伍咏薇爆杨思琦被演员集体欺凌　爆哭冲出厂：一群人骂到她X街！
杨思琦近日出席伍咏薇（伍姑娘）及李凯贤（Brian）主持的《九运会客室》节目受访，思琦和伍姑娘在TVB时已多次合作，今次在节目上重逢，伍姑娘一坐低已连环爆料，讲到思琦当年在拍剧时被集体欺凌，而思琦回想起当时，都不禁在节目上落泪！
杨思琦近日出席伍咏薇（伍姑娘）及李凯贤（Brian）主持的《九运会客室》节目受访，伍姑娘一坐低已连环爆料，讲到思琦当年在拍剧时被集体欺凌。（YouTube@ HOY媒体网络）

伍咏薇爆杨思琦被欺负：一群人恰佢
伍姑娘说当时是拍时装剧，自己是主角，该剧是「双生双旦」，她说：「入面好多前辈，亦都好多同辈，可以话系双生双旦。讲真，呢套剧我本人都唔开心，我好少拍剧唔开心。佢同我有好多戏份，佢当时呢套电视剧系比一围人恰佢、一群人恰佢，佢唔觉嘅。佢系very好勤力、好乖嘅女仔，佢发生事件应该开咗工冇几耐，已经发觉有人对佢……㗎啦，挂住对剧本，冇乜点理佢。」
伍咏薇爆杨思琦拍剧时被集体欺凌：「佢当时呢套电视剧系比一围人恰佢、一群人恰佢。」（YouTube@ HOY媒体网络）

杨思琦被前辈大闹遮灯光哑忍多时　终爆喊冲出厂
伍姑娘指，人是物以类聚，当其他人见到思琦被虾，都会虾埋一份及附和，她亦觉得思琦好「黑仔」，并把所有委屈吞下去。她忆述最难忘一次是夜晚12点几，准备拍完就放宵夜：「场戏就讲成班人齐人嘅，恰佢嗰班人啦，齐晒人嘅，全部主角齐晒！临时演员都有嘅，特约都有嘅，讲紧成个conference room出到嚟开门，就企出嚟，个位好窄，大家排排排，打灯啲Camera man排晒喺度好迫，佢（思琦）就已经觉得好辛苦，成日俾人虾，突然间有一位前辈就话『嗰啲唔知咩人嚟㗎！捞咗咁多年，啲灯又遮住我块面，都唔知点㗎！」佢都惯咗，又濑嘢（杨思琦：我都惯咗㗎喇。）又到时辰，其实啲导演、个个都知，剥花生嗰啲人，嗰个导演好好，个导演都知，当日个女导演就话『唔系唔系，其实冇乜问题嘅，可以再郁嘅。』已经想息事宁人，大家都明白做好件事。」
有次开剧，该名前辈带头话思琦遮住灯光：「嗰啲唔知咩人嚟㗎！捞咗咁多年，啲灯又遮住我块面，都唔知点㗎！」（YouTube@ HOY媒体网络）

冲出厂爆喊后　遭同剧演员连环落井下石：全部都系PK
然后事件被推至高峰，思琦听到对方「对空气喊话」，已又闪又避，但对方都说：「唉！又遮住！」不过现场冇其他人出声，伍咏薇就帮口，她说：「我话『不如咁啦，等导演排好啲啲嘢先啦，导演你话喇！』最好就咁㗎啦，导演排好，都系闹，好多声音，好似老鼠声咁嘈。」此时思琦突然大叫了一句，然后就爆喊，令伍姑娘都愕然，「嗰啲人话『哗哗哗！做乜嘢？』『系啦，又唔知做乜嘢，喊啦，你喊啦！』有啲人又话『唔知做咩，玩咋嘛，话错你咩？』」伍姑娘说前辈、后辈全部都丧闹杨思琦：「全部都系PK！闹到佢X街！」思琦当时冲出化妆间喊，伍姑娘说厂内有人说：「出去喊，咪就系等监制落嚟嗰啲人啰！」思琦原来到2026年的今天才知道这件事，她委屈说：「我都冇监制电话，我点打俾佢？」之后监制下来，想息事宁人，后来见思琦喊到双眼红肿，监制便提议先放宵夜。
思琦听到对方「对空气喊话」，已又闪又避，但对方都说：「唉！又遮住！」最终思琦突然大叫及爆喊冲出厂。（YouTube@ HOY媒体网络）

核心前辈袖手旁观突然开声　原来是赶收工
思琦继续追问当时情况：「监制有冇误会我呢？会唔会觉得系我问题？」伍姑娘：「监制同佢哋好熟，所以⋯⋯（咁都冇办法）但系监制系好人嚟嘅。（好人唔识得分是非嘅？）个高潮位就系，你出咗去之后，有个人就话，『哎呀，你哋真系嘈！』我心谂好吖，终于有前辈出嚟讲句说话，我等听，佢话『你唔好搞咁多事啦！我赶住时间收工㗎！』唔怪得之成件事冇出声，原来赶住收工，你作为最重心嘅核心人物，你系咪喺件事核心里面， Team work里面，你应该主持公道或者唔出声呢？」思琦闻言表示：「哦，原来系佢自己，唔系帮我。」
思琦原来到2026年的今天才知道这件事，她委屈说：「我都冇监制电话，我点打俾佢？」又问：「监制有冇误会我呢？会唔会觉得系我问题？」（YouTube@ HOY媒体网络）

伍姑娘爆结局时思琦再被当透明
而思琦在节目上亦忍不住落泪，她坦言自己本来已没有记住这些事，但因为伍姑娘实在扮得太神似，她才一下子记起那些人的嘴脸，不禁悲从中来。伍姑娘还说，拍到大结局一集，那位欺凌者自己整了甜品去现场派畀大家食，跟众人说：「请你食吖！」唯独去到杨思琦面前却拧歪面，其他人又立即附和：「系啰，做乜请佢食？」令伍姑娘觉得相当幼稚，当思琦说「伍姑娘，我真系好感动。从来，系你第一个而家帮我将我平反嘅！」伍姑娘强调自己所讲的句句属实：「我发誓如果我讲大话俾雷劈死！」
而思琦在节目上亦忍不住落泪，她坦言自己本来已没有记住这些事，但因为伍姑娘实在扮得太神似，她才一下子记起那些人的嘴脸，不禁悲从中来。（YouTube@ HOY媒体网络）
伍姑娘还说，拍到大结局一集，那位欺凌者自己整了甜品去现场派畀大家食，跟众人说：「请你食吖！」唯独去到杨思琦面前却拧歪面，其他人又立即附和：「系啰，做乜请佢食？」令伍姑娘觉得相当幼稚。（YouTube@ HOY媒体网络）
伍姑娘强调自己所讲的句句属实：「我发誓如果我讲大话俾雷劈死！」（YouTube@ HOY媒体网络）
伍咏薇自爆拍同一套剧也被欺负，她平时不多NG，但当时因为感冒所以频频NG，内心也非常抱歉，思琦听到这里说：「你放心啦！你有1次就可以讲足100次㗎喇！讲成世㗎啦！你有一次偶尔失手佢就会讲你，我好深深明白。」伍姑娘后来痊愈，外景如虎添翼，前辈依然不肯放过她，说：「今日口齿伶俐！」她续说：「我都冇乜嘢啦，你前辈我咪尊重吓，跟住后尾我都俾呢班前辈都成日虾我，有时又会『系啰系啰，唔知会唔会又讲错边句呢？』我全部读齐晒，冇事，跟住佢见到我……因为我系好有礼貌嘅，前辈早晨前辈早晨，我成日笑，因为其中一个前辈，唔知咩性格，见到你都几好笑容，佢就系见到我好笑容就虾我，原来你觉得我too nice，有咩都好钟意质我。」
有一次伍姑娘与骆应钧拍厂景戏，假设通告book到17:30，17:30-18:15轮到该名前辈，但对方17:10就到了，她说：「嗰度黑鼆鼆，佢就劲大声嘭开两个厂门，我拍紧嘢，你咪嘈住我啰。啲人见到佢坐喺度，我黑鼆鼆见到佢入嚟，我就坐定定，我知濑嘢，但系我唔惊你，佢入嚟『哗！都几多点呀？拍到几点钟啊？』导演话『仲拍紧仲拍紧。』搭半都未拍完，佢话『通告精神系乜嘢呀？通告系拍到17:30 ，而家咩时间呀？』佢觉得系我搞到件事咁样，总之咩原因都好，玩吓我都好，点知女导演出现，又系女导演，『系我，因为啲机我想咁样咁样拍，所以系我搞迟咗嘅，唔关任何人事嘅。』佢面懵懵孭住个袋『系咩？咁都唔知通告精神系点样呀！』自己行返出去，坐喺个景。」伍姑娘指自己做人有底线，对方已三次不尊重她，她也不会再忍，搁下一下冷笑，并从此不跟那个人说话。
伍咏薇模仿欺负自己的前辈。（YouTube@ HOY媒体网络）

涉事剧疑为《翻叮一族》
节目在网上引起热议，有人就认为涉事的剧集为2010年的《翻叮一族》，主要演员包括夏雨、许绍雄、商天娥、伍咏薇、陈键锋、敖嘉年、杨思琦及唐诗咏。此外，Brian有问两位，该名欺凌的前辈还是否在这一行，她们表示：「唔清楚，唔知情，不过应该唔喺香港。」
有人就认为涉事的剧集为2010年的《翻叮一族》，主要演员包括夏雨、许绍雄、商天娥、伍咏薇、陈键锋、敖嘉年、杨思琦及唐诗咏。
《翻叮一族》大结局确实有伍咏薇所透露的结婚戏！（TVB）

戏💩阻人收工，被骂正常。

这两人最近真的戏很多，一会儿这个欺负她一会儿那个欺负她

什麼都說，就是不說為什麼被欺負

看了欧锦棠和邓兆尊的节目，都在提这件事

直接说被谁霸凌呗 不然就是炒作

做了那么多年演员，站位，遮挡同事灯光确实行业大忌，和忘台词一样不专业

怎么这么多人欺凌杨？事隔多年，有实锤吗