《中年好聲音4》昨晚（14日）播出第4集「決戰TVB藝人賽區」，有「御用秘書王」之稱的葉凱茵蒙面以「熊貓寶寶」身份參賽，挑戰經典歌曲《為何他會離開你》，卻因過度緊張未能發揮水準，終只獲一燈止步舞台。葉凱茵摘下面具後心情低落，坦言表現遠低於預期：「我真係好緊張，發揮唔到平時嘅水平。其實我都知自己嘅心理狀況係最需要調整嘅一件事，但我又真係冇諗過自己係一盞燈，會被淘汰，如果唔係，我會補咗個妝先。」主持車婉婉同樣替她可惜，幫口解圍指對方在台上大壓力：「我知道凱茵好鍾意唱歌，但（今日）一路唱一路喺度震。」

48歲的葉凱茵坦言人生經歷過不少起跌，但唱歌一直是力量來源：「之前人生亦經歷過好多唔同嘅嘢，唱歌係唯一令到我有番啲信心嘅嘢。」葉凱茵透露，今次參賽的最大推手是老公：「我其實有猶豫，諗過不如唔好嚟，安分守己，因為安分守己本來就係我自己嘅性格。但佢（老公）話：『點解唔去參加？我對你有信心。』佢係120%嘅信心，比我更多，我對自己係冇信心，識我嘅朋友就知。」語畢她更立即自責落淚：「我好對唔住我老公，佢畀咗好多Support我。但我唔會放棄唱歌，我希望我可以企番起身，可以有機會唱歌畀大家聽。」
落台後，葉凱茵發千字文自勉，又提到今次比賽的心路歷程，直言對自己非常慚愧、好氣餒，但現已走出失敗：「我比賽完後我都好慚愧好氣餒，我甚至面對唔到自己，但經過時間嘅沉澱同埋發省，我諗要有勇氣去面對自己嘅過失，再有勇氣去企番起身💪🏻（因為我真係可以唱到歌）……最後真係要多謝我老公，因為無論幾時佢都會喺我身邊支持我鼓勵我畀意見我陪伴我 有佢喺我身邊，無論成功失敗，我覺得並不孤單，因為總有佢身邊陪伴我 最後，我要多謝我自己有勇氣迎接挑戰同面對失敗，調整好心態重新出發🙏♥️💪🏻感恩一切」

老公比前度帥 黃鳳適齡了吧 能來不

邓凯欣不是说要来吗

她是哪一年的