每当曼联或英格兰踢得唔好，好怕见到TVB的何丽全，因实比何生‘润’！　　- 点呀？曼联寻晚又和，都无中场！　　- 你不如支持过第二队！　　- 英格兰赢6:0？虚火嚟啫！　　讲完两句就走咗去，真系比佢激死！　　早两日做刘老师演唱会嘉宾，喺后台又撞到何生，话题当然离不开世界杯…　　何 : 你睇好边队？ 　　李 : 我梗系支持英格兰，不过巴西真系超班，我都睇好巴西捧杯。　　何 : 我话一定唔系巴西！　　李 : 点解？　　何 : 从来无一队冧庒，我同你输赌，嗱！你要巴西，巴西赢就你赢，其余31队是但一队赢就我赢！　　李 : 唔系啩！你咪好着数？　　何 : 巴西大热喎！就咁啦！　　讲完就行咗去，何生，不如掉转，你要巴西？赌一围乳猪鲍翅席？　　礼拜六晚英格兰第一次出场，希望能旗开得胜，开波前我会到apm同大家倾吓。　　而当晚小弟亦会开始主持TVB世界杯节目，喜欢睇精华片段的朋友请多多捧埸。