张智霖精神虐待高海宁　比肉体折磨更离谱！
艺人张智霖（Chilam）与高海宁（高Ling）今日现身无线新剧《璀璨之城》宣传活动，讲到在宣传片中，不乏Chilam虐待高Ling的激烈场口，高Ling自言：「都唔算激。」Chilam指角色在精神上折磨对方比更起肉体折磨更离谱：「虽然之前都演过反派，但未必有今次篇幅咁多、咁立体，其实我睇晒所有片之后，我系几感动，例如有个场口系我食药，突然睇到好心痛。」
高Ling指对方角色不能以三言两语去讲，问到两人剧中有否肉体关系时，他们笑言：「Why Not。」Chilam在活动中指吴卓羲的角色好色，高Ling直言他是五十步笑一百步，剧中周旋在多个女人之间，既有太太又有情人，Chilam大赞这是人生梦昧以求：「现实生活边有可能发生，个个都咁靓，老婆又正，情人又靓。（你有冇同太太袁咏仪备案？）佢话你拍得开心啲，返嚟就洗碗啦，哈哈！」
讲到同剧的吴卓羲与张曦雯（Kelly）被指因戏生情，问到拍摄时有否留意他们有挞着迹象？ Chilam即推给高Ling说：「我比较投入剧本上，你有冇发现到啲乜？」高Ling说同样大耍太极：「我好少见到他们。（你同Kelly系闺蜜喎。）我哋（剧内）系擘咗面，现实生活中你哋自己问他们，我乜都睇唔到。（佢冇同你分享。）我个角色枯萎紧，我要安慰自己个心灵，唔得闲望其他嘢。」至于卓羲可有向Chilam请教关于结婚大事？ Chilam笑言：「冇请教呢啲，唔使请教啦，你睇我就知，几开心。」
Chilam一直进行巡唱，他透露明年也会继续，儿子魔童也会继续以结他手身份上阵，问到有指魔童休学，Chilam澄清说：「佢唔系休学，系Gap Year，但我唔知他会唔会以后都唔读。（有指你俩夫妻因为呢件事矛盾？）冇矛盾，尊重儿子决定，大家彼此尊重。（太太有冇嬲？）冇，因为他明白搵到自己个梦想系几重要，每个人条路唔一样，我支持他搵自己梦想，如果他有一日钟意做幕前，我都会好支持他。」高Ling直言书几时都可以读，但梦想要趁早找，Chilam扬言非常同意，并强调：「最重要唔好浪费每一秒。」
张智霖做反派！
张智霖剧中精神虐待高海宁。
高海宁指张智霖的角色不能以三言两语去讲。
嚟张大合照！