不知不觉，余家升和殷赏结婚都有半年了，殷赏不知从何时开始变得如此贤良淑德，竟然做了双职女性。白天在潮担当时尚的职业女性，晚上在家担当体贴的家庭主妇。不过，这个女人还是一个「无饭」主妇，余家的一切伙食还是交由殷家两老负责。幸好这两个活宝贝总享受著下厨的乐趣，除了周游列国外，五口子的饮食完全不是问题。
这天撞上两老来了一个短线游，余家升和殷赏两个也只好尝试一下「煮饭仔」的乐趣。乐儿和Paula逛街过后，回到家中还没有放下手机，兴高彩烈地讨论著什麼似的，余氏夫妇完全摸不著头脑。直到大家都入席准备起动的时候，乐儿终於开腔了：「阿哥，赏姐，我想养狗。」
「养狗？」余氏夫妇的默契真的骗不了人。
哥嫂一致的惊讶反应把乐儿吓了一把：「做咩呀？我系话我想养狗者，没咩大问题呀嘛！」
升：「无咩大问题？你自己谂清楚喎，一条生命黎架喎，你真系谂住求其带佢番黎就有人理架喇？」
儿：「咩叫求其带佢番黎者，头先我问得好清楚要点照顾佢架喇，我用左成个回程时间去谂得清清楚楚先话你地知架喇。我头先同Paula去睇既时候，佢都话照顾小动物唔系好难架之嘛，佢之前一直养住Robert仔都无问题，点解佢养得我唔养得者。」
升：「问题系佢识得照顾自己你唔识呀！佢一直都已经系一个人住，可以话系一个完全独立既个体，但系你睇你？你唔驶我地担心已经偷笑喇。仲有呀，佢养既只系仓鼠，花既时间同狗又点一样呢？」
儿：「你唔可以因为呢Ｄ咁既理由就Band我架喎！」
升：「好，唔讲呢Ｄ理由，你记唔记得系你自己话过，要肯定自己有能力去完全照顾自己既时候先去养宠物丫？」
儿：「我边有讲过呢Ｄ野呀？」
升：「你睇你，之前就誓神劈愿话一定会遵守承诺既，你睇你而家？乜都唔记得哂喇。」
儿：「我都废事同你讲呀。赏姐，我唔食喇，你地慢慢啦。」
赏：「Joyce......」
升：「赏，唔好理佢，由得佢。」
赏：「但系......」
升：「系佢自己唔记得左自己讲过既野之嘛，我无话错佢架。唔好理佢，我地食野。黎，趁条鱼新鲜快Ｄ食喇，冻左唔好食架。」
看著这一对斗气兄妹，殷赏也完全没有办法了，只好先把饭餐完成，再从长计议。

（咯咯）
儿：「唔好烦我啦！都话唔食野咯！」
「Joyce，系我呀！」门外传来的，正是殷赏的声音。
乐儿认得出这把是自家大嫂的声音，就走过去把门打开了。「赏姐，系你呀？」
门外的殷赏没有走进来，反而只是把一件东西交给乐儿：「Joyce，其实你阿哥讲既野唔系无道理架，我谂佢讲既野应该系同呢封信有关架。」
儿：「信？」
赏：「系呀，系某一日我无意中系佢D野到发现架，佢话呢封信系当日你交俾佢保管，等你唔记得个时拎番出黎提你架，你慢慢睇下啦，我出番去先喇。」
乐儿接过信封，上面画有小墓碑，碑上有一只小龟的图样，下面有一行歪歪曲曲的字体，「蒙猪之墓」。看著这封信，乐儿终於勾起一丝回忆了，当年还是满脸稚气的她，嚷著要养一只小龟当宠物，家人都跟她说别轻言照顾一条生命，可是她还是坚持著。不幸地到最后，这条小生命在她上学期间就去世了，哭得双眼通红的她忍不住提笔写了一封信给这只小龟—「蒙猪」。
＊＊＊＊＊＊＊＊＊＊＊＊＊＊＊＊＊＊＊＊＊＊＊
蒙猪：
　　对唔住，我连见你最后一面既机会到无，我真系觉得好可惜。我唔知系唔系我唔识照顾你，令我你病左我都唔识带你去睇医生。我知道一般都有类似既情况，难道系我低估左问题既严重情？定系其实系因为我无去研究清楚应该点样照顾你先系最适合呢？虽然同你相处只系短短既几个月既时间，但系我唔会忘记你同我经历过既一切。我早就已经将你当为一个家庭成员，好可惜你唔可以同我一齐成长。我承诺你唔会再有第二次既出现，除非我可以好肯定自己可以照顾自己之余，仲有能力照顾宠物既时候，我先会带佢番屋企。希望你下次投胎转世既时候，会有机会俾我再一之照顾你啦！
一路走好！
爱你的乐儿
＊＊＊＊＊＊＊＊＊＊＊＊＊＊＊＊＊＊＊＊＊＊＊
终於，乐儿把一切都记起了！她边看边流泪，记起当时失去它的痛楚，记起自己曾经许下的诚诺，记起自家大哥责备的原因了。她把信拥在怀内，任由泪水冲出双眼，直至完全模糊了视线。听著妹子的哭声，余家升轻轻推开那道没有紧闭的房门柔声说：「点呀？谂通未呀？」
还没有收乾泪水的乐儿，尽力调整心理回应说：「唔，我知道架喇，养小动物系一生既责任，我会系我肯定自己有能力去照顾佢既时候，先去承诺照顾佢一生一世。虽然系动物，但都有感情既，若果系中段时间先放弃佢，咁同遗弃一个人其实都无咩分别。我会努力加油，尽快可以独当一面，先选择去养育一条生命。」
看著自家妹子突然说出如此一番说，余家升有感她又一次长大了。经一事，长一智；人生是必需要有经历才能成长的，他想要鼓励一下：「你知就好喇，就好似当初我承诺要照顾赏一生一世既时候，我要考虑左几耐先肯定自己有足够能力去照顾多一个人呀，你知你自己本来就系一个大细路，要照顾你之余仲要care多一个人，我无十足准备我都唔敢向你大嫂求婚呢！」
听著哥哥说出自己的心底话，乐天的乐儿终於破涕为笑：「唔怪知得你同阿嫂和好之后要等咁耐先求婚啦！」
升：「系架，要唔驶佢担心之余仲要照顾理你两个喎，无十足心理准备点得呀！」

说著说著，又传来一阵搞门的声音，当二人回头望向房门位置的时候，站著的当然就是殷赏：「点呀？好番喇？咁咪好罗，平心静气倾下几好。你睇你丫，喊到成个花面猫咁，快Ｄ抺左佢。」
乐儿接过殷赏递上的纸巾：「唔该赏姐。」
坐在乐儿床边的余家升十分自然地把殷赏拉近自己，放在大腿上拥在怀中。殷赏没有抗距，坐下来后继续说：「点呀？两兄妹和好之后好似好多野倾喎。」
儿：「无呀，阿哥话之前唔敢向你求婚就系因为怕照顾唔到你喎，所以系佢未肯定可以完全照顾你同我两个之前，都唔敢娶你喎。」
升：「你只衰野丫，我边有咁讲呀？」
儿：「唔系咁讲都系咁既意思啦！」
赏：「升呀，咁你而家系唔系准备好哂架喇？」
升：「当然啦，结左婚都半年喇，有眼你睇架嘛。」
赏：「而家乐儿都大喇，都唔驶你咁担心喇，你咪可以照顾少一个罗。」
升：「若果呢个傻妹再大个D唔驶我担心就最好喇。」
赏：「咁乐儿，我谂你真系要快Ｄ大个喇，唔系既我惊你阿哥无咁多精力照顾咁多个。」


话说至此，余家升突然听出殷赏话中的弦外之音，他慢慢地把殷赏的身体转向自己。然后用真切的眼神望著殷赏的双眼，像要把一切柔情都从眼神灌注到殷赏的心里。
没有发现什麼的乐儿还在接著殷赏的对话：「下？边有咁多个者？最多咪两个，阿哥头先都话两个佢都仲handle到架！」
升：「殊！咪嘈！赏，你讲真架？」
赏偷笑：「系呀！」
升：「真既？我唔系发紧梦丫嘛？」
赏：「你而家系唔系唔信丫？」
升点头：「信！信！信！我信！我点敢唔信！」
儿：「你地讲紧Ｄ咩呀？点解阿哥你无啦啦咁激动既？」
赏：「你仲系听唔明呀？」
儿：「唔明呀！」


赏：「总之你快Ｄ照顾好自己啦，因为黎紧我会带只小生命俾你照顾架喇！」
儿：「小生命？咩黎架？」
升：「笨蛋余乐儿，你阿嫂有左呀！黎紧佢咪会带个侄俾你照顾罗！你同我醒醒定定呀！快Ｄ照顾好自己呀！唔好再要我同你阿嫂担心你呀！咪喇，我地都系踢佢过隔离同Helen佢地住，费事佢搞出Ｄ咩野喇。」
儿：「阿哥，乜你咁架。」
赏：「乐儿，你就叻番次俾你阿哥睇先得，记住呀，你就快做姑姐架喇，要好好学识照顾自己照顾人呀！」
儿：「赏姐，我会架喇！」
升：「你系先好讲，唔系你再要我同你阿嫂担心既我实踢你出门口！」
赏：「你唔好拖我落水喎，系你自己要赶Joyce走咋喎，我又无讲过。」
升：「你有无搞错呀，手指拗出唔拗入架？帮姑仔都唔帮老公？」
赏：「系架喇，我要靠Joyce帮手黎治住你架嘛！」
升：「保你大！余家小宝贝一千其要系仔，若果唔系三个女人一个墟，到时我仲有”订”企既？」
赏／儿：「你谂你喇！」
这一个家庭的争吵小插曲，没有和平的气氛之下结束，相反还是在一段欢乐的吵闹声中完结。生命是一样极之奇妙的东西，它要来的时使你挡不住，它要走的时候你留不住。掌握不了的才是真正的人生，可是不管有多少荆棘风雨，只是能从每一个事（百度）件中汲取教瞓，增值自己，丰富自己的人生经历，这才是人生
正确的
道路。
《END》
后记：今日心情不太好，因为有些令自己很伤心的事情发生了。写这个短篇，就是要把一切伤心的感觉都寄情於文。由於仓猝的关系，必地会有改进的空间，请大家多多见谅！

　要分开咁多段先可以发得哂..... 滴汗....

记情于文，好！


哈～后面果段真系好好笑！我开头以为系讲赏有左，然后见到乐儿只龟仔噶事，以为古错左添！～原来同我霖系一样噶！～

好好看啊，仲好sweet添！！！

收工前先睇文...
睇完就收工去

透过这段文字感受到的是家人间的爱和责任~~
难得你可以将一份心情放在这篇文字里面
抱抱~~~也祝福离开的它在天堂继续做你家的守护天使

Thanks Everyone....
其实个标题.... 我系写完先谂既....
系两个钟入面写好.... 收工前发表...
个标题... 算系有D求其左DD.... @@"""
回复：8楼
回复：14楼
老大... Zoe.... 其实今日既心情真系好down...
下昼完全做唔到野.... 好想搵地方发泄...
落手就写左一段仔野..... 然后又想写落篇文到...
咪再加插左落一个短篇入面.... 所以呢篇野的确系我抒发左自己感情既一篇文章....


很温馨~
正!

好温馨～
如果余家来一个「三娘教子」也满好玩。
godzillaau，如果要发泄，可以跟我们发泄。希望你心情好d！