衞奕信一啲架子都冇，仲摆甫士畀卓妮影相。（钟健国摄）
衞奕信（左二）寻日同
太太
行山，两人健步如飞。（蔡高华摄）
人民力量立法会议员陈伟业前晚喺金钟巧遇久违了嘅前港督衞奕信（David Wilson），咁啱得咁跷，卓妮寻日早上十一点钟竟然又喺浅水湾道遇到衞奕信同太太Natasha Helen Mary去行山，随行仲有几位保安人员，一共六人浩浩荡荡上山去。衞奕信系行山远足嘅爱好者，香港近期天气稍为转凉，去郊野行山确系一流。虽然佢已经年过七旬，但系行起山嚟依然健步如飞，真系老而弥坚。
卓妮见衞奕信着住件红色polo恤、黑色运动裤同行山鞋，显得精神奕奕，而佢太太亦系一身悠闲装束，一睇就知去行山郊游。不过，衞奕信今次就唔系行以佢自己命名嘅衞奕信径，而系沿连接衞奕信径嘅紫罗兰山径行去浅水湾坳，沿途远眺港岛南区风景，唔知佢会否有特别感受呢？虽然佢已经一头白发，但系行咗成半个钟、又上又落一啲都冇喘气，仲要气定神闲咁叉腰摆甫士畀卓妮影相，真系犀利。
返咗嚟「胡厅」
虽然衞奕信曾经贵为港督，但一啲架子都冇，仲话畀卓妮知，佢今次返嚟香港纯粹系当旅行周围行吓。卓妮就问佢返咗嚟几多日啦，点知佢就用普通话回答：「五天」，认真生鬼。

老尔不死谓之贼