杨思琦后悔太诚实认恋李泳豪　罕谈女儿生父吴帅：本以为能结婚！
早前施明离世，李泳豪李泳汉兄弟反目、李家鼎公开家丑的风波，却意外地令李泳豪前女友杨思琦「被平反」，从分手后被闹足十多年，到如今网民去她的社交平台留言区集体认错，发展极度戏剧性！早前杨思琦受访时，表示担心鼎爷身体，回应李家事件时表现获网民赞大方，近日她出席伍咏薇（伍姑娘）及李凯贤（Brian）主持的HOY《九运会客室》节目受访，谈到李家事件及坦承当年后悔太诚实公开恋情，更罕有地谈及女儿生父吴帅，坦言：「你本应想系走到去结婚嘅阶段，但系唔能够，你估玩咩？无啦啦生个女，梗系想有好结果！」
杨思琦出席伍咏薇（伍姑娘）及李凯贤（Brian）主持的《九运会客室》节目受访，谈到李家事件及坦承当年后悔太诚实公开恋情，更罕有地谈及女儿生父吴帅。（HOY媒体网络）

思琦后悔太诚实认恋李泳豪：我嗰时真系好蠢
当伍姑娘开始追问恋情时，突然口误说：「你同泳汉拍拖……」思琦随即耍手：「我唔系同泳汉拍拖呀！」结果二人爆笑，伍姑娘笑指：「捞乱，对唔住！（思琦：你搞清楚未呀？）」到正式入正题，思琦说事情已过去十多年，没必要回望，讲到当时公开恋情，她直认太蠢太诚实：「开头做freshman、新人，咁我真系拍拖，啲记者问你『杨思琦，你系咪拍紧拖？』咁我咪话系啰，我拍紧拖……实则我拍紧剧个剧组100对couples都拍紧拖，但佢哋冇人走上嚟认，我嗰时真系好蠢，我做乜认呢？我应该唔好认呀，我而家大个，嗰时如果俾我选择，我唔鬼认，咁而家你哋咪唔知道我拍咗拖啰！」她坦言公司事后有下旨叫她「收埋」，她心谂：「咁我都认咗，点收埋？」但她自问努力工作、睇工作比恋情还重要，可惜常被外间以为恋爱脑。
当伍姑娘开始追问恋情时，突然口误说：「你同泳汉拍拖……」思琦随即耍手：「我唔系同泳汉拍拖呀！」结果二人爆笑。（HOY媒体网络）
讲到当年公开恋情，她直认太蠢太诚实：「咁我真系拍拖，啲记者问你『杨思琦，你系咪拍紧拖？』咁我咪话系啰，我拍紧拖……实则我拍紧剧个剧组100对couples都拍紧拖，但佢哋冇人走上嚟认，我嗰时真系好蠢，我做乜认呢？我应该唔好认呀！」（资料图片）

感动获网民平反　自言问心无愧：我不嬲都闹衰晒，闹成世
对于被指拜金，思琦以四字「百辞莫辩」回应，她重申：「我唔系咁嘅人，如果真系要揾个有钱嘅，我出嚟都会有人介绍，我街都唔出。有人话『嗰个又好好，好富有！』『唓？关我咩事呀？』」她承认与李泳豪拍拖时有人追求，但并冇心动。对于近日被网民平反，思琦直言从没谂过：「分开咗有十几年，嗰件事到而家……但系我真系冇谂过，譬如我直播，网民走入嚟话『我好支持你，加油！』或者我有啲视频佢哋留言，好正面咁样鼓励我，我不嬲都闹衰晒，闹成世⋯⋯成日都话我衰，都冇人赞我好嘅，所以好感动！同埋我问心无愧！最近突然间好多noise系走嚟系支持我，我就感恩啰，但系我好多谢各界好多唔同嘅朋友，唔识嘅影迷、fans，呢样嘢我好开心。」对于有没有关心鼎爷，思琦就表示没有直接联络对方问候：「希望佢多啲好好咁样照顾自己，休息多啲，唔好咁操劳，我哋后辈只能问候。」
对于被指拜金，思琦以四字「百辞莫辩」回应，她重申：「我唔系咁嘅人，如果真系要揾个有钱嘅，我出嚟都会有人介绍，我街都唔出。有人话『嗰个又好好，好富有！』『唓？关我咩事呀？』」她承认与李泳豪拍拖时有人追求，但并冇心动。
杨思琦近日获网民平反，她直言从没想过：「我不嬲都闹衰晒，闹成世⋯⋯成日都话我衰，都冇人赞我好嘅，所以好感动！」（资料图片）
对于有没有关心消瘦的鼎爷，思琦就表示没有直接联络对方问候：「希望佢多啲好好咁样照顾自己，休息多啲，唔好咁操劳，我哋后辈只能问候。」（叶志明摄）

罕谈吴帅　称原本想结婚：无啦啦生个女，梗系想有好结果！
杨思琦当年突然生女，伍姑娘问她「点解咁冲动？」她回答：「唔系冲动嘅，其实，即系已经（同李泳豪）唔系一齐嘅时候，咁啱啱展开咗，而呢个（吴帅）系我以前认识嘅，而唔系话你识咗十日就走去结婚嗰啲。」伍姑娘追问关系维持了多久，思琦表示：「我谂……你真系考我，我点答你呀？维持咗几耐……以前已经系认识，未同豪仔拍拖，已经系认识，唔系话你分手，之后先突然间认识咗新嘅一个。」她续说：「但系冇谂过原来系唔可以喺埋一齐，你以前认识咗，你本应想系走到去结婚嘅阶段，但系唔能够，你估玩咩？无啦啦生个女，梗系想有好结果！大家都有个共识，但系发现有啲嘢真系唔OK，未必接受得到，成世㗎，咁你觉得唔OK，就算我有个女，咁我唔好意思，我真系唔可以一齐，但系我呢一个（小朋友）我都会keep住啰，因为系上天俾我嘅礼物嚟㗎嘛。但系当时好多人唔理解，觉得我唔知点，讲到我……仲多负面嘢，咁咪生咗个女啰，然后好爱佢，又好开心，自己照顾佢，又做工作啰。」而最后，讲到思琦现时的老公收得好埋，思琦说：「系，收得好埋，我唔敢讲，我唔敢再讲，唔好再问我！你知啦，踩蕉皮踩得多。」但她表示老公很疼锡她与前任所生的女儿Krystal。
杨思琦当年突然生女，伍姑娘问她「点解咁冲动？」她回答：「唔系冲动嘅，其实，即系已经（同李泳豪）唔系一齐嘅时候，咁啱啱展开咗，而呢个（吴帅）系我以前认识嘅，而唔系话你识咗十日就走去结婚嗰啲。」（HOY媒体网络）
杨思琦表示与吴帅相识多年。（网上图片）
她续谈吴帅：「冇谂过原来系唔可以喺埋一齐，你以前认识咗，你本应想系走到去结婚嘅阶段，但系唔能够，你估玩咩？无啦啦生个女，梗系想有好结果！」只是最终她发现有些事自己未必接受到跟这个人一世，于是分开，但小朋友她无论如何都会要。（HOY媒体网络）