dollar8888的个人资料

东周刊 - 一个女人的快乐之道我本性乐天，所以讨厌怨妇，做女人已经够辛苦了，为甚麼还要每日怨天怨地？这大概就是我喜欢曾华倩的原因。人到中年，既是失婚妇人，又是单亲妈咪，既要为口奔驰，又要身兼父职，其实曾华倩已有足够的理由去当个怨妇了。然而她却宁愿享受着单身女人仔的生活，一切随遇而安，把焦点放到生活上的细微细眼处，努力做好自己的每个演出，闲时陪陪小朋友，到街市买买餸，或跟好姊妹们聚聚。看她的微博分享内容：和儿子来个简单的下午茶、把心爱的化妆箱修补了、晚上吃到很想吃的士多啤梨、与歌神张学友来个合照，原来都够她快乐半天。「我真心觉得，我现在过得很开心，我亦相当享受现在的生活！」这是她在访问中多次强调的说话。令自己快乐，可以有无限个原因，每个人都不同。华倩说，最重要还是懂得知足，好好珍惜眼前拥有的。「世事无常，做人唔好搞咁多嘢，最紧要开心，享受活在当下，已经可以好精采！」充满正能量又爽爽直直的女人，我坚Like！感情生活早前看《心有灵犀》，每集总见曾华倩听嘉宾说爱的宣言时，听到眼红红，人们以为她是感怀，实情她只是感动。「我觉得每个人只要真心说出自己的故事，就已经好动听！」皇帝唔急太监急，她自○二年跟前夫林肇基的六年婚姻画上句号后，外界总是很关心她的感情生活，所以年前她跟马国明传出姊弟恋，即得到很多人受落。「哗！呢段绯闻系真o架，真到不得了呀！」说时她反晒白眼，语气相当藐。我谂观众都好想我讲呢句罗。梁朝伟和曾华倩曾经是羡煞旁人的一对，现在也是很好的朋友。唉，呢个话题好闷！我讲过几多次，都系没完没了，如果嗰个真系我男朋友，我会唔紧要，但如果唔系，就唔好作咁多故事出嚟罗！可能外界觉得我哋好夹、好似好衬咁，我唔知喎……或者我重新考虑吓呀，哈哈哈哈！但其实我同佢只系朋友，依家只会喺公司见到面嘻哈几句咁，冇联络。我嘅感情生活，真系唔使担心，我自有主张！其实依家都有人追，但我好怕狗仔队，可能食餐饭都会被影到相，冇咗个发展空间，我都唔想嘥大家时间！或者我暂时仲未遇到一个可以令我唔谂咁多嘅真命天子啩，但我又唔会刻意去搵，又唔会抗拒，随缘啦，我自己未系好想拍拖，我真系好享受依家嘅单身生活，有拖拍唔一定得到开心，追求快乐唔一定要有个男人。暂时对我嚟讲，可以话系一个悠长假期。○七年重返TVB拍《古灵精探》，结果跟马国明传出姊弟恋绯闻。自我调节曾华倩说，她是个典型的狮子座，在人前总爱嘻嘻哈哈，有心事却会选择闩埋房门，独个儿去面对—即使是当年面对婚姻破裂，她都不会对外界显得郁郁不欢。当年离婚，比我想像中复元得更快。我喺感情方面，某程度上EQ几高，自己唔开心，我会匿埋喺房，自我调节好才会出番嚟见人，有好多嘢都系自己去控制，朋友紧要，但最重要都系自己帮自己解开个结，如果自己帮唔到自己，所有人都帮唔到你！我觉得两个人分开，唔一定代表唔好，两个人嘅相处系一个学问，始终每个人追求嘅嘢都唔同，当大家唔系行同一条路时，分开走各有各嘅生活，可能大家都会活得更精采，系完全冇问题！唯一嘅问题系个小朋友，如果大家都同样咁爱个小朋友，其实系冇问题，我前夫依家都有同我个仔见面同相处，冇问题喎！总好过喺个小朋友面前日日嘈喧巴闭，或者各自唔理个小朋友，得工人带大，得物质，咁咪仲更加影响个小朋友！依家呢个年代，一定要畀个小朋友知道你好爱佢，因为佢系feel到o架！