入行40多年的郑少秋，虽年届65，但外形风流倜傥，加上所主演的多套古装剧均以「大侠」姿态出现，器宇轩昂，迷倒万千少女！惟「大侠秋」在结婚13年的老婆官晶华面前，却十足「小男人」因而被指是「老婆奴」，秋官在本报一连五日访问中振臂高呼他如何「振夫纲」，并为老婆平反以及其过契身世和当了明星还要匿埋在山寨厂做男工等苦况。
老婆篇：家有贤妻要尊重
人人话我怕老婆，其实我唔系怕，而系尊重！外间有人觉得我口花花，真系好惨……点解唔可以话呢啲系风趣？幽默感系好喎……但传媒写到我呢种行为好负面罗。不过，我老婆（官晶华）唔系靠我嘅风趣氹番嚟，所谓「缘分」，夹到嘅就嚟o架啦！
80年代初我过咗台湾发展，我同晶华因合作拍剧而认识，之后我哋结婚，生咗两个女咏恩同咏曦，不过，一头家原来好多嘢顾，呢个重担交咗畀老婆做，除咗照顾两个女，屋企所有嘢都系佢一手照顾、作主，连投资都系老婆搞，乜都靠佢，所以外间话我老婆恶，实情佢系好老婆。

担起晒成头家
有时老婆都会发吓脾气，因为佢顾太多嘢啦，步骤乱就会忟憎，但我系老公喎……我会同佢讲：「我始终系老公，我要『振夫纲』！要畀面老公！」所以唔可以话我怕老婆，应该系尊敬，佢话晒担起成头家，锡老婆系男人应该做嘅。以前搵钱我就畀晒阿妈，依家搵钱畀晒老婆，我嘅性格就系咁，人生得三样嘢：工作、学嘢同娱乐—即系睇电视啦！
我最唔好就系只顾埋头工作，自己喺学识上有不足，组织力唔够好，所以每有工作我都做好多事前准备嚟充实，有关角色上，我就更加专心钻研，到咗星期日，我又会同老婆讲畀我抖吓，咁佢又要打理埋个女嘅起居饮食、约会；甚至平日去银行……包括经济上嘅分布、投资……虽然有会计师搞，但都要将啲单据组合，睇晒有关信件，都系靠老婆处理。

被乱写唔开心
我系一个成熟嘅男人，冇乜要求，而我又挂住睇电视唔理，外间先会错误建立佢系「恶妻」形象！令到佢都好唔开心，被误会系人都唔钟意，为免愈描愈黑，平日佢都好低调。出街有「狗仔队」跟，我虽然冇所谓，但佢畀啲唔负责嘅传媒乱写，先会板起块面啫！好似今次访问，老婆知系正经嘢，工作嘛……佢会帮我安排档期，同传媒配合，好合作o架。
丁蟹篇：信效应发过猪头
1992年，无线一套以股市起跌刻画人性的剧集《大时代》热播，当中郑少秋饰演的「丁蟹」一角，造就了「丁蟹效应」达廿年之久。这段期间只要有秋官的剧集出现，港股便会波动大跌。秋官对这个现象都摸不着头脑，而其妻官晶华专责处理投资，因不敢尽信而未有入市下注，反而只集中投资实力股及楼宇买卖。
入禀赔五千万
如果我略为信呢个外国翻译为「秋官effect」 的「丁蟹效应」 ，我都可能发达！我买期指都发到好似只脚肿到鞋都着唔入啦！其实我都统计过，我嘅出现，有80%系应验嘅，但嗰段时间出街见到啲普罗大众股民就惨啦……佢哋冇闹我，但会同我呻罗。当年亚视播台湾剧《香帅传奇》，有人因为股市输钱，入禀要我赔五千万……哗，吓死我咩！
早前无线播《心战》，「丁蟹效应」影响港股又冇以前咁犀利喎，有少少偏差，以往跌几百点，今次跌廿几点，查实自己喺「秋官effect」上并冇得益，既然系咁……好！我下决心，
下次一定
要试。但我同老婆买嘅都系实力股，好似滙丰咁，买咗好耐，外间又以为我买好多楼作投资，查实衫钮个「钮」就有！

欣宜篇：父女关系有改进
与沈殿霞所出的欣宜，起初因秋官未有在其身边照顾，一尽为父之责，即使及后补偿，秋官对欣宜始终有份愧疚，犹幸欣宜入行后将父母遗传的歌、演细胞发挥淋漓尽致，特别是歌艺了得受到不少前辈赞赏，欣宜总算吐气扬眉。
分享经验减压
欣宜真系好多人赞，DJ、Auntie都赞佢唱得叻过我呀！其实，欣宜入咗行后，彼此关系反而几好，佢做访问时都有讲话好仰慕我、当我偶像！我哋虽然接触唔多，但接触时佢好嗲好锡我，不过欣宜实在太忙，我约佢见面食饭，佢成日都fullybook，生日想畀利是佢，有时都系透过佢助手畀佢。我哋两父女乜都讲，佢有感情问题，好似早前同Mark Ryan分手，佢都第一时间同我讲，始终都可惜，咁多年感情……但我尊重佢决定，依家外间又传另一个男友，话同个韩模Jin拍拖喎，但佢同我讲唔系o架！
除咗感情问题，欣宜处理其他事EQ系几好，初时入行承受好多抨击，佢对我讲话好困扰，我咪将经验同佢分享，话千祈唔好畀压力自己，影响自身安全，有咩碰撞就唔抵，好似戴安娜王妃就系最好例子，我成日提佢，千祈唔好为避追访而出意外。

这标题起得好,好像还有图片..

郑少秋回首前尘，说及几段婚姻，不承认是怕老婆的老婆奴！

郑少秋：「我信秋官effect嘅话，发到唔清唔楚啦。」

在些看不明白

文中资料有错误，应该是结婚23年。

是结婚13年还是23年,我都恍惚了,掰着指头算了算.

我看这新闻的 时候，还没发帖子，

楼主这两张照片是新的吗？以前没看过呀！

一连5日嘅采访,喺唔喺未完待续呢?
佢话老婆唔喺靠氹番嚟,好好笑

振夫纲。。。哈哈哈～～抽抽你小男人不是做的很开心嘛～～～～

一连5日的采访，不会就这么多吧？后面应该还会有的哦？
期待期待。。。

忍不住还是想吐槽一下：
现在的媒体，写专访就写专访嘛，可不可以不要再暴露年龄了呢，暴露年龄是不礼貌和侵犯隐私的行为，拜托！

粤语字看的好吃力！

可能最近秋又有活动了，前期造势中！