limimi1002 limimi1002
关注数: 6 粉丝数: 7 发帖数: 503 关注贴吧数: 2
【龙盈宝宝】某媒体关于可盈的报道(部分) 她亦食住个势晒恩爱,大谈老公如何体贴入微:「文龙就快拍完大陆剧,之后就会唔再接 job,专心陪我待产。佢又已经请咗个陪月,喺我生之前同坐月嗰阵陪住我。我预产期系 2月,决定咗会开刀同餵人奶,文龙仲话到时会入埋产房帮我拍 video呀!」可盈还表示,现时心情极之轻松,反而屋企人比她还紧张,自己亦打算稍后将专心凑女不再拍剧,「其实做埋下星期嘅台庆亮灯仪式,我就唔会做,专心安胎。《富贵门》去沙巴嘅宣传我就唔到啦,怕麻烦到人,好似头先影大合照,大家又担张櫈俾我,特别照顾我,唔想带俾人麻烦啦!拍剧始终太辛苦同困身,或者到时只系做啲好似广告咁轻松嘅工作。(即系《富贵门》就系你最后一套剧?)都系 o架!」想不到以往对记者一副战斗格的郭可盈,会如此有问必答,笑容可掬。 奶当水饮 谈到现时怀住 BB女的情况,郭可盈更加表现兴奋,口若悬河:「早两日照超声波照得好清楚, BB轮廓好深 o架,个头好圆,医生话进展好好,无论 size、体重和胎儿都好正常,我佗得好舒服o架。」现场所见,以往微波兼瘦到凸胸骨的郭可盈,如今竟然升咗两 cup, 3吋胸罅乍现,不过其手脚则依然十足火柴,为此她解释:「其实依家我由朝食到晚,每日至少食 4、 5餐,食好多牛扒牛柳。以前我唔钟意饮奶,但依家奶当水饮,至少饮 1公升鲜奶,但医生话都系唔够。我已经重咗 10磅,只不过系全部肥晒喺个胎度啫!」 一提起饮食习惯,可盈即连忙叫惨:「以往我好钟意饮咖啡,但依家绝对唔可以掂,惟有文龙饮咖啡嗰阵,叫佢俾我闻吓罗,就算饮茶都系饮好淡好淡嘅铁观音。有时无端端会想食猪肠粉,谂起边度最好食,几远都叫老公买俾我食 o架!依家文龙变咗我同 BB嘅专业摄影师,影住我个肚由扁到愈来愈大。」可盈无时无刻都将老公林文龙挂在口边,狂晒幸福。 暂租单位安胎 《富》剧夜宴后,记者发现郭可盈乘坐七人车狂兜圈,欲撇甩记者,最后返回大角咀豪宅「一号银海」寓所,至翌日仍未有外出。据资料显示,两人刚在今年 9月,成功把本来自住的两个相连「一号银海」单位售出,帐面获利 278万。日前亦已搬离该单位,不过为免可盈动胎气,故在安胎期间不想劳师动众搬家。一知情人士透露,「可盈佢哋因为放售得好急,所以未有时间去物色其他楼盘,依家虽然已经交吉嗰间屋俾新买家,但佢始终腹大便便,见『一号银海』都住得几舒服,咪暂时搵间已经装修好嘅单位租住先罗。」据知现阶段,郭可盈以月租约 5万,暂时租住同一屋苑一个逾千呎单位,待楼价略为回落才出手置业。
1 下一页