贴吧用户_aVeC3XG -
关注数: 0 粉丝数: 330 发帖数: 8,821 关注贴吧数: 0
[cp]森美惨遭阿女无视 陈豪劝有女趁嫩锡艺人陈豪及森美出席 [cp]森美惨遭阿女无视 陈豪劝有女趁嫩锡 艺人陈豪及森美出席电影首映礼,谈到今日父亲节,想不到两位星级爸爸“待遇”完全不同!陈豪透露:“朝早大仔同二仔跆拳道考试,完咗我哋成家人食咗个父亲节午餐,依家做完嘢返屋企,听讲有蛋糕切。”他又冧爆表示获3子女献吻,相当满足! 反观森美偏咀谓:“仔仔啱啱喺英国返嚟,依家隔离紧。我个女青春期,见到我知我想捉佢嚟锡,两呎外就跑走,不过佢都孝顺,整咗芝士煎蛋同咖啡畀我叹。我老婆就一早同我讲话出去整眼睫毛,我问佢咁我点?不过我有同佢夹计,佢负责提仔女父亲节,我之前就负责提母亲节。” 记者直指他不受欢迎,森美死撑:“我好受欢迎,上星期买平板电脑畀个女,我见到佢望一望我。其实关咩事吖?小朋友喺佢哋呢啲年纪系青春期,要大咗先识孝顺父母,我喺佢呢个年纪都一样啫!依家等佢哋浪子回头啰。” 问到陈豪有否担心“自己未来”,他打趣:“有,所以依家趁佢哋仲细,有得揽就揽、有得锡就锡。”森美补充两日前已三代同堂庆祝父亲节,又即场取出手机,大晒去年与一双子女合照:“你哋唔好睇咁耐,我惊畀个女闹,依家我密谋紧,等个仔出关我哋再影新相。”[/cp]
[cp]许家杰催公司开拍篮球剧!罗天宇劲兴奋:等咗10几年艺 [cp]许家杰催公司开拍篮球剧!罗天宇劲兴奋:等咗10几年 艺人许家杰、罗天宇、黄嘉乐、谭俊彦、黄子恒、翟威廉、郑世豪、周志康等等齐齐为TVB节目《明星运动会》的篮球赛出战,而比赛地点是乌溪沙青年营的运动场,众男分队激战,虽然最终由那一队胜出还未公布,但他们异口同声表示打得很开心、过瘾,更期望公司可以快些开一部以打篮球为题材的剧集,纷纷举行自荐拍摄。 为了这场明星篮球赛,他们都分别于赛前努力备战,因为一直忙于工作很久没有打过的家杰及嘉乐都坦言事前有到街场操练,家杰更大赞罗天宇勤力,为了比赛,一星期勤练足4、5日,相当认真。家杰接受东网访问时坦言:“寻(前)晚除咗我哋一班‘老鬼’之馀,好多《#后生仔倾吓偈#》节目嘅年轻人都有落场打,之前我哋都有去街场练射波,夜晚又斗吓波,成件事好青春,呢啲事10年前先会做,呢2年我都未打过篮球比赛,好多谢公司畀机会,寻日都好开心、感动,原来自己仲行得走得。”家杰又表示希望有生之年可以拍一部打篮球的剧集,自己10岁开始便跟哥哥打篮球,这个真的是他的愿望。 罗天宇受访时谓:“大家一齐打波真系好开心,好耐未试过咁样比赛,所以好多当年嘅感觉返晒嚟!”说到许家杰提议公司开套打篮球的剧集,天宇谓:“梗系好,超想呀!自己锺意车同篮球,如果可以参与呢类题材嘅剧集,真系开心到飞起,其实一直都等紧,都等咗10几年。” 而黄嘉乐谓:“因为打呢场比赛,最近开始先拎番起个篮球,早两日专登去咗篮球场射波,其实我哋围内一班圈中朋友以前都成日一齐打,不过依家各有各忙,都好少机会聚埋一齐,所以今次真系开心又好玩。”[/cp]
[cp]张敬轩成日被“姐夫”单立文闹 原因系…歌手张敬轩到将 [cp]张敬轩成日被“姐夫”单立文闹 原因系… 歌手张敬轩到将军澳电视城录影《劲歌金曲》,他表示来攞今年第2首冠军歌《Sweet Escape》。讲到有单立文点评的环节,他说:“其实我已经畀佢亲切地点评咗好多年,因为佢系我姐夫,我叫胡蓓蔚做家姐,电视上只不过系佢3、4成功力,依家年轻人都系由《爱‧回家之开心速递》认识佢,其实我姐夫喺行内系有名嘅低音结他手同埋监制,所以佢系有资格畀意见我。(佢闹得你最甘系边次?)好多年前佢话我个人好散修修,可能佢嗰时得闲,成日睇电视就会闹我同埋家姐,其实都唔系闹,系畀意见,都系为我好。” 他亦坦言入行耐会有面子及年资包袱:“网络都会有好多意见,所以歌手要强大自己嘅承受能力,听多啲唔同意见,有建设性嘅评价系袋钱落我袋。” 陪遮遮上家政班 讲到他的工人姐姐(遮遮)又一力作,他笑言二人将上家政班:“人哋上婚姻辅导,我哋就上宾主餐饮辅导,但我唔敢畀佢自己一个人上,佢二次创作能力太强,为保生命安全,所以就会同佢一齐上,会煮中餐为主,会上20堂。” 讲到遮遮唱歌好听,为何不带她上来节目?他说:“我酝酿紧一个劲嘅时候,其实有时喺屋企突然听到啲口哨声,仲以为系灵界,但原来系佢唱歌,佢电话有个菲律宾唱歌App,有成百几首歌,绝对上得台。(会唔会同佢上台唱歌?)惊唔合法,有谂过开Live,但有灰色地带。(你签佢做佢经理人咪得?)唔好谂太多,医好个肚先算。”[/cp]
[cp]袁洁莹唔想令观众失望 未为复出做好准备歌手莫镇贤宣布 [cp]袁洁莹唔想令观众失望 未为复出做好准备 歌手莫镇贤宣布新成立由歌迷和义工组成的新团队“尊贤荟”,今日(16日)在新蒲岗举行启动礼,而一班歌迷为他预祝明日生日,好友袁洁莹(Fennie)、肥妈和韦绮姗等出席到贺,韦绮姗原来跟莫镇贤是同年同月同日生,认真有缘,2人还一同切蛋糕庆生。她透露女儿在疫情下留家上网学习,情绪受到困扰:“囡囡网上考试时,见到佢全身震,我教佢深呼吸放松。” Fennie虽然消瘦不少,但精神不错,她台上分享喜欢每日凼自己开心,亦希望将开心感染身边人。莫镇贤笑她经常说话口窒窒,似“西瓜刨”,但一上台就口齿伶俐,并透露2人感情要好,晚上睡不着时会倾心事,因他们样貌和性格相似,故不少人觉得他们似“两兄弟”,Fennie就赞他勤力:“佢之前成日返大陆工作,回港就算好攰,若应承我哋食饭,点攰都出嚟,同埋佢好有义气,会冲出嚟帮手。” 提到其身体状况,Fennie承认患情绪病,她说:“情绪唔系几好,试过由中环搭车去铜锣湾都觉得好吃力,唔知点解,睇医生后,医生话我有少少焦虑,出街好紧张心跳快,好似跑街咁,有人群恐惧症。” 问到是否因为情绪病关系,而未有复出幕前?她说:“我系嗰段时间唔知发生乜嘢事,有一年多时间,头发好长都自己剪,唔想出街见人。(啲人话你瘦好担心你?)系视觉上,有时饮水唔多或者夜瞓,脸就好削,事实上我体重和身形,我妹话系正常,超过100磅。” 莫镇贤乘势问她何时复出?她笑说:“等机会!”她觉得自己除了拍戏,很多事也不懂,透露疫情期间,其实也有不少工作,但被她推掉,她说:“有啲工作推咗,舞台剧都有,排咗但疫情关系冇公演,剧集都有搵,不过觉得个角色怪怪哋,自己拿捏唔到,太耐无出现,唔想令观众失望,身体和心态都要准备好先。(有冇经济压力?)冇收入呀,多有多使,少有少使,有冇经济压力唔识答,好多朋友会请食饭嘅。”莫镇贤赞Fennie好知足,不会买名牌,更约定之后一同做义工去执垃圾。[/cp]
[cp]《死因有可疑》3大质疑遭狠批 方力申逐一解画一连五集 [cp]《死因有可疑》3大质疑遭狠批 方力申逐一解画 一连五集、无线烧脑综艺节目《死因有可疑》昨晚(15日)情节继续围绕第一个单元进行搜证及调查,由于已入戏肉,气氛相对紧张,凶手矛头直指游嘉欣与刘佩玥,游嘉欣身上惊现可疑爪痕,刘佩玥又一度前言不对后语;而TVB社交网进行的竞猜凶手投票活动,二人所得票数亦旗鼓相当。 由于节目拍摄手法崭新,观众评语好坏参半,亦有网民提出制作“太Hea”、演员“唔清楚剧本”、“成日忍唔住笑”等3大质疑,对此,最为了解拍摄流程的节目主持方力申受访时逐一解画:“大家系特登跳出个角色嚟拍,因为想多啲综艺感,同埋想观众觉得真系同我哋一齐玩紧游戏。其实个拍摄系好认真,净系道具都超过200件,好多系人手做。同埋我哋每个人收到嘅剧本都只有两页,得剧情简介同角色设定,好多对白都系睇吓搜证搜到乜再临场爆肚,导演系想我哋连自己角色嘅细节都唔清楚,佢觉得咁样刺激啲。” 今晚(16日)除了会揭晓“校园幽灵杀人事件”真凶,并会播出第二个单元“大时代杀人事件”,演出除了方力申、游嘉欣、郭子豪及张秀文外,还有周柏豪。据知第二个单元人物关系与案情更为错综复杂,为了配合剧情,剧组还刻意搭建了一所“圆形屋”,导演Marcus谓:“因为个剧情需要间屋系咁嘅形状,喺外面好难搵到,所以就索性搭出嚟。”[/cp]
[cp]龚慈恩齐赞岑丽香!商天娥阔别6年拍剧过足戏瘾艺人商天 [cp]龚慈恩齐赞岑丽香!商天娥阔别6年拍剧过足戏瘾 艺人商天娥及龚慈恩日前为TVB娱乐新闻台节目《StarTalk》任嘉宾,二人大谈拍摄剧集《宝宝大过天》感受,龚慈恩直言角色具挑战,有别以往,她说:“平时做开腍善角色较多,今次做一个较强势嘅知识份子,但要我大声讲嘢,都辛苦,佢哋集体教我应该点讲嘢,马国明教我高级人士点望人嘅眼神,对眼要好肯定,唔使真系闹人,要不寒而栗!” 相隔6年再拍剧的商天娥直言过足戏瘾,她说:“今次我又要同龚慈恩喺地下度爬、要着泳衣打底浸水、床戏、Cosplay都有,Cosplay Elsa嗰日我老公都在场,一见到我个Look,吓到冇声出!你知我以前都比较正规,不过再爆啲都可以,一系唔做一做就要做得夸啲,令观众有惊喜先得。” 谈到与岑丽香再次合作,商天娥说:“6年前同佢合作《楼奴》,不过今次觉得佢有阵女人韵味,同6年前完全唔同,做咗妈咪系有另外一种味道。”而龚慈恩则表示岑丽香给人一种舒服感觉,她说:“佢好Sweet,返到公司未埋位拍摄,佢已经叫我妈咪!” 她又称新剧有意义,可令观众反思:“同屋企人沟通好重要,我同仔女都有唔同嘅沟通方法。我好放手畀阿女(林恺铃)试吓入行发展,佢自己好清晰依家以学业为先,早1、2年佢做Model去Fashion Week,对佢读建筑都好有帮助,因为呢个行业畀佢认识更多,包括人际及扩阔眼界。”[/cp]
[cp]姜皓文第一次献畀菊梓乔 自认系老饼!歌手菊梓乔(Ha [cp]姜皓文第一次献畀菊梓乔 自认系老饼! 歌手菊梓乔(Hana)今日(17日)于湾仔一所餐厅为主唱无綫新剧《刑侦日记》的片尾曲 《不相信别人》拍摄MV,亲邀在剧中和她最多对手戏的姜皓文(黑仔)做男主角,黑仔笑言将“第一次”做MV男主角的机会献给Hana,又大赞对方是凄美歌后,并自嘲是“老饼”。 姜皓文说:“佢搵我嗰阵我以为佢讲笑,唔嫌我‘老饼’咩?识佢系因为之前《铁探》佢唱《钢铁有泪》,我好锺意呢首歌,一播我即喊,开始有好深印象。”岂料一答应做男主角就“被骗”,他说:“以为今个MV系拍拖开心嘢,点知又系咁惨!近呢10年、8年全部都系煽情嘢,头先都喊到声嘶力竭,次次都系为‘老婆’喊,求婚又求唔成,系有啲原因!” 黑仔续笑言一直以来都有向监制、导演及公司申请拍小品喜剧,自言恨到流口水,又对无綫的新综艺节目虎视眈眈:“之前都有拍过啲搞笑节目,系出嚟拍电影先变反派,但系如果依家叫我去做,又会唔好意思,冇人哋咁调皮、放得开,系有啲矛盾。” 问到Hana是否回来重夺剧集歌曲的歌后宝座?她笑言没有:“一直都系差唔多,同埋我系每年年头录晒一年嘅歌,咁啱呢套剧我有2首歌,另一首就同王浩信唱,所以今个月产量会多啲!”又预告之后会推出原创歌曲,以及于下月(7月)书展举行签碟会,希望可以顺利签到,因为都争Fans碟好耐,所以好期待![/cp]
[cp]港姐复试:唔见影已落选?“东涌罗浩楷”被起底来头唔嘢小 TVB年度盛事《2021香港小姐竞选》首轮面试有唔少骑呢佳丽成为全城热话,今日(16日)进行第二轮面试,只系得番小部分“骑呢佳丽”有幸入围,其中于第一轮面试大耍港女自拍十式抢Fo嘅张嘉慧(Amy)着上碎花裙现身,佢今次就文静得多,只说:“我当嚟玩吓识吓朋友。” 另外,喺芸芸佳丽中,Michelle竟以旗袍上阵似足“旗袍大妈”成功“突围而出”,佢表示着旗袍因为对自己身形好有信心,并希望中西融会,展现中西美。 至于首轮面试最“爆”嘅“东涌罗浩楷”霍韵璇(Kirsten)就未见踪影,未知系咪已经落选。但其实Kirsten非常有料,原来佢系唱得之人,曾以“Lenar Bata”之名发布过唔少歌曲及两张专辑,部分歌曲更有拍摄MV,其中《Kiss Me》就去番佢来自嘅东涌取经,于屋苑内慢步,意境独特。而面试当日陪同出席嘅哥哥亦以“Lenar Mitchell”之名出歌,两兄妹又开设影片频道,不时拍片合唱。 另外,Kirsten社交网有唔少自拍旧相,见佢留有大波浪卷曲长发,回复少女味,未有如面试当日般“老气”,网民即为佢平反:“你参赛嗰日系咪得罪造型师同化妆师。”至于其“提名人”林作连日来亦晒出Kirsten唔少靓相,当中一张相Kirsten着上旗袍,林作讲笑话系佢第二轮面试嘅造型,岂料今日的确有佳丽着旗袍现身。 而林作亦再发文指“唔可以畀Kirsten就咁离去”,声称要发起众筹100万给TVB,以恳求“加位”让Kirsten进入决赛。 Kirsten于社交网拍片答谢粉丝:“感谢粉丝对我的爱和支持,很感恩沿途有你们陪伴。”[/cp]
[cp]受马国明刺激 汤洛雯搞到唔想生B!“靓汤”汤洛雯及简 [cp]受马国明刺激 汤洛雯搞到唔想生B! “靓汤”汤洛雯及简淑儿(Jessica)到将军澳电视城出席《一笑渡凡间》宣传活动。问到最后谁情归萧正楠?靓汤笑言不想剧透,但作为“大婆”都心痛Jessica。 对于阿萧想原班阵容开拍续集,2女大表赞成:“可以拍时装版,讲济公穿越现代。”而讲到新一届港姐开锣,她们身为师姐兼属同届港姐,靓汤就谓没有留意,但知道关礼杰大女关枫馨有参选,她说:“我唔识佢,但我识关礼杰,因为有合作过。(你哋都系星二代,会唔会有咩寄语佢?)要放松心情,我当年就系因为‘星二代’呢个称号,所以好大压力,搞到冇自信。” 她又笑言:“好多人话我哋有后台,其实系冇,我就系人办,做咗9年先有机会做女一,我觉得佢可能系唔想大家觉得佢靠屋企,想靠自己努力,所以先嚟参选,所以会支持她。”而Jessica就谓有留意新一届港姐,笑言对似足佛祖的霍韵璇最深印象,赞对方样子慈祥。 另外,讲到靓汤男友马国明新剧《宝宝大过天》刚开播,她坦言未有时间看,问到岂不是见不到男友凑BB的样子?她笑言:“嗰时我哋同一时间开剧,我有时都会去探班,都会见到香香(岑丽香)同马明凑BB乸手唔成势嘅样,但香香好啲。(睇到之后有冇刺激到你?)有呀,刺激到我唔想生,哈哈。”她又谓男友都想睇《一》,呼吁大家现时可以睇晒2套剧![/cp]
[cp]王祖蓝放手搞《死因有可疑》 方力申爆张秀文最阴湿TV [cp]王祖蓝放手搞《死因有可疑》 方力申爆张秀文最阴湿 TVB全新烧脑综艺节目《死因有可疑》今日播出,拍摄全程无得take two,参与艺人虽然一再埋怨,不过张秀文笑指整个过程好开心:“我哋拍嗰阵觉得好好玩呀,一嚟又要用脑,二嚟又要防人,好投入好enjoy,所以我有信心观众会睇得开心!”方力申则大爆张秀文是导演之外最阴湿的“队友”:“佢劲系劲在,系唔系都呃我哋,所有嘢都唔知真假。” 另外,节目形式破格及制作用心,虽只是五集“实验性”综艺节目,单是度身订造道具已超过200件,而制作班底亦全数起用年轻人,导演Marcus是经内部调职后初试啼声,编剧阿智则曾参与TVB王牌综艺节目《学是学非》创作。 编剧阿智透露提出节目构思时,已获首席创意官王祖蓝一Take通过:“佢问我点解第一个单元想拍校园,我话因为女艺人着校服好睇,佢深表认同之后就冇再干涉过。”剧本更是在零高层改动的情况下进行拍摄,自由度极高。他又指祖蓝向他大派定心丸,直指冇收视压力:“佢话得架喇,最紧要畀心机,拍得开心、尽咗力已经足够。” 对于试映会有人质疑参与艺人状态过于轻松,Marcus解释:“系设计嚟,我哋想呈现佢哋最真实一面畀观众睇,演员喺镜头面前会有包袱,所以我叫佢哋用最relax状态去做,最好互寸,好似平时同朋友玩紧咁;如果一发现佢哋演紧戏,嗰啲片我就唔会要。”[/cp]
[cp]拍《宝宝大过天》出绝招 马国明岑丽香凑女吵大镬马国明 [cp]拍《宝宝大过天》出绝招 马国明岑丽香凑女吵大镬 马国明、岑丽香主演的新剧《宝宝大过天》今晚首播,剧中他们为凑2岁多囡囡常常爆发大战,最后领悟到最紧要为小朋友带来快乐!虽然马国明尚未为人父,但自有绝招凼小朋友!而相隔3年再拍剧的香香贵为2子之母,但演绎妈妈角色坦言仍有难度! 2018年的《BB来了》内容写实贴地,大获好评,经过3年后,同一系列的《宝宝大过天》载誉归来!但今次就换上全新演员上阵,由廖晋硕监制、马国明、岑丽香、陈自瑶、张頴康、吴业坤、车婉婉及黄文意等合作演出。此剧将于今晚(14日)晚上8时30分在翡翠台首播,剧情讲述不同家长面对的育儿难关,其中马国明与香香为2岁多的囡囡及工作问题不断发生矛盾,最后带出有快乐的父母才有快乐的孩子的主旨,希望让观众睇得轻松开心及有共鸣! 剧中除了马国明及香香外,“四大长老”商天娥、吴岱融、龚慈恩及李国麟因出身背景不同,对凑小朋友各有意见。现实中未婚的马国明于剧中与2岁多小演员合作,坦言一开始都有难度,幸好小朋友很乖又可爱。以前曾凑姨甥仔的他,与小演员磨合一轮后已很有父女感觉,有时更会使出绝招凼对方:“呢个BB女好锺意玩‘飞机’,2只手抱到佢好高,佢就好开心,所以拍时见佢开始眼瞓就会抱佢飞上天,佢就会开心笑番醒。”提到再与香香合作,他笑言之前合作时对方是追不到的女神,今次终于追到更做埋太太,又指与她有很多吵架场口,觉得对中文不太好的香香较吃力,她回家还要凑仔,相当厉害。 同小演员合作有难度 香香现时身为2子之母,但笑言与小演员合作有难度:“要对佢好有耐性,要时间培养感情,有时小朋友读剧本唔易,我哋会做一次畀佢睇,佢就会做到,但如果真系唔Work嘅话,只要出动‘黄金绝招’乾果零食就会OK。”说到再与马国明合作,她大赞对方是很好的拍档,又笑言今次演夫妻不但不Sweet,反而有很多吵架戏:“我哋好多时排戏都排到好攰,因为要用好多Energy,由头嗌到落尾咁!记得有场嗌交戏喺室外拍,嗰阵就嚟落雨,所以要好快拍完,但可能已经嗌到好熟,所以1、2页纸对白嘅嗌交戏,中文系有限公司嘅我竟然都可以一Shot过!” 张頴康唔敢惹“老婆”陈自瑶 剧中饰演岑丽香表姐的陈自瑶(YoYo)与张頴康相识多年,但从未有对手戏,今次一演就是夫妇,过程更有笑有泪。剧中YoYo本身有童年家庭创伤,离婚后带住2个小朋友嫁给张頴康,虽然对方很爱她,但就因未能为男方生BB,而被奶奶嫌弃,故有很多爆喊内心戏,演技获赞。 YoYo笑言张頴康是很搞笑的对手,故拍内心戏前要闹走他:“我叫佢唔好讲笑、唔好搞我,我要培养情绪,佢都唔敢惹我啦,哈哈,但今次同佢合作好开心,拍摄时佢成日都会搞到我忍唔住笑。”张頴康笑言:“我又唔系咁人渣,知道边啲位玩得边啲唔玩得,到佢要做内心戏,我喺现场都冇出声,拍嘅过程我都系就咗佢先,有时啲喊戏要拍2次,我哋2个要分开拍,我都系畀佢拍咗先到我拍。” 吴业坤玩花招闹爆黄文意 吴业坤剧中演马国明弟弟,他与黄文意这个新鲜配搭就是饰演一对没有经济能力但已结婚生BB的年轻夫妇,只挂住玩乐,BB出世后就交由父母照顾,但2人后来会成长,承担照顾孩子的责任。 首次饰演爸爸的吴业坤笑言:“都几适合我,因为角色系意外有咗小朋友嘅爸爸,我自己都未有心理同生理准备做爸爸,所以拍摄好易投入,因为真系唔识凑B。”与黄文意虽然首次合作,但2人获赞有“火花”,黄文意笑言:“吴业坤会将对白演绎成金句,尤其系闹我嗰啲对白,佢可以即场谂到好多花招,所以我拍闹交戏系拍到咬牙切齿,佢闹得我咁过瘾,我唔用番同样程度去话番佢畀观众睇,条气会唔顺!”[/cp]
1 下一页