世界杯终於开幕喇!主办国德国亦顺利赢到波,都算系个几好的开始,虽然我唔系一个好识波的人,但系以一支世界级的球队,输两球俾人,好似肉酸咗啲,睇嚟佢哋领队真系要谂谂计,搞一搞个後防力量喇。我听好多fans讲话德国队本身有好多问题,又话有内讧,加上今次好多都系新鲜o既嘢,由领队到球队打法都同上届有变化,虽然呢个新组合有个好开始,但系咪完美就要再睇吓佢哋跟住的表现,希望佢哋每一场都有改善啦。我想讲吓我的爱队巴西,最近啲新闻成日都讲话朗拿度肥咗好多,其实我会觉得肥唔系错,亦唔代表佢依家踢波唔叻架,最紧要系有实力嘛,反而我会比较担心佢哋受唔受得住各方面的压力,个个讲到佢哋好似一定要攞冠军,我作为佢哋的fans都觉得有压力啦。其实,大家除咗留意大细哨,都应该留意一下中场的卡卡,佢技术好又靓仔,不过可能系乖乖仔,所以无乜绯闻,唔系记者追访的对象吧!