葉玉芬✨ 爱mi爱到死
全心我 祝福您。
关注数: 58 粉丝数: 179 发帖数: 95,466 关注贴吧数: 24
【SAMMI】黎明演唱會Sammi擔任嘉賓對話。 昨晚@黎明 (Leon)在紅館舉行第二場演唱會,契爺胡楓(修哥)、霍啟剛與太太郭晶晶、導演袁劍偉與太太林嘉欣、蔡一傑及童愛玲等捧場。天后鄭秀文(Sammi)擔任表演嘉賓,Leon分享自創「風呂減肥法」令她哭笑不得,二人合唱《信者得愛》時,Leon戴黑超伴舞又Rap歌,令Sammi超驚喜,大叫:「Leon跳舞呀!Leon跳舞呀!」 眾所周知Sammi勤力做運動,經常分享滿頭大汗片段到社交平台,她一出場,Leon就跟她分享「出汗」心得,他說:「Sammi,你做運動Keep Fit好勤力,我見你流好多汗。咁你知唔知我點Keep Fit?(你有Keep過 Fit咩?)有。(係喎,Fit咗喎!)我係用日本風呂式。(即係點?)首先開個Bath。(除唔除衫?)除衫,然後浸落去。(嘩,好有畫面喎!)諗住自己喺日本,聽風呂音樂浸20分鐘,起身著返件浴袍,房入面開28度空調,食碗辣麵,坐15分鐘,成身流晒汗,肯定冇咗3至4磅。(包你流埋鼻血添呀!)唔會啩?(每個程序都咁熱辣辣。)」Sammi笑說:「又浴缸又除衫,好有畫面⋯⋯見到你啲肥肉呀!依家冇,依家好Fit!」Leon說:「肥肉會慢慢變少,水份嚟啫!」 Leon再向Sammi請教節食減肥,他說:「有啲人減肥,每日只食一粒豆,你有冇試過?」Sammi說:「一粒豆?減肥?呢個唔係減肥法,係減壽法喎!一日一粒豆真係唔掂,起碼食兩粒,早晚各一粒,飽啲!」全場爆笑。續說:「好多人都以為我不斷減肥,其實我依家做嘅功課唔係減肥係Keep Fit,做運動和食得健康,最緊要健康,肥嘅瘦嘅都唔緊要。今嚟到呢個舞台見到你,依然咁靚仔!」 講到興起,Sammi爆料:「我要爆黎明少少嘢,佢唔知由幾時間始個人好飄,好迷離。幾年前佢打電話俾我,話想幫我監制一首歌。我心諗:乜你識監制歌嘅咩?心裹滿是疑問,不過見你係黎明就好啦!然後你搵咗你老友又係我老友Mark(雷頌德)幫我寫咗首歌《犀利》,我記得你仲話要幫我拍MV。MV?於是我上網查吓你拍過咩MV。點知有一日,你又話我知唔得閒,唔幫我拍MV啦!嘩,乜你咁飄架?你啲節奏好難跟呀!」Leon坦言:「我知我成日講嘢斷片,生活都係咁。(啲人話生咗仔會無記性。)又唔係我去生。(生女可能會好啲。)可能係,哈哈哈!」合唱前,Sammi扁咀話本來想唱新歌,但Leon卻指定唱另一首,Leon立即轉話題:「Sammi新MV好正,我好期待,聽講拍咗20個鐘。」Sammi說: 「係,好貴!唔係話貴一定好,但好有誠意!(貴一定有誠意)有時唔貴就用誠意搭夠⋯⋯哎吔,我唔夠你講,我要唱歌啦!」二人合唱《信者得愛》,Leon不但戴上太陽眼鏡伴舞,更Rap歌,Sammi和觀眾都非常驚喜,全場歡呼尖叫!
【SAMMI】吳少芳(Jodi)一路好走。 Face To Face成員吳少芳離世終年54歲 結束半生輪椅歲月 前組合Face To Face成員吳少芳(Jodi)離世,終年54歲!今早她的facebook專頁上寫道:「各位Jodi親愛的朋友,Jodi已經回到天家,多謝大家一直對Jodi的關愛」,相信是家人透過她的facebook公告死訊。 Face To Face是1990年出道的女子組合,由吳少芳(Jodi)及蔡惠玲(Connie)組成,二人當年由曾任黎明、鄭秀文經理人的李進(Frankie)一手發掘,兩年出過三張唱片,包括《情迷Milano》、《一些》等K歌,可惜事業正起飛之際,Jodi於1992年發生嚴重車禍,導致四肢癱瘓,從此就過着輪椅代步的生活。 車禍後,Jodi宣佈退出樂壇,Face To Face亦解散了,由大受歡迎的女子組合,變成幾乎不能自理的殘障人士,Jodi要靠家人照顧起居生活,但她未有放棄自己的生命,由最初要插着呼吸機度日,其後學識自行呼吸,最終Jodi在深切治療部住了5個月,再到麥理浩復康院做8個月治療。出院後的Jodi雖然要靠輪椅生活,但思想正面的她,不時出席講座發揮正能量,她曾說:「死好似好簡單,但唔死嘅話,有好多方法可以解決問題。」2019年,Jodi獲鄭秀文邀請,踏上紅館的舞台擔任嘉賓,在台上合唱時激動落淚,感動觀眾。近年Jodi更自製辣椒油出售,積極地生活,想不到突然傳出離世消息。
首页 9 10 11 12 13 14 下一页