与苗侨伟（三哥）近年合作多次变成老友，连带与其太座戚美珍（三嫂）亦非常投契，三人每次行埋即变身大细路，Bosco笑言三哥是名顽童，不时以歪理教他，令他啼笑皆非烦恼顿消，单身的他更大赞三嫂内外兼备，是其搵老婆的人办！
黄宗泽大赞前辈戚美珍内外皆能，两人年纪不同但难得投契。
歪理教诲 另类教育
戚：我识得Bosco梗系因为三哥啦！唔系点会识到咁后生嘅靓仔？大约七年前，三哥返嚟TVB拍第二套剧就同你合作，觉得你好有礼貌，会主动同我哋打招呼，之后愈来愈熟，有时你仲带埋妈咪出嚟一齐食吓饭。
黄：其实我初时觉得三嫂都几严肃，你知啦！三哥咁大件，对住你都有啲笠水喎！
戚美珍做生意有一手，黄宗泽笑谓将来亦要偷师。
三嫂与贾思乐（右起）、吴启华、卢海鹏齐演舞台剧筹款。
吴卓羲（左起）、林峯及黄宗泽三人常搞Gag，引得旁人哈哈大笑。
胡杏儿与黄宗泽之前感情稳定，连三嫂亦睇好二人。
戚：佢对我好恭恭敬敬o架！
黄：所以我觉得应该几坚喎！点知一开声就穿煲，三嫂系个好开心嘅人，好照顾我哋，不时煲汤我哋饮，畀到我大家姐或者阿嫂嘅感觉！
戚：我觉得你好阳光，三哥后生都系咁，咩人都倾得一餐，好活泼，感觉亲切！你同吴卓羲、林峯呢班年轻人成日搞Gag，令我都后生咗！
黄：都系向三哥学o架咋！有时我整蛊三哥话一齐去蒲，佢又玩埋一份话好，但一听到三嫂个名就唔会啦！我哋成日讲笑，好开心！
戚：以前你同胡杏儿一直好好，成日见到呢对小情人，我仲觉得有啲似我同三哥当年咁，但系过去咗就唔好提喇！之前你感情方面发生事，你都冇同我倾诉。
黄：唔使特别倾诉，就算有咩唔开心，三哥会弹啲歪理出嚟，一句搞掂我，我觉得呢啲系三哥三嫂嘅另类教育，都系叫我唔好谂咁多，都系想我开心。
戚：你又好好，知道三哥钟意古灵精怪嘢，行街睇鞋睇衫都会问埋三哥，而且次次都好啱心水！
黄：我净系帮三哥买咋！佢贪靓嘛！你睇依家佢仲穿耳窿添！
等好拍档 进军商界
戚：嚟紧我同贾思乐、卢海鹏、林建明会再演舞台剧筹款，旧年好受欢迎，我就谂不如换你哋班后生仔做嘉宾，又可以吸引到年轻Fans！
黄：大家未必记得，我初初入行都做过《欢乐今宵》，呢段日子唔长，但识咗鹏哥、江欣燕！就算系八十年代嘅《虾仔爹哋》我都有睇，鹏哥啲金句吓吓都押韵，我仲记得o架！
戚：嚟紧有好多角色未Firm，但我对你好有信心，一定考唔到你！
黄：今次真系大考验，唔知得唔得o架！临场睇吓点罗！
戚：你咁奀皮，我惊你剥鹏哥衫咋！上到台可以奉旨整蛊前辈，到时唔知会发生咩事！
黄：系呀！会私器公用，总之令观众开心。
戚：可以考虑搵你哋班后生仔演我男友！
黄：咁我惟有扮三哥罗！你话我似三哥，我都想似佢咁游戏人间又多朋友，仲有个模范
太太
！最厉害系你做生意都有一手，我都想试吓做生意，但未有时间！
戚：都系机缘，可能迟啲有人搵你拍档呢！
黄：所以话有另一半帮到手，都几开心呀！
戚：其实我睇好多你嘅剧，真系不断进步中，你几多样化，演忠、奸、有钱、穷都得，要令人信服系好难，好似三哥咁，外形太敦厚高大，以前演啲机灵角色都争啲，所以你系有天生优势，攞视帝指日可待。
黄：多谢多谢！其实我冇乜谂奖，人哋觉得我呼声高咗，因为年纪大做咗长辈咋！
三嫂靓汤饮到舔脷
Bosco大赞三嫂「入得厨房、出得厅堂」果然没错，访问当日三嫂带同一大煲莲藕章鱼汤往探班，三哥及Bosco饮到Lam Lam脷，三嫂说：「因为佢两个呢排捱夜拍剧，个汤下火，煲多啲仲可以分埋畀其他人饮。」她更笑言已准备五头鲍鱼作明年的贺年菜，「利诱」Bosco向她拜年，认真大手笔！

"过去咗"....but Bosco keeps on wearing Myolie's square diamond earring???!!!
"之前感情方面发生事，都冇同三哥三嫂我倾诉"....I think he really doesn't talk about his love relationship with anybody as close as 三哥三嫂 and even his own mother!!!

没记错，好像三哥说过，他和三嫂结婚前也分过好几次手，两人最终也结了婚所以泽杏还是有希望！

别人都可以复合！他们为什么不可以呢？真的希望他们别轻易放下彼此！

这标题有点.........

好像看他们两个复合啊~