level 7
（一） 好耐好耐以前，响遥远的天庭，住咗一只唔平凡嘅猫。佢系小弥勒佛祖御前座下神猫，由于得到佛主赐予嘅琉璃石，因此被人称作“琉璃猫”，简称“猫王”。 有一日，猫王望住块镜，越睇就越觉得自己靓仔，佢心惗：我咁英俊潇洒、风流倜傥，系时候要揾番个靓女衬吓自己啦。于是佢自言自语咁对住块镜话：“镜啊镜，如果你可以话俾我听依个世界边个最靓女就好啦！可惜你唔识讲嘢。”就响依个时候，块镜居然出声讲嘢喔：“世界上最靓嘅女仔，就是小鼠！” 块镜突然间讲嘢，吓到猫王鬼死咁惊，猫王话：“篾你识讲嘢嘅？以前仲咩唔出声啊？”块镜就话啦：“你以前都无问过我嘢，我点出声啊？” 猫王又问块镜：“你头先讲咩话？最靓是老鼠？你唔系傻咗啊？我猫王捉遍天下无敌鼠，乜鼠我未见过？D老鼠咁样衰，你叫我点样啃得落啊？就算着上公主裙，都改变唔到佢系只老鼠嘅事实。我地第一次见面，你唔系咁嚟老点我啊？” 块镜摇摇头话：“你咁样惗就错啦，边个话介绍只老鼠俾你啊？我系话小袋鼠啊！真系唔识货。你跟咗佛爷咁耐，都无D眼光嘎。” 猫王听块镜咁讲，就即刻问：“系唔系啊？我可唔可以睇吓小鼠个样先啊？”于是，块镜显视出一只貌若天仙嘅袋鼠出嚟。猫王见到，哇，即刻满心欢喜。但系佢死要面，笑住吓话：“哦，嘛嘛地过地去，不过都算顺眼。”块镜就话啦：“兄弟，唔使死撑喔。睇吓你只发光嘅眼啦，已经出卖咗你啦！仲有啊，抹翻你D口水先啦！” …… 就系咁，猫王下定决心要去揾依只气质美鼠啦！佢揾唔倒小鼠誓不为猫。 而猫王同块镜讲嘅嘢，全部俾一只菜虫听到晒……
2007年03月31日 12点03分
2
level 7
（二） 天庭皇宫大殿上。小弥勒佛、知心观音姐姐、财神等满天神佛聚埋一齐倾计。 小弥勒佛问财神：“喂，老财，你最近去咗边度发达啊？”财神就话啦：“哦，无去边度啊。就是前一排人间过农历新年，我去咗派利市咯。年年都系咁嘎啦，无D新意，好闷啊！”知心观音姐姐听到老财的话，就加埋把口话：“老财，无计啦，鬼叫你好做唔做，做财神咩。不过做财神都几有福气嘎。好过我，日日响天庭依度，无锭去。”…… 虎神EVA听到大家嘅对话，就出来趁热闹啦：“哇，篾今日咁人齐嘅？” “阿姐，”小弥勒佛见到虎神EVA打晒喊路，无嚟精神，就问，“你做咩啊，好似好眼训咁嘅？”虎神话：“哦，我琴晚成晚睇广东电视台珠江频道嘅《外来媳妇本地郎》啊，好搞笑嘎！所以我咪无够训咯。哎，我睇咗好多个钟头都未睇得完，我今晚会继续追！” “死蠢！”小弥勒佛话“你傻咗未好翻啊？果出戏好长啊，有成一千几百集嘎，听讲最近又继续播第四辑，而且仲会一路播落去啊。有排你都未睇完啦” 虎神：“啊？咁长气嘎？不过唔怕啦，慢慢睇。因为果个二嫂做戏真系好搞笑啊，我好中意啊！” 小弥勒佛：“我觉得苏贵元先至最搞笑喔！” 财神摇头：“错晒、错晒啦！我最中意系康伯啊！好慈祥、好靓仔嘎！”…… 就响佢地争论不休嘅时候，菜虫急急脚咁跑过来：“参见各位神仙！佛爷啊，今次大事啦！” 小弥勒佛好唔耐烦：“我同众仙家倾计，几时轮到你啊支啊咗？信唔信我将你整到容容烂烂啊啦！” 菜虫急：“恳请佛爷恕罪！微臣不敢！但系，佛爷，琉璃猫偷走出去，落咗凡间追女仔啊！” 佛爷顿时大怒：“咩话？岂有此理！果只野猫居然咁色胆包天？！真系养唔熟！人嚟啊，同我捉拿猫王，不得有误！” 于是，知心观音姐姐就落凡间要捉猫王啦！
2007年03月31日 12点03分
3
level 7
（三） 澳洲美丽的大草原上。丁小鼠和她的好朋友小鱼、小白兔、凤凰相依为命，过住D与世无争的日子。 今天，是小鼠嘅生日。所以佢嘅好朋友都去晒去买礼物同埋准备生日会D嘢，净得小鼠响间屋度跳吓跳吓。佢唔知道，自己将会遇到前所未有嘅危险！ 原来，一个叫“垃圾”的恶魔，假扮小鼠另外一个好朋友小吉。想要对付小鼠！恶魔趁小鼠嘅朋友唔响度，就偷偷嚟到小鼠嘅屋企门口，敲门：“有无人啊？” 小鼠问：“边个啊？”。恶魔说：“小鼠，我系嚟运吉嘎！哦，唔系，我系话我系小吉啊！开门啦！” 小鼠从窗口望出去，发现的确是小吉，但是，总觉得有D唔对路。（而且小吉话过，今日会宴D先嚟）于是，小鼠问：“小吉，点解你把声变得咁怪嘎？” 恶魔狡辩：“哦，因为我最近卖橘，响条街果度嗌到声都沙晒啦！”小鼠听小吉咁讲，但都系唔系好相信。于是，恶魔递起D礼物，又话：“小鼠，你睇，我带咗你最中意嘅非洲菊同埋金沙朱古力贺你生日啊！” 小鼠听到有非洲菊同埋金沙朱古力好开心，但是，仲系唔敢开门。最后，恶魔使出杀手碱，拿出一本厚厚嘅书，话“小鼠，我知道是红迷，所以我特登送一本《红楼梦》俾你啊！”小鼠痴迷《红楼梦》，终于受唔住诱惑，开咗门俾恶魔。 恶魔入咗门之后，极力怂恿小鼠吃金沙朱古力：“小鼠，你睇，依D朱古力好好味嘎，有果仁，而且好甜、好香脆嘎！你快D试吓啦！”于是，小鼠就吃咗一粒金沙朱古力。但是，吃完之后，佢觉得好头晕，佢知道眼前依个人唔系小吉，而是坏蛋！小鼠无力地：“你……你唔系小吉！你究竟系边个？！你……你想点啊？” 恶魔即刻原型毕路，奸笑：“哈哈哈~~ 我就系鼎鼎大名嘅垃圾恶魔！你居然无有识我？好歹有限啦！”小鼠力撑：“我唔系垃圾啊！！” 终于，小鼠顶唔住，晕低咗……
2007年03月31日 12点03分
4
level 1
我超级中意~~~~~~~~~再顶~~~~~~~~~
2007年04月10日 14点04分
8
level 1
好有创意的童话！我马马虎虎看完了。看白话看得我好辛苦哩，不过看懂了。呵，呵，小荞要教我讲白话。。。。。。
2008年02月08日 04点02分
19
level 1
其实,我听得懂白话,就是不太会讲,看白话文章就辛苦一些了......唉!我是广东人,却不太会讲白话,深感惭愧!
2008年02月10日 09点02分
22
level 1
嗯,谢谢,我会努力的.不过,我很少看本港台的,最多看珠江台,其实看外剧也可以学的,嘻嘻!
2008年02月12日 03点02分
24
