佘诗曼计划陪母亲旅行　不同肥仔打牌：一家赢三家
艺人佘诗曼（阿佘）今日出席活动时声音沙哑，她解释因声带发炎，5月底生日的她笑言：「可能因为庆祝得太多，蛋糕太甜，今年唔使拍剧，比平时多咗生日饭局，甜到漏，甜到无咗把声。（收到最甜系咩礼物？）其实都唔系礼物，而系相聚时间，难得生日唔使工作，见到好多好耐冇见朋友。」她透露除吃生日饭外，也有约打四方城，并有所斩获：「因为我唔系同肥仔（梁业）打，佢好犀利，一家赢三家。本宫身体抱恙，我要练习吓先，要睇吓武林秘笈。」阿佘表示暂时未有剧开拍，有意跟妈妈去旅行，问到会否跟闺蜜团再去外游？她说：「唔知呀，或者surprise。（到时再着泳衣？准备好未？）always ready。」
佘诗曼状态登顶。

谈到近日深夜重播她与郭羡妮及杨思琦主演的剧集《无名天使3D》，她表示未有收看：「其实当年拍得好辛苦，因为要打，但拍得好开心，因为好似完成咗一个挑战，开工前一个月接受训练学打，拍摄时9成系亲身上阵，拍到周身伤，但完成到好高难度工作系好开心同有满足感。（依家做唔做到？）我谂要练吓，因为好多威也。」
问到当时跟哪位演员最投契？她坦言：「当年大家都ok，但当年又要打又多对白又热，好忙。（剧集近日重播，当年传你同杨思琦不和嘅新闻又被翻炒？）我冇留意，但我记得当年有呢啲新闻，当年大家都顾住对白同动作，冇时间去做其他嘢，呢个只系传闻。（冇排挤对方？）边得闲去做，就连饭都唔食，只想冲个凉，冇咁多时间搞其他嘢。（近日问番思琦，佢话系唔系都唔讲，冇直接澄清，令人好多联想。）有人嘅地方就有是非，是非并唔代表事实嘅全部，我亦唔想喺呢件事讲乜嘢，大家各自好好，都有自己成功之处咪继续啰！（再合作ok？）如果题材啱咪再合作啰！（到时泳衣？）一定要着泳衣架咩？！（如果再着泳衣拍剧，你ok?）剧情需要啰！着泳衣啫！（如果着泳衣跑呢？）点解要有呢个剧情呢？咁围条毛巾啰！」
佘诗曼人气高企。
佘诗曼是孝顺女。
佘诗曼唔同肥仔（右上）打牌。