level 9
现在睇世界杯当然系＂正″，柏林奥林匹克球场基本上九成都系德国拥趸，呢个系自然o既事，只系龙门后面又一小撮阿根廷球迷，中间都隐若见到小小蓝白间既球衣，所以话主队一定有着数。 虽然话好多球迷都入场捧主队，当然不及大部份球迷走到布兰登堡门广场咁热闹，系呢个广场睇波的不单止系德国球迷，仲有阿根廷及其他fans，阿、德球员系球场比赛之余，呢两队球迷亦都作正面交锋，德国球迷对住阿根廷球迷不停系度唱歌，咕噜咕噜唔知佢唱乜，但系听到美斯个名，都应该系‘唱’紧美斯啲衰嘢，而阿根廷嗰边梗系唔输蚀，又喺度唱，梗系听唔明啦，但应该系话紧波历克，不过，虽然佢哋唱嚟唱去，但完全系和平。 睇完场波离场，景象当然唔同，德国球迷留系球场唔愿走，但系行闸门见到东一个西一个阿根廷球迷，有啲呆咗坐喺度，有啲跪系度喊。搭地铁准备去睇意大利场波，对比更加大，德国球迷系度狂欢，但阿根廷既就冇晒声气，其实，正如我早前都讲过，以实力阿根廷真系好啲，德国呢场波攻势有几多，可以数得出嚟，阿根廷出局可谓自掘坟墓。 睇到艾历臣接受一家电视台访问，佢话荷兰、捷克今届都打得好，但都返咗屋企啦，佢话最重要系最后o既成绩。呢个又系真喎，睇番依家剩翻既球队，好多系今届都唔被睇好架啦！ http://sports.21cn.com/2006/review/2006/07/01/2634065.shtml
2006年07月01日 12点07分
1
